ព័ត៌មានអន្ដរជាតិ
ប្រទេសអ្នកមាននៅអឺរ៉ុបចំនួន៥ កំពុងរងគ្រោះធ្ងន់ធ្ងរ ដោយទឹកជំនន់
ភ្លៀងធ្លាក់ខុសពីធម្មតានៅក្នុងតំបន់ដែលធ្លាប់តែជួបគ្រោះរាំងស្ងួត នៅភាគខាងជើងប្រទេសអ៊ីតាលី បានធ្វើឲ្យទឹកទន្លេឡើងខ្លាំង បង្កជាគ្រោះទឹកជំនន់ ដោយសម្លាប់មនុស្សចំនួន៨នាក់, បង្ខំឲ្យមានការជម្លៀសប្រជាជនរាប់ម៉ឺននាក់ និងជំរុញឲ្យអាជ្ញាធរព្រមានថា ប្រទេសអ៊ីតាលី ចាំបាច់ត្រូវធ្វើផែនការជាតិដើម្បីទប់ស្កាត់ទឹកជំនន់ដែលបណ្តាលមកពីបម្រែបម្រួលអាកាសធាតុ។
ស្របពេលជាមួយគ្នានោះ បុគ្គលិកសង្គ្រោះបន្ទាន់ ត្រូវបានដាក់ពង្រាយ ដើម្បីឆ្លើយតបទៅនឹងលំហូរភក់ ដែលបង្កឲ្យមានការបំផ្លិចបំផ្លាញដល់ហេដ្ឋារចនាសម្ព័ន្ធ និងផ្ទះសម្បែង។
ព្យុះភ្លៀងរយៈពេលច្រើនថ្ងៃ បានវាយប្រហារពាសពេញតំបន់ដ៏ធំនៃភាគខាងជើងប្រទេសអ៊ីតាលី និងតំបន់បាល់កង់។ ក្រៅពីអ៊ីតាលី, បំណាក់ដីនិងការជម្លៀស ក៏ត្រូវបានរាយការណ៍ផងដែរនៅក្នុងប្រទេសអ្នកមានចំនួន៤ទៀត ដូចជា ក្រូអាស៊ី បូស្នៀ ស្លូវេនី និងអូទ្រីស។
កាលពីល្ងាចថ្ងៃពុធ អាជ្ញាធរនៅខេត្ត Ravenna ភាគខាងជើងប្រទេសអ៊ីតាលី បានបញ្ជាឲ្យជម្លៀសប្រជាជនប្រហែល១៤០០០នាក់ ចេញពីផ្ទះរបស់ពួកគេ ដែលនេះជាវិធានការប្រុងប្រយ័ត្នជាមុន ដោយសារតែការភ័យខ្លាចថា ទឹកទន្លេចំនួនបី អាចឡើងខ្លាំង។
ទន្ទឹមនោះ រដ្ឋមន្ត្រីការពារជនស៊ីវិលអ៊ីតាលីលោក Nello Musumeci បានអំពាវនាវឲ្យមានផែនការវិស្វកម្មធារាសាស្ត្រទូទាំងប្រទេសថ្មីមួយ ដើម្បីសម្របខ្លួនទៅនឹងផលប៉ះពាល់នៃការកើនឡើងគ្រោះទឹកជំនន់ និងការរអិលបាក់ដី។
នៅក្នុងសន្និសីទសារព័ត៌មាន លោកបានកត់សម្គាល់ថា ជាមធ្យមមានភ្លៀងធ្លាក់ ២០០មិល្លីម៉ែត្រ ក្នុងរយៈពេល៣៦ម៉ោង ខណៈតំបន់ខ្លះមាន៥០០មិល្លីម៉ែត្រក្នុងអំឡុងពេលនោះ។
ចំណែកនៅទីក្រុង Castel Bolognese ឯណោះវិញ អភិបាលក្រុងនិយាយថា មិនមានអគ្គិសនីប្រើប្រាស់ឡើយ ហើយគ្រួសារជាច្រើន កំពុងដាច់ស្បៀងនៅក្នុងតំបន់ដែលរងគ្រោះដោយទឹកជំនន់។
ទោះយ៉ាងណា លោកស្រីនាយករដ្ឋមន្ត្រី Giorgia Meloni ដែលកំពុងធ្វើដំណើរទៅកិច្ចប្រជុំ G7 នៅប្រទេសជប៉ុន បានបញ្ជាក់ថា រដ្ឋាភិបាលកំពុងតាមដានស្ថានការណ៍ និង រៀបចំផ្តល់ជំនួយសង្គ្រោះបន្ទាន់ ទៅកាន់តំបន់ដែលរងគ្រោះ៕
ប្រែសម្រួល៖ Vann Vann
ប្រភព៖ ABC
ចុចអាន៖ ទឹកជំនន់ សម្លាប់មនុស្ស ២៨នាក់ នៅរដ្ឋ Kentucky របស់ អាមេរិក
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ