ខេត្ត​ថៃចំនួន ៤៨ ប្រកាស​អាសន្ន​ទឹកជំនន់ ដោយសារភ្លៀងធ្លាក់ខ្លាំង

យោងតាមការចេញផ្សាយរបស់សារព័ត៌មាន​ Khaosod នាយកដ្ឋានឧតុនិយមរបស់ប្រទេសថៃបានចេញសេចក្តីជូនដំណឹងអំពីភ្លៀងធ្លាក់ខ្លាំងដល់ខ្លាំងនៅទូទាំង ៤៨ ខេត្ត នៅថ្ងៃ១៦ខែសីហានេះ ដោយភាគខាងជើង និងភាគឦសានថៃប្រឈមនឹងភ្លៀងធ្លាក់ដល់ទៅ ៨០% ដែលអាចបង្កឲ្យមានទឹកជំនន់និងបំណាក់ដីភ្លាមៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខេត្តដែលនឹងរងផផលប៉ះពាល់ខ្លាំងរួមមានខេត្ត Phitsanulok, Phetchabun, Chanthaburi, Trat, Ranong និង Phanngga ។ ខេត្តទាំងនេះនឹងប្រឈមហានិភ័យទឹកជំនន់ភ្លាមៗ និងបំណាក់ដី ដោយសារតែភ្លៀងធ្លាក់ខ្លាំង និងភ្លៀងធ្លាក់ជាបន្តបន្ទាប់ ខណៈខេត្តផ្សេងទៀតមានហានិភ័យមធ្យមផងដែរ។

ខេត្តដែលនៅជាប់សមុទ្រ ក៏មានហានិភ័យខ្លាំងដែរដោយរលកបក់បោកក្នុងកម្រិតពី ២-៣ ម៉ែត្រ ហក់ឡើងខ្ពស់ជាមួយព្យុះផ្គររន្ទះ បណ្តាលឱ្យទូកតូចៗត្រូវតែនៅជាប់ច្រាំងរហូតដល់ថ្ងៃទី ១៧ ខែសីហា។ អាជ្ញាធរថៃក៏អំពាវនាវឱ្យមានការប្រុងប្រយ័ត្ន ជាពិសេសនៅតំបន់វាលទំនាប ក្បែរផ្លូវទឹក និងតំបន់ក្បែរភ្នំ។

គួរបញ្ជាក់ថាប្រទេសថៃមួយរយៈចុងក្រោយនេះបានរងគ្រោះដោយគ្រោះធម្មជាតិជាញឹកញាប់បណ្ដាលឲ្យខូចខាតហេដ្ឋារចនាសម្ព័ន្ធនិងបំផ្លាញដីស្រីដំណាំរបស់ប្រជាជនថៃរាប់សិបគ្រួសារ។ បញ្ហានេះក៏ប៉ះពាល់ទៅដល់សេដ្ឋកិច្ចប្រទេសថៃដែលកំពុងមានវិបត្តិស្រាប់ទៅហើយផងដែរ៕

អត្ថបទ៖ ប៊ុន សុភាព