អត្រាគ្មានការងារនៅចិន នាំឲ្យមនុស្សជាច្រើនត្រូវជួលក្រុមហ៊ុនក្លែងក្លាយ កុហកគ្រួសារ

ក្រុមហ៊ុនមួយកន្លែងក្នុងប្រទេសចិន បានជំរុញឲ្យមានការរីកចម្រើនក្នុងវិស័យការងារក្លែងក្លាយ ជាមួយនឹងការសម្ភាសធ្វើឲ្យជឿជាក់ ដោយធ្វើការគិតប្រាក់ពីអតិថិជនរហូតដល់ ៧ ដុល្លារក្នុងមួយថ្ងៃសម្រាប់កន្លែងធ្វើការ។ និន្នាការ​នេះ​មាន​ការ​រីក​រាលដាល ​ជា​ពិសេស​នៅ​ក្នុង​ទីក្រុង​លំដាប់​ទី​មួយ​និង​ទី​ពីរ​ដែល​មនុស្ស​ជួល​ការិយាល័យ ​ហើយ​បំប្លែង​វា​ទៅ​ជាក្រុមហ៊ុន​សម្រាប់បោកអ្នកផ្ទះឲ្យជឿថា ពួកគេរកបានការងារធ្វើ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាធម្មតាពួកគេគិតប្រាក់ពី ៣០ ទៅ ៥០ យន់ (៤ ដុល្លារ និង ៧ ដុល្លារ) ក្នុងមួយថ្ងៃ។ អត្រាការប្រាក់ធ្លាក់ចុះ ប្រសិនបើពួកគេទិញកញ្ចប់ប្រចាំខែសម្រាប់កន្លែងធ្វើការ។

បុរសម្នាក់ឈ្មោះថា Chen Yingjian ជា​ម្ចាស់​ក្រុមហ៊ុន​មួយ​នៅ Hangzhou ក្នុង​ខេត្ត Zhejiang ភាគ​ខាង​កើត​ប្រទេស​ចិន។ លោកបានធ្វើពុតជាសំភាសន៍ និងបង្កើតក្រមសីលធម៌ដូចជា ធ្វើការពីម៉ោង ៩ ព្រឹកដល់ម៉ោង ៦ ល្ងាច មិនជក់បារីក្នុងការិយាល័យ និង គ្មានស្នេហាក្នុងការិយាល័យ។

យ៉ាងណាក៏ដោយ ក្រុមហ៊ុនការងារជាច្រើនដែលធ្វើពុតជាក្លែងក្លាយ ហើយមិនត្រូវបានចុះបញ្ជីជាផ្លូវការ។ អ្នកខ្លះបានប្រើក្រុមហ៊ុនបែបនេះជាសេវាកម្មជួលកន្លែងធ្វើការ ខណៈពេលដែលអ្នកផ្សេងទៀត ចាត់ទុកវាជាជម្រកសុវត្ថិភាពពីសម្ពាធនៃការស្វែងរកការងារ ចំពេលមានវិបត្តិសេដ្ឋកិច្ច។

ជាក់ស្ដែង នារីវ័យក្មេងម្នាក់គ្រាន់តែធ្វើការនៅក្រុមហ៊ុនមួយថ្ងៃប៉ុណ្ណោះ ដើម្បីថតវីដេអូសម្រាប់គណនីបណ្តាញសង្គមរបស់នាង។ នាងបានថតរូបខ្លួនឯងនៅក្នុងការិយាល័យ ហើយផ្ញើវាទៅម្តាយ ដើម្បីបង្ហាញថា ខ្លួនបានរកឃើញការងារត្រឹមត្រូវធ្វើហើយ។

បុរសម្នាក់ទៀត Ryan អាយុ ២៥ឆ្នាំ ដែលបានធ្វើការនៅក្រុមហ៊ុនការងារក្លែងក្លាយក្នុងខេត្ត Jiangsu ភាគខាងជើងនៃទីក្រុងសៀងហៃអស់រយៈពេលប្រាំមួយខែ បាននិយាយថា គាត់មិនអាចស្វែងរកការងារបានទេ បន្ទាប់ពីបញ្ចប់ការសិក្សា ១៨ ខែមុន។ គាត់តែងតែផ្ញើរូបថតការងារ ដែលគាត់បានថតនៅក្នុងការិយាល័យ ផ្ញើរទៅកាន់ឪពុកម្តាយរបស់គាត់ ហើយនិយាយថា ការធ្វើពុតជាធ្វើការជារៀងរាល់ថ្ងៃរយៈពេលប្រាំបីម៉ោងបានផ្តល់ឲ្យគាត់នូវទម្លាប់និងសុវត្ថិភាព។

អ្នក​ខ្លះ​និយាយ​លេង​សើច​ថា​ វា​ហាក់​ដូច​ជា​ល្ងង់​ដែល​បាន​បង់​ប្រាក់​ទៅ​ធ្វើ​ការ។ ប៉ុន្តែក្រុមហ៊ុនខ្លះផ្តល់ជូនប្រអប់អាហារថ្ងៃត្រង់ និងកាហ្វេដោយឥតគិតថ្លៃ។ មនុស្សមួយចំនួនក៏យល់ឃើញថាវាជាវិធីមួយ ដើម្បីបង្កើតមិត្តថ្មីដែលយល់ពីបញ្ហារបស់ពួកគេ។

មុន​ពេល​ក្រុមហ៊ុន​ទាំង​នោះ​រីក​រាលដាល មនុស្ស​មួយ​ចំនួន​បាន​ធ្វើ​ពុត​ជា​ធ្វើ​ការ​ដោយ​ចំណាយ​ពេល​ពេញ​មួយ​ថ្ងៃ​នៅ​ហាង​កាហ្វេ និង​ក្នុង​បណ្ណាល័យ។ អត្រាគ្មានការងារធ្វើរបស់យុវជនរបស់ប្រទេសចិន ដែលគ្របដណ្តប់លើអ្នកដែលមានអាយុពី ១៦ ទៅ ២៤ ឆ្នាំដែលរស់នៅក្នុងទីក្រុង និងមិនរាប់បញ្ចូលសិស្ស គឺ ១៥.៨ ភាគរយក្នុងអំឡុងឆមាសទីមួយនៃឆ្នាំ ២០២៥។ ជាពិសេស អត្រាគ្មានការងារធ្វើនៅតាមទីក្រុងដែលចេញផ្សាយដោយរដ្ឋាភិបាលគឺ ៥.២ ភាគរយក្នុងអំឡុងឆមាសទីមួយនៃឆ្នាំ ២០២៥។

ទោះជាយ៉ាងណាក៏ដោយ យោងតាមការិយាល័យស្ថិតិជាតិ មានតែអ្នកដែលព្យាយាមស្វែងរកការងារក្នុងរយៈពេល ៣ ខែនៃការស្ទង់មតិប៉ុណ្ណោះ អាចត្រូវបានចាត់ទុកថាគ្មានការងារធ្វើ។ មនុស្សជាច្រើនបាននិយាយនៅលើប្រព័ន្ធផ្សព្វផ្សាយសង្គមថា ពួកគេពិបាកក្នុងការស្វែងរកការងារដែលមានប្រាក់ខែសមរម្យ ឬសូម្បីតែមួយដែលអនុញ្ញាតឲ្យសម្រាកពីរថ្ងៃក្នុងមួយសប្តាហ៍៕

អត្ថបទ៖ សាង ស្រីល័ក្ខ

ចុចអាន៖ម្តាយនិង​កូន​ស្រី​ ​ជប៉ុន សុខចិត្ត​រស់​នៅ​ជាមួយគំនរ​សំរាម ទោះមានលុយច្រើនចាយលែងអស់ក្ដី