Threads ស៊ីដាច់ App ធំៗចំនួន ២ ក្លាយជាកម្មវិធីមានអ្នក​ប្រើប្រាស់​ ១០០ លានគណនីលឿនបំផុត

​ទោះបីជាទើបមកថ្មីក្រោយគេក៏ពិតមែន ប៉ុន្តែកម្មវិធី Threads ហាក់បីដូចជាមានសន្ទុះប្រជាប្រិយយ៉ាងខ្លាំង ជាពិសេសស៊ីដាច់កម្មវិធីល្បីៗជាច្រើន ដូចជា ChatGPT និង TikTok ជាដើម ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Threads ត្រូវបានបញ្ចេញ​ជាផ្លូវការដោយក្រុមហ៊ុន​ Meta នៅថ្ងៃ៥ ខែកក្កដា ឆ្នាំ២០២៣ នៅទីផ្សារ ១០០ ប្រទេស ។ កម្មវិធីនេះ ត្រូវភ្ជាប់ជាមួយគណនី Instagram ហើយមិនតែប៉ុណ្ណោះ វាថែមទាំងមានលក្ខណៈស្រដៀងនឹង Twitter ផងដែរ ។ កាន់តែពិសេសទៀតនោះ Threads ចាយពេលត្រឹមតែ ៥ ថ្ងៃទាញប្រជាប្រិយបានដល់ ១០០ លានគណនី ។

ចំពោះ ChatGPT ដែលជាកម្មវិធីបច្ចេកវិទ្យា AI Chatbot ចេញដំណើរការកាលពីខែធ្នូឆ្នាំមុន ដោយក្រុមហ៊ុន Open AI បានចំណាយពេលដល់​ទៅ ២ ខែឯណោះ ទើបអាចទាញអ្នកប្រើប្រាស់បាន ១០០ លាននាក់ ។

ដោយឡែក ​កម្មវិធី TikTok ដ៏ពេញនិយមនាពេលបច្ចុប្បន្នវិញ ទាមទារពេលវេលារហូតដល់ទៅ ៩ ខែ ទើបទទួលបានអ្នកប្រើប្រាស់ ១០០ លានគណនី ។

ក្រៅពីនេះ Instagram ទាមទារពេលរហូតដល់ ២ឆ្នាំ ៥ខែ, Facebook ត្រូវការ​ជាង ៤ ឆ្នាំ ខណៈ​ Twitter ដែលកំពុងតែជាប្រធានបទក្តៅ​ ចាយពេលដល់ទៅជាង ៥ ឆ្នាំ ទើបទទួលបាន ១០០ លានគណនីដំបូង ៕

អត្ថបទ៖ នាង រតនៈ

ប្រភព៖ Mint

ចុចអាន៖ មិនទាន់បានមួយសប្ដាហ៍ផង Threads កើនគណនីប្រើប្រាស់ដល់ ១០០ លាននាក់