អំពើភេរវកម្មនៅខេត្ត វៀតណាមជាប់កម្ពុជា មានជំនួយ និងបញ្ជាពីបរទេស

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អនុរដ្ឋមន្ត្រីក្រសួងសន្តិសុខសាធារណៈ លោក Le Quoc Hung បាននិយាយថា ការវាយប្រហារលើទីស្នាក់ការឃុំចំនួនពីរ នៅខេត្ត Dak Lak គឺជាអំពើភេរវកម្មប្រឆាំងរដ្ឋាភិបាល ហើយត្រូវបានផ្តល់ជំនួយ និងបញ្ជាពីបរទេស។

នាព្រឹកថ្ងៃទី១២ខែកក្កដា ពេលដែលគណៈកម្មាធិការអចិន្ត្រៃយ៍រដ្ឋសភាបានពិភាក្សានិងពិនិត្យលើរបាយការណ៍អ្នកស្ម័គ្រចិត្តខែឧសភានិងមិថុនា, ប្រធានគណៈកម្មាធិការស្ម័គ្រចិត្ត លោក Duong Thanh Binh បានឲ្យដឹងថា អ្វីដែលកើតឡើងនៅ Dak Lak កាលពីព្រឹកថ្ងៃទី១១ខែមិថុនា ធ្វើឲ្យប្រជាជនព្រួយបារម្ភអំពីសន្តិសុខនៅក្នុងតំបន់។

លោកលើកឡើងថា គួរតែមានដំណោះស្រាយក្នុងពេលឆាប់ៗ ដើម្បីឲ្យស្ថានការណ៍មានស្ថិរភាព, លុបបំបាត់មនោគមវិជ្ជាក្នុងចំណោមប្រជាជន, ធានាការគ្រប់គ្រងសន្តិសុខ និងសណ្តាប់ធ្នាប់នៅ Dak Lak ជាពិសេសតំបន់ខ្ពង់រាប ភាគកណ្តាល។

ស្របពេលជាមួយគ្នានោះ អនុរដ្ឋមន្ត្រីក្រសួងសន្តិសុខសាធារណៈ លោក Le Quoc Hung បានឲ្យដឹងថា “នេះគឺជាឧប្បត្តិហេតុភេរវកម្មសំដៅទៅលើរដ្ឋបាលប្រជាជន ដែលដឹកនាំនិងផ្តល់ជំនួយដោយកម្លាំងអរិភាពនៅបរទេស”។

គួរបញ្ជាក់ថា បច្ចុប្បន្ន មនុស្ស​ជាង៩០​នាក់ ​ត្រូវ​បាន​ចាប់​ខ្លួន​ពាក់ព័ន្ធការវាយប្រហារ ខណៈស្ថានភាពនៅខេត្ត Dak Lak និងតំបន់ខ្ពង់រាបភាគកណ្តាល មានស្ថិរភាព ហើយសកម្មភាពរបស់ប្រជាជន បានវិលមករកភាពប្រក្រតីឡើងវិញហើយ៕

ប្រែសម្រួល៖ Vann Vann

ប្រភព៖ VN Express

ចុចអាន៖ វៀតណាម ដាក់ឈ្មោះជនសង្ស័យភេរវកម្មនៅ Dak Lak ម្នាក់ទៀត ក្នុងបញ្ជីតាមចាប់ខ្លួន