បុគ្គលិកនៅអាកាសយានដ្ឋានអាមេរិកបានស្លាប់ដោយសារម៉ាស៊ីនយន្តហោះស្រូប

បុគ្គលិកម្នាក់នៅអាកាសយានដ្ឋានអាមេរិកបានស្លាប់ បន្ទាប់ពីម៉ាស៊ីនយន្តហោះស្រូប កាលពីថ្ងៃសុក្រ ទី២៣ ខែមិថុនា ឆ្នាំ២០២៣ វេលាម៉ោង ១០ និង ២៥ នាទីយប់ នៅអាកាសយានដ្ឋានអន្តរជាតិ San Antonio រដ្ឋតិចសាស សហរដ្ឋអាមេរិក ។

ក្រុមប្រឹក្សាសុវត្ថិភាពដឹកជញ្ជូនជាតិសហរដ្ឋអាមេរិក (NTSB) បាននិយាយនៅក្នុងសេចក្តីថ្លែងការណ៍ថា មនុស្សត្រូវបានម៉ាស៊ីនស្រូប ខណៈពេលដែលយន្តហោះរបស់ក្រុមហ៊ុន Delta Air Lines កំពុងបើកយឺតៗលើផ្លូវរត់របស់យន្តហោះ  ។

ទន្ទឹមនេះក្រុមហ៊ុន Unifi Aviation បាននិយាយថា ការស្លាប់នេះមិនទាក់ទងទៅនឹងដំណើរការប្រតិបត្តិការ នីតិវិធី និងគោលនយោបាយសុវត្ថិភាពរបស់ Unifi ទេ ។ Unifi Aviation មានការសោកស្ដាយយ៉ាងខ្លាំងចំពោះការបាត់បង់បុគ្គលិករបស់ខ្លួននៅអាកាសយានដ្ឋានអន្តរជាតិ San Antonio ។

យ៉ាងណាក្រុមអ្នកស៊ើបអង្កេតសន្និដ្ឋានថា ករណីខាងលើគឺជាការធ្វើអត្តឃាតប៉ុណ្ណោះ ៕

ប្រែសម្រួល​៖ វារី

ប្រភព៖ BBC

ចុចអាន៖ បុរសម៉ិកស៊ិក បើកឡានបុក យន្តហោះ