ព័ត៌មានអន្ដរជាតិ
ធនាគារពិភពលោក ផ្តល់មូលនិធិដល់ប្រជាជាតិអាស៊ីក្រីក្រ សម្រាប់កម្មវិធីចាក់វ៉ាក់សាំងកូវីដ
ធនាគារពិភពលោក បានប្រកាសផ្តល់ហិរញ្ញប្បទានដល់ប្រទេសអាហ្វហ្គានីស្ថាន បង់ក្លាដែសនិងនេប៉ាល់សម្រាប់កម្មវិធីចាក់វ៉ាក់សាំងដល់ប្រជាជនរបស់ពួកគេប្រឆាំងនឹងជំងឺកូវីដ១៩។
ធនាគារនេះបាននិយាយកាលពីថ្ងៃព្រហស្បតិ៍ថា ប្រទេសអាហ្វហ្គានីស្ថាន នឹងទទួលបានទឹកប្រាក់១១៣លានដុល្លារអាមេរិក ដែលក្នុងនោះមាន៦០លានដុល្លារពី សមាគមអភិវឌ្ឍន៍អន្តរជាតិ (IDA) ដើម្បីចាក់វ៉ាក់សាំងកូវីដប្រកបដោយសុវត្ថិភាពនិងប្រសិទ្ធភាព។
នាយកធនាគារពិភពលោកប្រចាំនៅប្រទេសអាហ្វហ្គានីស្ថាន លោក Henry Kerali បាននិយាយថា “ធនាគារពិភពលោក បានធ្វើការយ៉ាងជិតស្និទ្ធជាមួយរដ្ឋាភិបាលអាហ្វហ្គានីស្ថាន និងដៃគូអភិវឌ្ឍន៍ដើម្បីឆ្លើយតបប្រកបដោយប្រសិទ្ធភាព ចំពោះជំងឺកូវីដ១៩ ការធ្វើឲ្យប្រសើរឡើងនូវការធ្វើតេស្តនិងការព្យាបាល និងពង្រឹងប្រព័ន្ធសុខាភិបាលរបស់ប្រទេសនេះ”។
ការផ្តល់ហិរញ្ញប្បទានបន្ថែមនេះ គឺជាជំហានដ៏ធំមួយឆ្ពោះទៅមុខដើម្បីផ្តល់ការទទួលថ្នាំបង្ការទាន់ពេលវេលានិងសមធម៌ ដល់ប្រជាជនអាហ្វហ្គានីស្ថានរាប់លាននាក់។
កញ្ចប់ថវិកានេះ មានគោលបំណងចាក់វ៉ាក់សាំងដល់ប្រជាជនអាហ្វហ្គានីស្ថានចំនួន ១៧ភាគរយនិងជួយប្រទេសនេះឲ្យរួចផុតពីជំងឺរាតត្បាត។
តាមរយៈ IDA, ធនាគារពិភពលោកក៏បានអនុម័តទឹកប្រាក់ចំនួន៥០០លានដុល្លារអាមេរិក ដល់ប្រទេសបង់ក្លាដែសនិង ៧៥លានដុល្លារសម្រាប់នេប៉ាល់ផងដែរ។
អាហ្វហ្គានីស្ថាន បង់ក្លាដែសនិងនេប៉ាល់ស្ថិតក្នុងចំណោមប្រទេសក្រីក្របំផុតនៅអាស៊ី។
សរុបទៅ ធនាគារពិភពលោកនិយាយថា ខ្លួនបានផ្តល់ប្រាក់ចំនួន១២ពាន់លានដុល្លារ សម្រាប់បណ្តាប្រទេសកំពុងអភិវឌ្ឍន៍ ដើម្បីផ្គត់ផ្គង់និងចែកចាយវ៉ាក់សាំង ការធ្វើតេស្តនិងការព្យាបាលជំងឺកូវីដ១៩៕
ប្រែសម្រួលដោយ៖ Vann Vann
ប្រភព៖ Aljazeera
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង