ថៃ វាយឆ្មក់ទីតាំងលក់សម្ភារនិងឈុតកីឡាក្លែងក្លាយ រឹបអូសបានតម្លៃជាង ៦០លានបាត

កាលពីចុងសប្តាហ៍កន្លងទៅ ប៉ូលិសថៃ បានចាត់វិធានការក្តៅ ដោយវាយឆ្មក់ចូលទីតាំងចំនួន៧កន្លែងក្នុងតំបន់ Pratunam ព្រមទាំងអគារពាណិជ្ជកម្មក្នុងសង្កាត់ Bang Kho Laem, Sathon និង Chom Thong ដោយរឹបអូសបានទំនិញក្លែងក្លាយដូចជា សម្ភារកីឡានិងឈុតសម្លៀកបំពាក់នៃក្លឹបបាល់ទាត់ល្បីៗ ដែលសរុបជាទឹកប្រាក់ស្មើនឹងជាង ៦០លានបាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការវាយឆ្មក់នេះកើតឡើង បន្ទាប់ពីតុលាការកម្មសិទ្ធិបញ្ញានិងពាណិជ្ជកម្មអន្តរជាតិនៃប្រទេសថៃ ចេញដីកាចំនួន៧ ឲ្យសមត្ថកិច្ចចុះឆែកឆេរទីតាំងដែលគេជឿថាជាកន្លែងចែកចាយទំនិញក្លែងក្លាយនៅក្នុងប្រទេស។

តាមការចុះផ្សាយរបស់ Bangkok Post កាលពីថ្ងៃអាទិត្យទី២៧ខែតុលាឆ្នាំ២០២៤, ក្នុងអំឡុងពេលចុះឆែកឆេរនោះ សមត្ថកិច្ចបានរកឃើញទំនិញក្លែងក្លាយជាង ១២០ ០០០មុខ ជាពិសេសសម្លៀកបំពាក់កីឡាដូចជាម៉ាក Nike, Adidas និង Puma តែម្តង។

ក្រោយការរឹបអូស ទំនិញទាំងនេះនឹងត្រូវបញ្ជូនទៅឲ្យក្រុមអ្នកស៊ើបអង្កេត ទុកធ្វើជាព័ស្តុតាងដើម្បី​ចាត់ការ​បន្តទៀត​តាម​ផ្លូវច្បាប់​ក្រោម​ច្បាប់​ម៉ាក​យីហោ៕

អត្ថបទ៖ សុខ សុវណ្ណ

ចុចអាន៖ បង្ក្រាបទីតាំងលក់ប្រេងម៉ាស៊ីនក្លែងក្លាយ តាមពាក្យបណ្ដឹងម្ចាស់ក្រុមហ៊ុន