ព័ត៌មានអន្ដរជាតិ

ថាក់ស៊ីនថាគ្មានការជំនួសនាយករដ្ឋមន្រ្តីទេ

បានផុស

៤២ វិនាទី មុន

នៅ

ថ្ងៃសុក្រ ១៨ កក្កដា ២០២៥

ដោយ

យោងតាមការចេញផ្សាយរបស់សារព័ត៌មាន The Nation អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត្រ បានសម្តែងការព្រួយបារម្ភចំពោះស្ថិរភាពនយោបាយរបស់ប្រទេសថៃ ប៉ុន្តែបានសម្តែងការជឿជាក់លើរដ្ឋាភិបាលបច្ចុប្បន្នក្នុងអំឡុងពេលសុន្ទរកថានៅក្នុងកម្មវិធី Unlocking Thailand’s Future: Fighting Global Crises កាលពីថ្ងៃទី ១៦ ខែកក្កដា។

លោក Thaksin Shinawatra (រូបភាព៖ Bangkok Post)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសុន្ទរកថារបស់ លោក ថាក់ស៊ីន បានសង្កត់ធ្ងន់ថា រដ្ឋាភិបាលមានភាពស្របច្បាប់ក្នុងការអនុម័តច្បាប់យ៉ាងឆាប់រហ័សដើម្បីដោះស្រាយបញ្ហាបន្ទាន់បំផុតរបស់ប្រទេស និងច្រានចោលការរំពឹងទុកអំពីការជំនួសនាយករដ្ឋមន្ត្រីដោយនិយាយថា៖«គ្មាននរណាម្នាក់គិតថារដ្ឋាភិបាលនឹងផ្លាស់ប្តូរនាយករដ្ឋមន្ត្រីនោះទេ»។ លោក ថាក់ស៊ីន ក៏បាននិយាយលេងសើចដែរថា ប្រសិនបើកូនស្រីរបស់លោក គឺលោកស្រី ផែថងថាន ស៊ីណាវ៉ាត្រ (Paetongtarn Shinawatra) នៅតែជានាយករដ្ឋមន្ត្រីលោកនឹងធ្វើជា «ស្មៀន» សម្រាប់ប្រទេស។

ជាមួយគ្នានេះ លោក ថាក់ស៊ីន បានបង្ហាញពីឆន្ទៈរបស់លោកក្នុងការគាំទ្ររដ្ឋាភិបាលក្នុងការប្រមូលបញ្ហា និងដំណោះស្រាយចាំបាច់ទាំងអស់ ដោយគូសបញ្ជាក់ពីតួនាទីរបស់លោកក្នុងការសម្របសម្រួល និងបង្ហាញបញ្ហាទាំងនេះទៅកាន់នាយករដ្ឋមន្ត្រី និងរដ្ឋមន្ត្រី។

សុន្ទរកថារបស់ ថាក់ស៊ីន សបញ្ជាក់ឲ្យឃើញថា លោកព្យាយាមអំពាវនាវឲ្យមានការរួបរួម និងគាំទ្រនាយករដ្ឋមន្ត្រីចំពេលមានភាពមិនប្រាកដប្រជាខាងនយោបាយ ខណៈដែល លោកស្រី ផៃថងថាន កូនស្រីលោកត្រូវព្យួរតំណែងនិងស្ថិតក្រោមការពិចារណាឡើងវិញក្នុងតំណែងជានាយករដ្ឋមន្រ្តីថៃ។

គួរបញ្ជាក់ថាផងដែរថា លោក ថាក់ស៊ីន បច្ចុប្បន្នកំពុងត្រូវបានកាត់ទោសពីបទបរិហារកេរ្តិ៍ព្រះមហាក្សត្រ ដោយប្រឈមនឹងការជាប់ពន្ធនាគាររហូតដល់ ១៥ឆ្នាំ ចំពោះការអត្ថាធិប្បាយរិះគន់របបរាជាទៅកាន់ប្រព័ន្ធផ្សព្វផ្សាយកូរ៉េខាងត្បូងកាលពីមួយទសវត្សរ៍មុន៕