ព័ត៌មានអន្ដរជាតិ
ប៉ូឡូញចាប់ខ្លួនស្ត្រីអ៊ុយក្រែនពីបទជួញក្រលៀនមនុស្ស៥៦នាក់
ឆ្មាំព្រំដែនប៉ូឡូញបានចាប់ខ្លួនស្ត្រីជនជាតិអ៊ុយក្រែនម្នាក់ពីបទជួញដូរសរីរាង្គមនុស្ស និងលក់ក្រលៀនចំនួន៥៦ដែលមានមួយចំនួនមានប្រភពពីប្រទេសថៃ។ នេះបើយោងតាមការចេញផ្សាយរបស់សារព័ត៌មាន Bangkok Post នៅថ្ងៃទី១២ខែមីនានេះ។

លោក Marta Petkowska អ្នកនាំពាក្យការិយាល័យរដ្ឋអាជ្ញានៅទីក្រុង Przemysl ប្រទេសប៉ូឡួញ បានឲ្យដឹងថា ស្ត្រីអាយុ៣៥ឆ្នាំ ដែលត្រូវបានគេហៅថា Ksenia P ត្រូវបានចាប់ខ្លួននៅឯផ្លូវរថភ្លើងឆ្លងកាត់រវាងប្រទេសប៉ូឡូញ និងអ៊ុយក្រែន ក្រោមការជូនដំណឹងពីប៉ូលិសអន្តរជាតិ ។
ស្ត្រីរូបនេះធ្លាប់ត្រូវបានកាត់ទោសនៅក្នុងប្រទេសកាហ្សាក់ស្ថានឱ្យជាប់ពន្ធនាគាររយៈពេល១២ឆ្នាំពីបទបទចូលរួមក្នុងក្រុមឧក្រិដ្ឋកម្មអន្តរជាតិដែលបានប្រមូលជាលិកា និងសរីរាង្គដោយខុសច្បាប់ពីមនុស្សពីឆ្នាំ ២០១៧ ដល់ឆ្នាំ ២០១៩ ហើយលក់សរីរាង្គទាំងនោះនៅលើទីផ្សារងងឹត។
នាងក៏ត្រូវបានកាត់ទោសពីបទលក់ក្រលៀនដោយខុសច្បាប់ដែលបានពីភាគីរបួសចំនួន ៥៦នាក់នៅក្នុងប្រទេសកាហ្សាក់ស្ថាន អាមេនី អាហ្សែបៃហ្សង់ អ៊ុយក្រែន កៀហ្ស៊ីស៊ីស្ថាន តាជីគីស្ថាន អ៊ូសបេគីស្ថាន និងប្រទេសថៃផងដែរ។
នាងត្រូវបានប៉ូលិសអន្តរជាតិ តាមចាប់តាំងពីខែវិច្ឆិកា ឆ្នាំ ២០២០ ខណៈព្រះរាជអាជ្ញាប៉ូឡួញមិនបានបញ្ជាក់ថា ហេតុអ្វីបានជាស្ត្រីរូបនេះមិនជាប់ពន្ធនាគារក្នុងប្រទេសកាហ្សាក់ស្ថាន នៅពេលនាងត្រូវបានកាត់ទោសនោះទេ។ នៅពេលនេះអយ្យការបានដាក់សំណើទៅតុលាការដើម្បីអនុវត្តការឃុំខ្លួនបណ្ដោះអាសន្នមួយសប្ដាហ៍ដើម្បីធ្វើបត្យាប័ននាងទៅកាហ្សាក់ស្ថាន។
សូមបញ្ជាក់ថា អតីតអនុប្រធាន Verkhovna Rada (គឺជាសភាឯកបក្សនៃប្រទេសអ៊ុយក្រែន) លោក Igor Mosiychuk ធ្លាប់បាននិយាយកាលពីថ្ងៃទី៧ខែកុម្ភៈថា អាជីវកម្មប្តូរសរីរាង្គទ្រង់ទ្រាយធំមាននៅក្នុងប្រទេសអ៊ុយក្រែន។
លោកបានបញ្ជាក់ថា កន្លងមកសរីរាង្គរបស់ជនរងគ្រោះត្រូវបានរឹបអូសដោយខុសច្បាប់ និងលក់ឱ្យទាំងពលរដ្ឋអ៊ុយក្រែននិងជនបរទេស៕


អត្ថបទ៖ ប៊ុន សុភាព

-
ព័ត៌មានជាតិ១ សប្តាហ៍ ago
លោក ជួន កក្កដា៖ ចាស់បុរាណដែលយករឿងសិរីបីប្រការ មកជាឧទាហរណ៍ពេលចូលឆ្នាំខ្មែរ គឺជាអ្នកប្រាជ្ញ មានគំនិតខ្ពស់
-
សន្តិសុខសង្គម៤ ថ្ងៃ ago
មនុស្ស៩នាក់ស្លាប់ក្នុងគ្រោះថ្នាក់ចរាចរណ៍នាថ្ងៃទី២នៃពិធីបុណ្យចូលឆ្នាំថ្មី
-
សន្តិសុខសង្គម៦ ថ្ងៃ ago
យប់ថ្ងៃទទួលទេវតាឆ្នាំថ្មី អគ្គិភ័យឆេះផ្ទះពលរដ្ឋ១៦ខ្នងនៅខណ្ឌឬស្សីកែវ
-
ព័ត៌មានអន្ដរជាតិ៣ ថ្ងៃ ago
ខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានអន្ដរជាតិ៦ ថ្ងៃ ago
មិនធម្មតាទេលើកនេះ វៀតណាមស្វាគមន៍មេដឹកនាំចិន ដោយបាញ់កាំភ្លើងធំ២១ដើម
-
ព័ត៌មានអន្ដរជាតិ៣ ថ្ងៃ ago
រុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
សន្តិសុខសង្គម៦ ថ្ងៃ ago
ខ្យល់កន្ត្រាក់ និងរន្ទះបាញ់ កើតឡើងលើស្រុកចំនួនពីរក្នុងខេត្តបាត់ដំបង
-
ព័ត៌មានអន្ដរជាតិ៣ ថ្ងៃ ago
ខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា