ព័ត៌មានអន្ដរជាតិ

បុរសចិនម្នាក់ មានផ្លិតរោមសត្វជំនាន់រាជវង្សតម្លៃមហាសាល ប៉ុន្តែបើលក់នឹងជួបមហន្តរាយ

បានផុស

៣ years មុន

នៅ

ថ្ងៃសៅរ៍ ២ កញ្ញា ២០២៣

ដោយ

បុរសម្នាក់មកពីខេត្ត Hebei បានយកមរតកដែលជីតាប្រគល់ឲ្យ ដោយសុំអ្នកជំនាញវាយតម្លៃវត្ថុបុរាណជួយពិនិត្យ ខណៈអ្នកទស្សនាគិតថាវាជាប្រអប់ឈើធម្មតាប៉ុណ្ណោះ។ ប៉ុន្តែមួយភ្លែតសោះ មនុស្សគ្រប់គ្នាហាក់មានការភ្ញាក់ផ្អើល ដោយសារតែជាផ្លិតរោមសត្វនេះមានតម្លៃមហាសាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបង្ហើបថា ផ្លិតរោមសត្វនេះមិនមែនជាវត្ថុរធម្មតានោះទេ។ ប៉ុន្តែវាជាវត្ថុបុរាណ និងជាកេរដំណែលរបស់ Zhuge Liang ដែលជាអ្នកនយោបាយដ៏ល្បីម្នាក់ក្នុងសម័យនគរទាំងបី។ ក្នុងនោះគាត់ថែមតាំងបញ្ជាក់ថា មិនមែនជាអ្នកស្នងមរតករបស់ Zhuge Liang តែគ្រួសាររបស់គាត់បានទទួលវាដោយចៃដន្យប៉ុណ្ណោះ។

ច្រើនឆ្នាំកន្លងទៅ មានទឹកជំនន់យ៉ាងខ្លាំងនៅស្រុកកំណើតរបស់គាត់។ ជីតារបស់បុរសចិនរូបនេះបានជួបអ្នកសុំទានម្នាក់ដែលស្លេកស្លាំង និងគួរឲ្យអាណិត។ ដូច្នេះ គាត់បាននាំអ្នកសុំទាននេះត្រឡប់ទៅផ្ទះ និងផ្តល់អាហារព្រមទាំងសំលៀកបំពាក់ល្អៗសម្រាប់ស្លៀក។ អ្នកសុំទានបានតបស្នងគុណធម៌របស់ជីតារបស់គាត់ជាមួយនឹងផ្លិតរោមសត្វ។

ចាប់តាំងពីពេលនោះមក គ្រួសាររបស់គាត់ក៏បានថែរក្សាវត្ថុនេះយ៉ាងប្រុងប្រយ័ត្នបំផុត។ វាត្រូវបានផ្ទេរពីមួយជំនាន់ទៅមួយជំនាន់ រហូតដល់ជំនាន់របស់គាត់។ បុរសចិនដែលជាអ្នកថែរក្សាបន្តក៏ចង់ដឹងតម្លៃពិតរបស់វាដែរ។ ដូច្នេះហើយបានសម្រេចយកទៅឲ្យអ្នកជំនាញធ្វើការវាយតម្លៃ នឹងចង់ដឹងថា ផ្លិតនេះជាកំណប់បុរាណពិតប្រាកដឬយ៉ាងណា។

បន្ទាប់ពីការពិនិត្យដោយប្រុងប្រយ័ត្ន អ្នកជំនាញយល់ស្របថាផ្លិតរោមសត្វនេះ មើលទៅពិតជារបស់ Zhuge Liang ប៉ុន្តែវាមិនទំនងថានេះជាផ្លិតដែលគាត់កាន់នោះទេ។ តាមពិតវាប្រហែលជាមានប្រភពមកពីរាជវង្ស Qing បង្កើតឡើងដោយជាងសិប្បករ ។ ចំណុចទាញត្រូវបានធ្វើពីភ្លុកដ៏កម្រ។ ប៉ុន្តែវាក៏ជាវត្ថុបុរាណដែលទំនងជាមានតម្លៃយ៉ាងហោចណាស់ ១០ លានយន់ (១លាន៤សែនដុល្លារ )។

យ៉ាងណាក៏ដោយ អ្នកជំនាញក៏បានប្រាប់បុរសដដែលនោះថា “ខ្ញុំណែនាំអ្នកឲ្យប្រគល់វាទៅអាជ្ញាធរ។ ព្រោះប្រសិនបើអ្នកលក់វា នឹងប្រឈមមុខនឹងមហន្តរាយដ៏ធំ»។

យ៉ាងណាមិញ បុរសចិននៅតែមិនយល់ពីអត្ថន័យនៃការព្រមាននោះទេ។ បន្ទាប់មក អ្នកជំនាញបានពន្យល់ថា ដៃរបស់ផ្លិតធ្វើពីភ្លុកមិនមែនត្បូងថ្ម ដែលជារឿងធម្មតានៅក្នុងប្រទេសចិន ការកាន់កាប់និងជួញដូរភ្លុកដំរីគឺខុសច្បាប់។ ហើយអាចនឹងត្រូវផ្ដន្ទាទោសដាក់ពន្ធនាគារ។ ដូច្នេះហើយបានណែនាំឲ្យប្រគល់វាទៅឲ្យសមត្ថកិច្ច ។

នៅពេលដែលគាត់បានឮរឿងនេះ បុរសនោះមានទឹកមុខច្របូកច្របល់ ដោយមិនដឹងថាត្រូវធ្វើយ៉ាងណា។ គាត់មិនដឹងថាអ្វីដែលអ្នកជំនាញនិយាយនោះត្រឹមត្រូវ ១០០ភាគរយ ដូច្នេះគាត់អាចសម្រេចចិត្តយកផ្លិតរោមសត្វតម្លៃ១លាននោះត្រលប់ទៅផ្ទះវិញ៕