រដ្ឋកាលីហ្វ័រញ៉ា កើតមានភ្លើងឆេះព្រៃថ្មី បង្កការគំរាមកំហែងបន្ថែមទៀត

នៅថ្ងៃព្រហស្បតិ៍ទី១៦ខែមករាឆ្នាំ២០២៥ ភ្លើងឆេះព្រៃថ្មីមួយទៀតបានកើតឡើងក្នុងទីក្រុង San Bernardino នៃរដ្ឋកាលីហ្វ័រញ៉ា ដោយដំបូងវាបានឆាបឆេះលើភ្នំក្នុងទំហំផ្ទៃដី១២ហិកតាត្រឹមរយៈពេលមួយម៉ោង ហើយគំរាមកំហែងដល់សំណង់ហេដ្ឋារចនាសម្ព័ន្ធនានា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិនបង្អង់យូរឡើយ កងពន្លត់អគ្គិភ័យ ត្រូវបានបញ្ជូនទៅទប់ទល់នឹងភ្លើងឆេះព្រៃនេះ ប៉ុន្តែពួកគេត្រូវជួបឧបសគ្គដោយសារតែខ្យល់បក់ខ្លាំង។

ភ្លាមៗនេះ អាជ្ញាធរក៏មិនទាន់ចេញបញ្ជាឲ្យពលរដ្ឋជម្លៀសដែរ ប៉ុន្តែបានព្រមានឲ្យប្រុងប្រយ័ត្ននិងត្រៀមខ្លួនជម្លៀសគ្រប់ពេលវេលា។

អគ្គិភ័យថ្មីនេះ កើតឡើងស្របពេល ទីក្រុង LA នៃរដ្ឋកាលីហ្វ័រញ៉ា កំពុងបន្តវាយប្រហារដោយភ្លើងឆេះព្រៃសកម្មចំនួន៣ ក្នុងនោះមានអគ្គិភ័យ Palisades ឆេះលើផ្ទៃដី ៩ ៥៩៦ហិកតា ប៉ុន្តែគ្រប់គ្រងបាន១៧% បន្ទាប់មកគឺ Eaton ឆេះ ​៥ ៧១២ហិកតា គ្រប់គ្រងបាន៣៥% និងចុងក្រោយគឺ Hurst ឆេះ៣២៣ហិកតា គ្រប់គ្រងបាន៩៧%។

លើសពីនេះ សំណង់ហេដ្ឋារចនាសម្ព័ន្ធនិងផ្ទះរាប់ម៉ឺនខ្នងត្រូវដុតកម្ទេច ខណៈមនុស្សចំនួន២៥នាក់បាត់បង់ជីវិត និងប្រហែល ១៥០ ០០០នាក់ ត្រូវបញ្ជាឲ្យជម្លៀសខ្លួនទៅកាន់ទីសុវត្ថិភាព៕ 

អត្ថបទ៖ សុខ សុវណ្ណ

ចុចអាន៖ លោក ត្រាំ៖ ភ្លើងឆេះព្រៃនៅ LA បង្កមហន្តរាយ សាហាវជាងគ្រាប់បែកនុយក្លេអ៊ែរ ទៅទៀត