ក្រៅពីមនុស្សស្លាប់៥៣នាក់ មាន១០០០នាក់ទៀត កំពុងបាត់ខ្លួនដោយសារភ្លើងឆេះព្រៃ នៅ ហាវ៉ៃ

ភ្លើង​ឆេះ​ព្រៃ​ធំៗ ​នៅ​តែបន្ត​រាលដាល​ពាសពេញ​ទីក្រុង Maui ខណៈ​កោះធំ ដែលស្ថិតនៅក្បែរនោះ ក៏​កំពុងរងគ្រោះធ្ងន់ធ្ងរផង​ដែរ ថ្វីបើ​ក្រុម​មន្ត្រី​និយាយ​ថា​ អគ្គិភ័យ​ស្ថិត​ក្រោម​ការ​គ្រប់​គ្រង​ក៏​ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសន្និសីទសារព័ត៌មានមួយ អភិបាលរដ្ឋហាវ៉ៃ បានហៅភ្លើងឆេះព្រៃនេះថាជា គ្រោះមហន្តរាយធម្មជាតិធំបំផុតនៅក្នុងប្រវត្តិសាស្ត្ររដ្ឋ ហើយនិយាយថា ៨០% នៃទីក្រុងប្រវត្តិសាស្ត្រ Lahaina ត្រូវដុតកម្ទេច។

យោងតាមលោកអភិបាល Josh Green, សាកសពមនុស្សសរុប ៥៣ នាក់ត្រូវបានរកឃើញ ហើយបានព្រមានថា តួលេខអ្នកបាត់បង់ជីវិត នឹងកើនឡើងបន្ថែមទៀតផងដែរ ។

ស្របពេលជាមួយគ្នានោះ អាជ្ញាធរប៉ាន់ប្រមាណថា មនុស្សប្រហែល ១០០០ នាក់កំពុងបាត់ខ្លួន ថ្វីបើមន្ត្រីមិនទទួលបានព័ត៌មានពីមនុស្សមួយចំនួន ដោយសារបណ្តាញទំនាក់ទំនងត្រូវកាត់ផ្តាច់ក៏ដោយ។

លើសពីនេះ អ្នកទេសចររាប់ម៉ឺននាក់ ត្រូវបានជម្លៀសចេញ ហើយមនុស្ស ១១០០០ នាក់ គ្មានអគ្គិសនីប្រើប្រាស់ ខណៈលោកប្រធានាធិបតី ចូ បៃដិន បានប្រកាសភ្លើងឆេះព្រៃនេះ ជាគ្រោះមហន្តរាយដ៏ធំមួយ ហើយរដ្ឋាភិបាលសហព័ន្ធនឹងផ្តល់មូលនិធិសង្គ្រោះ និងស្តារឡើងវិញនៅតំបន់ភ្លើងឆេះព្រៃនេះផងដែរ ៕

ប្រែសម្រួល៖ Vann Vann

ប្រភព៖ BBC

ចុចអាន៖ លោក បៃដិន ប្រកាសអាសន្ននៅ ហាវ៉ៃ ខណៈមនុស្សស្លាប់ដោយសារភ្លើងឆេះព្រៃ កើនដល់ ៥៣នាក់