Connect with us

ព័ត៌មានអន្ដរជាតិ

ទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត

បានផុស

នៅ

ទីក្រុង Los Angeles នៃរដ្ឋកាលីហ្វ័រញ៉ា ទើបតែធូរស្រាលពីភ្លើងឆេះព្រៃបានបន្តិចប៉ុណ្ណោះ ស្រាប់តែពេលនេះ កើតមានគ្រោះធម្មជាតិថ្មីមួយទៀត នោះគឺបំណាក់ដីភក់។

(រូបថត៖ FOX11)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ Daily Mail កាលពីថ្ងៃព្រហស្បតិ៍ទី១៦ខែមករាឆ្នាំ២០២៥ បំណាក់ដីនេះ កើតឡើងក្នុងតំបន់ Pacific Palisades វាយប្រហារផ្ទះតម្លៃ២លានដុល្លារមួយខ្នង ដែលទើបរួចផុតពីការលេបត្របាក់ដោយអណ្តាតភ្លើងនៃគ្រោះអគ្គិភ័យដ៏សាហាវ។

មុននេះដែរ អាជ្ញាធរក្នុងតំបន់បានព្រមាន អំពីគ្រោះថ្នាក់នៃការបាក់ដីភក់ ហើយក្រុមមន្ត្រីត្រូវបានដាក់ពង្រាយ ដើម្បីលើកផ្លាកសម្គាល់នៅតាមទីតាំងដែលមានហានិភ័យខ្ពស់ ជាពិសេសនៅតាមជម្រាលភ្នំ ខណៈមានសេចក្តីរាយការណ៍ថា កន្លែងខ្លះកើតមានគ្រោះធម្មជាតិនេះរួចទៅហើយ គ្រាន់តែមិនប៉ះពាល់ដល់មនុស្ស។

លោក Mark Pestrella ប្រធានមន្ទីរសាធារណការតំបន់ Los Angeles បាននិយាយថា ពលរដ្ឋក្នុងតំបន់នេះទាំងអស់ត្រូវមានការប្រុងប្រយ័ត្នជានិច្ចចំពោះបំណាក់ដីក្រោយភ្លើងឆេះព្រៃ ត្បិតគ្មានភ្លៀងក៏ដោយ។ មានភក់និងកម្ទេចកម្ទីច្រើនណាស់! ក្រុមពន្លត់អគ្គិភ័យបានបាញ់ទឹកច្រើនដើម្បីពន្លត់ភ្លើង ដូច្នេះហើយ ដីច្បាស់ជាមានទម្ងន់និងរងបន្ទុកខ្លាំង។ 

ងាកទៅមើលឆ្នាំ២០១៧ កាលនោះភាគខាងត្បូងរដ្ឋកាលីហ្វ័រញ៉ា ត្រូវវាយប្រហារដោយភ្លើងឆេះព្រៃ Thomas សម្លាប់មនុស្ស២នាក់ ប៉ុន្តែយ៉ាងណា ក្រោយមកក៏កើតមានបំណាក់ដីសម្លាប់មនុស្សរហូតដល់ទៅ២៣នាក់ទៀត។

(រូបថត៖ Getty)

លុះដើមឆ្នាំ២០២៥ រដ្ឋកាលីហ្វ័រញ៉ា ត្រូវលេបត្របាក់ដោយភ្លើងឆេះព្រៃកាចសាហាវសាជាថ្មី ដោយគិតត្រឹមរសៀលថ្ងៃសុក្រទី១៧ខែមករា អគ្គិភ័យបានសម្លាប់មនុស្សចំនួន២៦នាក់ និងបង្ខំឲ្យរាប់លាននាក់ទៀត ជម្លៀសចេញពីផ្ទះសម្បែង។

អគ្គិភ័យបានឆេះកម្ទេចលើផ្ទៃដីជាង ១៦ ៣០៨ហិកតា ដោយបំផ្លាញសំណង់អគារនិងផ្ទះសម្បែងជាង ១២ ៣០០ខ្នង និងបណ្តាលឲ្យខាតបង់សេដ្ឋកិច្ចក្នុងទំហំទឹកប្រាក់ប្រមាណ២៥០ពាន់លានដុល្លារអាមេរិក៕

អត្ថបទ៖ សុខ សុវណ្ណ

ចុចអាន៖ រដ្ឋកាលីហ្វ័រញ៉ា កើតមានភ្លើងឆេះព្រៃថ្មី បង្កការគំរាមកំហែងបន្ថែមទៀត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

រដ្ឋមន្ត្រីសុខាភិបាល និងរដ្ឋមន្ត្រីការងារ ស្នើឱ្យកម្មករ និងពលរដ្ឋឈប់ពិសាភេសជ្ជៈផ្អែមប៉ូវកម្លាំង

ព័ត៌មានជាតិ៤ ម៉ោង មុន

អ្នក​រងរបួស​ដោយ​អគ្គិភ័យ ឆេះ​ក្លិប​កម្សាន្ដ មីតណាយព្រីមៀរ ៥នាក់ ទទួល​បាន​ថវិកា​ពី​អភិបាល​រាជធានីភ្នំពេញ

ព័ត៌មានជាតិ៤ ម៉ោង មុន

បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ

ព័ត៌មានជាតិ៥ ម៉ោង មុន

ពលរដ្ឋកម្ពុជា​ថ្កោលទោស ស៊ន តារា ដែល​កំពុង​វង្វេង​ប្រវត្តិសាស្រ្ត​ដោយលើកឡើងថា “អាមេរិក​មិន​ដែល​ទម្លាក់​គ្រាប់​បែក​សម្លាប់​ខ្មែរ”

ព័ត៌មានជាតិ៧ ម៉ោង មុន

អ្នកនាំពាក្យ ថា មានអ្នកជាប់កាតព្វកិច្ច៧រូបមិនទាន់មកប្រកាសទ្រព្យសម្បត្តិ និងបំណុល

Sokha Hotels

ព័ត៌មានពេញនិយម