រឿងអាស្រូវរំលោភសេពសន្ថវៈកំពុងផ្ទុះឡើងក្នុងសភាអូស្រ្តាលី
Connect with us
Helistar Cambodia - Helicopter Charter Services

ព័ត៌មានអន្ដរជាតិ

រឿងអាស្រូវរំលោភសេពសន្ថវៈកំពុងផ្ទុះឡើងក្នុងសភាអូស្រ្តាលី

បានផុស

នៅ

នៅសប្តាហ៍នេះការចោទប្រកាន់ពីបទប្រព្រឹត្តមិនត្រឹមត្រូវខាងផ្លូវភេទបានផ្ទុះឡើងក្នុងវិមានរដ្ឋសភានៅទីក្រុងកង់បេរ៉ានៃប្រទេសអូស្ត្រាលីរួមជាមួយនាយករដ្ឋមន្រ្តី Scott Morrison និងរដ្ឋមន្រ្តីជាន់ខ្ពស់ពីររូបទៀត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Scott Morrison បានចំណាយពេលភាគច្រើនរបស់លោកក្នុងការព្យាយាមដោះស្រាយជាមួយនឹងការចោទប្រកាន់មួយដែលថា បុគ្គលិកនយោបាយស្ត្រីវ័យក្មេង Brittany Higgins ត្រូវបានគេចាប់រំលោភនៅក្នុងការិយាល័យរដ្ឋមន្រ្តីនៅក្នុងវិមានរដ្ឋសភាកាលពីខែមីនា ឆ្នាំ ២០១៩ ។

វាពាក់ព័ន្ធនឹងការចោទប្រកាន់ពីបទរំលោភផ្លូវភេទដែលបានកើតឡើងកាលពីពេលមុន ហើយករណីនេះមិនត្រូវបានគេស៊ើបអង្កេតឲ្យបានត្រឹមត្រូវនោះទេ ខណៈបច្ចុប្បន្នវាគំរាមធ្វើឲ្យខូចអាជីពរបស់បុគ្គលលេចធ្លោមួយចំនួន ។

នៅយប់ថ្ងៃសៅរ៍ក្នុងខែមីនា ឆ្នាំ ២០១៩ នាង Brittany Higgins និងបុគ្គលិកនយោបាយជាបុរសបានចូលទៅកាន់ការិយាល័យសមាជិកសភាព្រឹទ្ធសភាលោកស្រី Linda Reynolds ដែលពេលនោះជារដ្ឋមន្រ្តីក្រសួងការពារជាតិដែលពួកគេទាំងពីរបានធ្វើការនៅទីនោះ ហើយអ្នកទាំងពីរបានផឹកស្រាអស់ជាច្រើន ។

ក្រោយមកនាង Higgins បានអះអាងថា នាងបានរងការរំលោភបំពានផ្លូវភេទនៅលើសាឡុងនៅក្នុងការិយាល័យ ។ នៅព្រឹកបន្ទាប់នាង Higgins ត្រូវបានរកឃើញនៅក្នុងការិយាល័យជាមួយស្ថានភាពដោះសំលៀកបំពាក់ ។ នាង Higgins មិនបានប្តឹងពីការរំលោភផ្លូវភេទនៅថ្ងៃនោះទេ ។ ពីរបីថ្ងៃក្រោយមកបុគ្គលិកបុរសនោះត្រូវបានបណ្តេញចេញពីការងារដោយសារតែបានរំលោភសន្តិសុខ ។

ប៉ុន្មានថ្ងៃក្រោយមកនាង Higgins បានប្រាប់លោកស្រី Reynolds ថា នាងត្រូវបានគេចាប់រំលោភ ខណៈសមាជិកព្រឹទ្ធសភាខាងលើបានណែនាំនាងឲ្យរាយការណ៍រឿងនេះទៅប៉ូលិស ។

នាងបានប្រាប់ប៉ូលិសពីឧប្បត្តិហេតុនេះ ប៉ុន្តែនាងសម្រេចចិត្តថាមិនទាន់ដាក់ពាក្យប្ដឹងទៅតុលាការជាផ្លូវការទេ ហើយបន្តធ្វើការឲ្យសមាជិកព្រឹទ្ធសភា Reynolds រហូតដល់ផ្ទេរតំណែងនេះទៅសមាជិកព្រឹទ្ធសភាលោកស្រី Michaelia Cash ជារដ្ឋមន្រ្តីក្រសួងការងារ ។

នៅឆ្នាំ ២០២០ បណ្តឹងអនាមិកមួយត្រូវបានដាក់ទៅសភាទាក់ទងនឹងឧប្បត្តិហេតុនាង Higgins ។ ការស៊ើបអង្កេតត្រូវបានបង្កើតឡើង ហើយបានរកឃើញថាការចោទប្រកាន់នេះគឺមិនពិតដោយផ្អែកលើមូលដ្ឋានគ្មានពាក្យបណ្តឹងអំពីការរំលោភនៅពេលបោសសម្អាតការិយាល័យ ។

សមាជិកព្រឹទ្ធសភាលោកស្រី Cash បានជូនដំណឹងដល់ព្រឹទ្ធសភានៅសប្តាហ៍នេះថា នៅពេលដែលលោកស្រីដឹងអំពីបញ្ហានេះលោកស្រីបានស្នើសុំទៅប៉ូលិស និងនាយករដ្ឋមន្រ្តីជាមួយនាង Higgins ប៉ុន្តែនាង Higgins បាននិយាយថា បញ្ហានេះត្រូវបានដោះស្រាយ ហើយនាង Higgins មិនបានជំទាស់នោះទេ ។

បន្ទាប់ពីលាលែងពីតួនាទីជាបុគ្គលិកនយោបាយកាលពីដើមខែនេះ នាង Higgins បានបង្ហាញជាសាធារណៈនូវការចោទប្រកាន់របស់ខ្លួន ។ នៅចុងសប្តាហ៍នេះដោយសារតែភាពល្បីល្បាញលើប្រព័ន្ធផ្សព្វផ្សាយ នាង Higgins បានប្រកាសថា នាងនឹងធ្វើបណ្តឹងជាផ្លូវការទៅប៉ូលិស ហើយបានចោទប្រកាន់នាយករដ្ឋមន្រ្តី Scott Morrison ថាកំពុងស្តីបន្ទោសដល់ជនរងគ្រោះ និងការបែកធ្លាយនូវព័ត៌មានមិនល្អអំពីនាង ។

លោកនាយករដ្ឋមន្រ្តីបាននិយាយថា លោកមិនបានដឹងអំពីបញ្ហានេះទេរហូតមកដល់សប្តាហ៍នេះ ហើយលោកក៏បានធ្វើការដាស់តឿនដល់សមាជិកព្រឹទ្ធសភា Reynolds ផងដែរចំពោះការដែលមិនបានយកចិត្តទុកដាក់ ។ ទាំងគាត់ និងសមាជិកព្រឹទ្ធសភា Reynolds បានសុំអភ័យទោសចំពោះនាង Higgins ហើយលោកនាយករដ្ឋមន្រ្តីបានបង្កើតការសាកសួរពីរអំពីវប្បធម៌នៅកន្លែងធ្វើការនៅក្នុងសភា ។

ក្រោយហេតុការណ៍នេះវាទំនងជាធ្វើឲ្យអាជីពមន្ត្រីជាន់ខ្ពស់មួយចំនួននឹងត្រូវប៉ះពាល់យ៉ាងធ្ងន់ធ្ងរដោយសាររឿងអាស្រូវដែលកំពុងកើតមាន ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ អូស្រ្តាលីអំពាវនាវឲ្យដាក់ទណ្ឌកម្មលើឧត្តមសេនីយ៍មីយ៉ាន់ម៉ា បន្ទាប់ពីរដ្ឋប្រហារ

ចុចអាន ៖ ទាហានអូស្ត្រាលីយកជើងសិប្បនិម្មិតរបស់ក្រុមតាលីបង់ដាក់ស្រាផឹក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទី មុន

ឧ​ត្ត​ម​សេនីយ៍​ឯក រ័ត្ន ស្រ៊ាង បញ្ជា​ឲ្យ​នាំ​យក​ស្បៀង​ឧបត្ថម្ភ​ដល់​ពលរដ្ឋ​១១៩​នាក់​បន្ថែម​ទៀត ពាក់ព័ន្ធ​អ្នក​វិជ្ជមាន​កូ​វីដ​

ព័ត៌មានជាតិ១៨ នាទី មុន

អគ្គនាយក​អន្តោប្រវេសន៍​ ៖ ​សេចក្តីព្រាងច្បាប់​ស្ដីពី​អន្តោប្រវេសន៍​ថ្មី​នឹង​ជួយ​គ្រប់គ្រង​ជនបរទេស​នៅ​កម្ពុជា​កាន់តែ​ប្រសើរ

ព័ត៌មានជាតិ៣៣ នាទី មុន

ថ្ងៃទី​១៤​មិថុនា​នេះ ​ផ្ទះ​បណ្តែត​ទឹក និង​បែ​ត្រី​ដែល​ព្រម​ស្ម័គ្រ​ចិត្ត​រុះរើ និង​ចល័ត​ចេញ​ដោយ​ខ្លួនឯង​សង្កាត់​ព្រែក​៩៣% សង្កាត់​សំរោង​១០០%

កូវីដ-១៩១ ម៉ោង មុន

ស្ត្រី​មាន​ផ្ទៃពោះ​ម្នាក់ ​រស់នៅ​ភូមិ​ព្រះ​ទ្រ​ហ៊ឹង ​ឃុំ​ព្រែក​ក្រឹស ​ស្រុក​កំពង់ត្រាច​ ខេត្តកំពត ​បាន​ស្លាប់​បាត់​បង់ជីវិត​ដោយសារ​ជំងឺ​កូ​វីដ១៩

ព័ត៌មានជាតិ២ ម៉ោង មុន

ព្រឹកស្អែក​នេះ សម្តេច ហេង សំរិន នឹង​ដឹកនាំ​ប្រជុំ ដើម្បី​ពិនិត្យមើល​បេក្ខភាព​ប្រធាន គ​.​ជ​.​ប

Sokha Hotels

ព័ត៌មានពេញនិយម

Helistar Cambodia - Helicopter Charter Services