ព័ត៌មានអន្ដរជាតិ
អ្នកនាំពាក្យការបរទេស ចិន យល់ស្របតាមសម្ដេចតេជោ ពាក់ព័ន្ធកង្វល់នាវាដើរដោយថាមពលនុយក្លេអ៊ែរនៅ អាស៊ី
ប្រទេសចិនកាលពីថ្ងៃអង្គារបានជំរុញឲ្យសម្ព័ន្ធភាពយោធាត្រីភាគី AUKUS ដែលមានសហរដ្ឋអាមេរិក ចក្រភពអង់គ្លេស និងអូស្ត្រាលី បញ្ឈប់កិច្ចសហប្រតិបត្តិការនាវាមុជទឹកដើរដោយថាមពលនុយក្លេអ៊ែររបស់ពួកគេ ដោយហៅផែនការនេះថាជា “ទង្វើនៃការរីកសាយនុយក្លេអ៊ែរ” ។
យោងតាមការចុះផ្សាយរបស់សារព័ត៌មានចិន Xinhua បានឲ្យដឹងថា អ្នកនាំពាក្យក្រសួងការបរទេសចិន លោក Wang Wenbin បានអំពាវនាវឲ្យសម្ព័ន្ធភាពយោធាត្រីភាគី AUKUS យកចិត្តទុកដាក់ចំពោះការព្រួយបារម្ភរបស់សហគមន៍អន្តរជាតិ និងអាស៊ី ហើយបញ្ឈប់សកម្មភាពនៃការរីកសាយនុយក្លេអ៊ែរ ដូចជាកិច្ចសហប្រតិបត្តិការនាវាមុជទឹកនុយក្លេអ៊ែររបស់ពួកគេជាដើម ។
ការលើកឡើងរបស់អ្នកនាំពាក្យក្រសួងការបរទេសចិនរូបនេះបានកើតឡើង ស្របតាមសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលអញ្ជើញថ្លែងក្នុងឱកាសប្រគល់សញ្ញាបត្រជូននិស្សិត សាកលវិទ្យាល័យភូមិន្ទនីតិសាស្រ្ត និងវិទ្យាសាស្ត្រសេដ្ឋកិច្ចកាលពីថ្ងៃទី៥ ខែមិថុនា ឆ្នាំ២០២៣ អំពីការប្រកួតប្រជែងភូមិសាស្ត្រនយោបាយ ជាពិសេសនាវាដើរដោយថាមពលនុយក្លេអ៊ែរ គឺជាក្តីបារម្ភមួយសម្រាប់ពិភពលោក ។
បើតាមប្រសាសន៍សម្តេចតេជោ ហ៊ុន សែន ក្រុមមាននាវាមុជទឹកដើរដោយថាមពលនុយក្លេងអ៊ែរ រវាងអាមេរិក អូស្ត្រាលី និងអង់គ្លេស ក៏កំពុងក្លាយជាប្រធានបទរបស់អាស៊ាន និងបណ្តាប្រទេសនៅក្នុងតំបន់ ។ អាស៊ានជាចំណុចពិសេសរបស់ខ្លួន គឺជាតំបន់គ្មានអាវុធនុយក្លេអ៊ែរ ហើយយើងប្រឆាំងនឹងការរីកសាយអាវុធនុយក្លេអ៊ែរ ។
ពាក់ព័ន្ធនឹងបញ្ហានេះ លោក Wang បានប្រាប់សន្និសីទសារព័ត៌មានប្រចាំថ្ងៃថា “សុន្ទរកថារបស់សម្ដេចតេជោនាយករដ្ឋមន្ត្រីនៃកម្ពុជា អំពីក្ដីកង្វល់នេះត្រូវបានចែករំលែកយ៉ាងទូលំទូលាយដោយប្រទេសក្នុងតំបន់ រួមទាំងប្រទេសអាស៊ានផងដែរ” ។
ជាចុងក្រោយ អ្នកនាំពាក្យក្រសួងការបរទេសចិនរូបនេះបានអះអាងបន្ថែមថា “ក្នុងនាមជាដៃគូយុទ្ធសាស្ត្រដ៏ទូលំទូលាយរបស់អាស៊ាន និងជាអ្នកជិតខាងផងដែរនោះ ប្រទេសចិនគាំប្ដេជ្ជាគាំទ្រយ៉ាងម៉ឺងម៉ាត់ចំពោះកិច្ចខិតខំប្រឹងប្រែងរបស់ប្រទេសអាស៊ាន ក្នុងការបង្កើតតំបន់គ្មានអាវុធនុយក្លេអ៊ែរនៅអាស៊ីអាគ្នេយ៍” ៕
ប្រែសម្រួលដោយ ៖ ជីវ័ន្ត
ប្រភព ៖ Xinhua
ចុចអាន ៖ ចិន ថា ប្រទេសអាស៊ីភាគច្រើនប្រឆាំងការពង្រីកអង្គការ ណាតូ នៅក្នុងតំបន់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ