ព័ត៌មានអន្ដរជាតិ
ត្រាំ និង ពូទីន ត្រៀមជួបមុខគ្នានៅអារ៉ាប៊ីសាអូឌីត និយាយពីសង្គ្រាមនៅអ៊ុយក្រែន
លោក ដូណាល់ ត្រាំ បានឲ្យដឹងនៅថ្ងៃទី១២ខែកុម្ភៈឆ្នាំ២០២៥ថា លោកនឹងជួបជាមួយប្រធានាធិបតីរុស្ស៊ី លោក វ្ល៉ាឌីមៀរ ពូទីន នៅប្រទេសអារ៉ាប៊ីសាអូឌីត សម្រាប់កិច្ចចរចាសន្តិភាពអ៊ុយក្រែន។ ការប្រកាសរបស់ប្រធានាធិបតីអាមេរិករូបនេះ ធ្វើឡើងបន្ទាប់ពីការហៅទូរសព្ទដ៏ភ្ញាក់ផ្អើលមួយរវាងមេដឹកនាំទាំងពីរ។
លោក ត្រាំ បានបានប្រាប់អ្នកយកព័ត៌មាននៅក្នុងការិយាល័យប្រធានាធិបតីអំពីផែនការក្នុងការជួបជាមួយលោកពូទីនថា៖ «យើងរំពឹងថា គាត់នឹងមកទីនេះ ហើយខ្ញុំនឹងទៅទីនោះ ហើយយើងនឹងជួបប្រហែលជាលើកដំបូងនៅអារ៉ាប៊ីសាអូឌីត»។
មេដឹកនាំវ័យ៧៨ឆ្នាំរូបនេះ បានបន្ថែមថា លោករំពឹងថាវានឹងកើតឡើងនាពេលឆាប់ៗខាងមុខ ហើយព្រះអង្គម្ចាស់អារ៉ាប៊ីសាអូឌីត Mohammed bin Salman ដែលដើរតួយ៉ាងសំខាន់ក្នុងការផ្លាស់ប្តូរអ្នកទោសរុស្ស៊ី-អាមេរិកក្នុងសប្តាហ៍នេះ ក៏នឹងចូលរួមផងដែរ។
វិមានក្រឹមឡាំងបាននិយាយថា ជំនួបតាមទូរសព្ទនេះមានរយៈពេលជិតមួយម៉ោងកន្លះ។ លោក ពូទីន និងលោក ត្រាំ បានព្រមព្រៀងគ្នាថា វាដល់ពេលត្រូវធ្វើការជាមួយគ្នាហើយ ហើយថា មេដឹកនាំរុស្ស៊ីបានអញ្ជើញសមភាគីអាមេរិកទៅកាន់ទីក្រុងមូស្គូ។
សូមបញ្ជាក់ថា ការហៅរកគ្នារបស់ប្រមុខមហាអំណាចទាំងពីរនេះ កើតឡើងស្របពេលមេដឹកនាំអឺរ៉ុបនិងថ្នាក់ដឹកនាំកំពូលៗពីបណ្តាប្រទេសផ្សេងៗទៀត នឹងជួបប្រជុំគ្នាក្នុងសន្និសីទសន្តិសុខនៅទីក្រុង Munich ប្រទេសអាល្លឺម៉ង់ចាប់ពីថ្ងៃទី១៤ដល់ថ្ងៃទី១៦ខែកុម្ភៈ។
ការសន្ទនានេះទៀតសោត កើតឡើងមុនជំនួបរបស់ប្រធានាធិបតីអ៊ុយក្រែន វ្ល៉ាឌីមៀរ ហ្សេលេនស្គី ជាមួយអនុប្រធានាធិបតីអាមេរិក JD Vance ដែលអាចជាការគាបសង្កត់ភាគីអ៊ុយក្រែនឲ្យសុខចិត្តទទួលយកនូវលក្ខខណ្ឌណាមួយដែល លោក ត្រាំ បានព្រមព្រៀងជាគោលការណ៍ជាមួយលោកពូទីនរួចហើយ៕
ដោយ៖ ឈាង
ចុចអាន៖ ត្រាំ និង ពូទីន យល់ព្រមបំពេញទស្សនកិច្ចប្រទេសគ្នា ទៅវិញទៅមក
-
សន្តិសុខសង្គម៦ ថ្ងៃ agoជនដៃដល់ចាប់ជំរិតក្មេងស្រីអាយុ ៥ ឆ្នាំ ទុកពេលឲ្យឪពុកម្តាយ ១ ម៉ោង ជាថ្នូរដូរយកលុយ ១ ម៉ឺនដុល្លារ តែអកុសលក្មេងរងគ្រោះបានស្លាប់
-
ព័ត៌មានអន្ដរជាតិ៣ ថ្ងៃ agoលោក រូប៊ីយ៉ូ ជាប់ក្នុងបញ្ជីទណ្ឌកម្មចិន ចុះហេតុអ្វីបានអាចអមដំណើរ ត្រាំ ក្នុងក្រុងប៉េកាំង?
-
ព័ត៌មានជាតិ៣ ថ្ងៃ agoសមត្ថកិច្ចខេត្តកំពតបង្ក្រាបទីតាំងប្តូរសម្បកបាវស្ករសអក្សរថៃនាំចូលពីថៃ ទៅជាបាវអក្សរវៀតណាម ដើម្បីបំភាន់ភ្នែកសមត្ថកិច្ច និងចលនាពហិការផលិតផលថៃ
-
ព័ត៌មានជាតិ១ សប្តាហ៍ agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ១ សប្តាហ៍ agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា
-
សន្តិសុខសង្គម២ ថ្ងៃ agoសង្ស័យភ្លើងប្រច័ណ្ឌ ស្រីស្រលាញ់ស្រីយកកាំបិតចុងស្រួចអារកជនរងគ្រោះបណ្ដាលឲ្យស្លាប់ រួចរត់គេចខ្លួនបានជាង៧ម៉ាង
-
ព័ត៌មានជាតិ៥ ថ្ងៃ agoវត្តចំណាស់ៗអាយុរាប់រយឆ្នាំនៅតំបន់អង្គរ ត្រូវបានការពារមិនឲ្យរុះរើសង់ថ្មី
-
សេដ្ឋកិច្ច៥ ថ្ងៃ agoកម្ពុជារកចំណូលបានជិត ២ ពាន់លានដុល្លារ ពីការនាំចេញទៅវៀតណាម កើនឡើងជាង ១០%