អាមេរិក បញ្ចេញអត្តសញ្ញាណទាហានម៉ារីន៣នាក់ ដែលធ្លាក់ឧទ្ធម្ភាគចក្រ ស្លាប់នៅអូស្រ្តាលី

ទាហានម៉ារីនអាមេរិកបីនាក់ ដែលបាត់បង់ជីវិតក្នុងហេតុការណ៍ធ្លាក់ឧទ្ធម្ភាគចក្រ អំឡុងពេលធ្វើសមយុទ្ធយោធានៅប្រទេសអូស្ត្រាលី ពេលនេះត្រូវបានគេបញ្ចេញអត្តសញ្ញាណហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាពីទែន Eleanor LeBeau អាយុ២៩ឆ្នាំ, នាយទោ Spencer Collart អាយុ២១ឆ្នាំ និងវរសេនីយ៍ត្រី Tobin Lewis អាយុ៣៧ឆ្នាំត្រូវបាត់បង់ជីវិត ខណៈទាហានម៉ារីនអាមេរិក២០នាក់ផ្សេងទៀតជិះក្នុងនោះ រងរបួសទាំងអស់។ ទោះបីជាយ៉ាងណាក៏ដោយ មូលហេតុ​នៃគ្រោះថ្នាក់​នេះ កំពុង​ស្ថិត​ក្រោម​ការ​ស៊ើបអង្កេត​នៅឡើយ​។

គួរបញ្ជាក់ជាថ្មីថា ឧទ្ធម្ភាគចក្រ MV-22B Osprey បានធ្លាក់នៅកោះដាច់ស្រយាលមួយ នាភាគខាងជើងទីក្រុង Darwin នៅប្រទេសអូស្ត្រាលី ក្នុងអំឡុងពេលធ្វើសមយុទ្ធយោធា “Predators Run” កាលពីថ្ងៃអាទិត្យ ទី២៧ ខែសីហា ។

ឧបទ្ទវហេតុនេះគឺជាការធ្លាក់ឧទ្ធម្ភាគចក្រស្លាប់លើកទីពីរក្នុងអំឡុងពេលសមយុទ្ធរួមគ្នានៅភាគខាងជើងនៃប្រទេសអូស្ត្រាលីក្នុងរយៈពេលតិចជាងមួយខែ ហើយនេះក៏ជាឧបទ្ទវហេតុចុងក្រោយបង្អស់ផងដែរ ដែលពាក់ព័ន្ធនឹងឧទ្ធម្ភាគចក្រប្រភេទ Osprey។

កាលពីឆ្នាំមុន ទាហានម៉ារីន ៤ នាក់ បានស្លាប់ក្នុងឧប្បត្តិហេតុធ្លាក់នៅប្រទេសន័រវេស ហើយ ៣ នាក់ទៀតបានស្លាប់ក្នុងឆ្នាំ២០១៧ នៅភាគខាងជើងប្រទេសអូស្ត្រាលី៕

ប្រែសម្រួល៖ Vann Vann

ប្រភព៖ BBC

ចុចអាន៖ ធ្លាក់យន្តហោះដឹកទាហានម៉ារីនអាមេរិក អំឡុងសមយុទ្ធនៅអូស្រ្តាលី ស្លាប់និងរបួសច្រើននាក់