ព័ត៌មានអន្ដរជាតិ

បុរសអ៊ុយក្រែន នៅក្រៅប្រទេស នឹងត្រូវកោះហៅឲ្យវិលមកមាតុភូមិវិញ ដើម្បីបម្រើកងទ័ព

បានផុស

១ year មុន

នៅ

ថ្ងៃសុក្រ ២២ ធ្នូ ២០២៣

ដោយ

តាមការលើកឡើងរបស់រដ្ឋមន្ត្រីក្រសួងការពារជាតិ Rustem Umerov កាលពីថ្ងៃព្រហស្បតិ៍ទី២១ខែធ្នូ, បុរសជនជាតិអ៊ុយក្រែន អាយុចន្លោះពី២៥ទៅ៦០ឆ្នាំ ដែលកំពុងរស់នៅបរទេស នឹងត្រូវហៅឲ្យវិលមកមាតុភូមិវិញ ដើម្បីចូលបម្រើក្នុងជួរកងទ័ព។

រដ្ឋមន្ត្រីក្រសួងការពារជាតិអ៊ុយក្រែនលោក Rustem Umerov (រូបថត៖ Anadolu)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្វីបើលោកចាត់ទុកការអំពាវនាវនេះ ប្រៀបបានដូចជាការអញ្ជើញក៏ដោយ ប៉ុន្តែគេមើលឃើញថា អ្នកណាដែលមិនអនុវត្តតាម ប្រហែលជាត្រូវមានទោស។

ក្នុងបទសម្ភាសជាមួយប្រព័ន្ធផ្សព្វផ្សាយ Die Welt, Bild និង Politico លោក Umerov ហៅការអំពាវនាវនេះថា “មិនមែនជាការដាក់ទណ្ឌកម្មអ្វីទេ ប៉ុន្តែវាជាកិត្តិយស។ យ៉ាងណា យើងនៅតែពិភាក្សាអំពីអ្វីដែលគួរធ្វើបន្ទាប់ ប្រសិនបើពួកគេមិនមកដោយស្ម័គ្រចិត្ត”។

មិនមានមណ្ឌលជ្រើសរើសយោធានៅខាងក្រៅប្រទេសអ៊ុយក្រែនឡើយ ហើយអាជ្ញាធរអ៊ុយក្រែនក៏មិនបង្ខិតបង្ខំនរណាម្នាក់ឲ្យមកចូលរួមដែរ។

រឿងនេះកើតឡើង បន្ទាប់ពីលោកប្រធានាធិបតី Zelensky បញ្ជាក់ទៅអ្នកសារព័ត៌មានកាលពីថ្ងៃអង្គារថា អ៊ុយក្រែន ត្រូវការទាហានថ្មីជាចាំបាច់ចន្លោះពី ៤៥ ម៉ឺនទៅ ៥០ ម៉ឺននាក់ ។

ទីក្រុងកៀវ ក៏កំពុងក្រពុលមុខរឿងជំនួយផងដែរ ខណៈក្រុមអ្នកសាធារណរដ្ឋអាមេរិក នាំគ្នារារាំងកញ្ចប់យោធាទឹកប្រាក់ ៦១ ពាន់លានដុល្លារ ហើយហុងគ្រី ថែមទាំងបិទកិច្ចព្រមព្រៀងហិរញ្ញវត្ថុ EU តម្លៃ ៤៣ ពាន់លានដុល្លារទៅទៀត។

ចំពោះការវិភាគតួលេខពីទីភ្នាក់ងារស្ថិតិសហភាពអឺរ៉ុប Eurostat ក្នុងខែវិច្ឆិកា, គ្រាប់តែ EU មួយកន្លែង គេបានឃើញមានបុរសអ៊ុយក្រែនអាយុពី ១៨ ទៅ ៦៤ ឆ្នាំ រហូតដល់ ៧៦៨,០០០ នាក់ទៅហើយ ដែលបាននាំគ្នារត់ទៅ ចាប់តាំងពីរុស្ស៊ី បើកការវាយលុកពេញបន្ទុក ៕

ប្រែសម្រួល៖ Vann Vann

ប្រភព៖ BBC

ចុចអាន៖ ឥណ្ឌូណេស៊ី ថា ដោយសារតែមហិច្ឆតារបស់ ណាតូ ទើបផ្ទុះសង្គ្រាម អ៊ុយក្រែន