ការរើសអើងពណ៌សម្បុរនៅ Florida នាំឲ្យខ្មាន់កាំភ្លើង បាញ់សម្លាប់មនុស្ស ៣នាក់

ខ្មាន់កាំភ្លើងម្នាក់ បានសម្លាប់មនុស្សស្បែកខ្មៅបីនាក់រួចផ្តាច់ជីវិតខ្លួនឯង ក្នុងការវាយប្រហាររើសអើងពណ៌សម្បុរ នៅទីក្រុង Jacksonville នៃរដ្ឋ Florida សហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្មាន់កាំភ្លើងជាបុរសស្បែក​​ស ​អាយុ​ខ្ទង់​២០​ឆ្នាំនិងមានពាក់អាវក្រោះ បាន​ចូល​ហាង Dollar General ហើយបើក​ការ​បាញ់​ប្រហារ ជាហេតុបង្កការប្រឈមមុខដាក់គ្នាជាមួយ​ប៉ូលិស។

ប៉ូលិសឈ្មោះ T K Waters និយាយថា ខ្មាន់កាំភ្លើងដែលគេមិនទាន់បញ្ចេញឈ្មោះ​ បានសម្លាប់បុរសពីរនាក់ និងស្ត្រីម្នាក់ រួចបានបន្សល់ទុកនូវកំណត់ហេតុមួយ។

ស្របពេលជាមួយគ្នានោះ អភិបាលក្រុង Donna Deegan បានអះអាងថា វាគឺជាឧក្រិដ្ឋកម្មដែលពោរពេញទៅដោយភាពស្អប់ខ្ពើម ដែលជំរុញដោយការរើសអើងជាតិសាសន៍។

ទន្ទឹមនេះ FBI ក៏បានបើកការស៊ើបអង្កេតលើករណីបាញ់ប្រហារនេះដែរ។

យោងតាមគេហទំព័រ Gun Violence Archive បានឲ្យដឹងថា គិតត្រឹមពេលនេះ មានមនុស្សស្លាប់ដោយកាំភ្លើងជាង២៨០០០នាក់នៅក្នុងសហរដ្ឋអាមេរិក៕

ប្រែសម្រួល៖ Vann Vann

ប្រភព៖ BBC

ចុចអាន៖ ខ្មាន់កាំភ្លើង បាញ់ប្រហារនៅផ្សារទំនើបរដ្ឋតិចសាស់ សម្លាប់មនុស្សច្រើននាក់