ប៉ូលិសប៉ាតាយ៉ា ចាប់ស្ត្រី អ៊ូហ្គង់ដា ពីរនាក់ ក្រោយគំរាមអ្នកទេសចរដែលមិនទិញសេវាកម្ម

ប៉ូលិសទេសចរណ៍ថៃ បានចាប់ខ្លួនស្ត្រីជនជាតិអ៊ូហ្គង់ដាពីរនាក់ ដែលធ្វើអំពើរពេស្យាចារលើឆ្នេរប៉ាតាយ៉ា ដោយចោទប្រកាន់ថាបានបៀតបៀនអ្នកទេសចរ ព្រមទាំងព្យាយាមចាប់ដៃរបស់ពួកគេ និងគំរាមវាយដំ ប្រសិនបើភ្ញៀវទាំងនោះមិនទិញសេវាកម្មពួកនាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចុះផ្សាយដោយ thethaiger លោកវរសេនីយ៍ឯក Songwut Chueaplakit នាយប៉ុស្តិ៍នគរបាលទេសចរណ៍២ ការិយាល័យនគរបាលទេសចរណ៍ទី១ នៅថ្ងៃទី២៤ ខែកញ្ញា បានប្រាប់ឲ្យដឹងថា លោកបានបញ្ជាឲ្យលោកវរសេនីយ៍ទោ Somchanok ដឹកនាំក្រុមស៊ើបអង្កេតស្រាវជ្រាវរកតម្រុយនៅតំបន់ប៉ាតាយ៉ា ក្រោយមានព័ត៌មានថា ស្រ្តីជនជាតិ អ៊ូហ្គង់ដា ២នាក់បានបៀតបៀនភ្ញៀវនៅតាមឆ្នេរ។

ផ្អែក​តាម​ការស៊ើបអង្កេតលើ​ស្ត្រី​បរទេស​មួយ​ក្រុម ​ដែល​ធ្វើ​ពេស្យាចារ​លើ​ឆ្នេរ​ប៉ាតាយ៉ា ​បានបង្ក​ឲ្យមានការ​រំខាន​និងជំរុញ​ឲ្យជនបរទេស​ទិញ​សេវាពីពួកនាង ។ បើអ្នកទេសចរមិនព្រមសន្ទនាទេ ពួកគេនឹងជេរប្រមាថ ហើយព្យាយាមទាញដៃដើម្បីឲ្យពួកគេនិយាយ បង្កការរំខានដល់ភ្ញៀវទេសចរជាច្រើនផ្សេងទៀត។

ជាងនេះទៅទៀត ក៏មានឧប្បត្តិហេតុមុនៗ ដែលស្ត្រីស្បែកខ្មៅធ្វើពេស្យាចារ ជំរិតទារប្រាក់ និងធ្វើបាបអ្នកទេសចរប្រុសៗដែលមករកការកម្សាន្តនៅតំបន់ប៉ាតាយ៉ាផងដែរ។

យ៉ាងណាក៏ដោយ បច្ចុប្បន្ននេះប៉ូលិស​បាន​កំណត់​មុខសញ្ញា និង​តាម​ដាន​មុន​នឹង​ប្រើ​ភ្នាក់ងារ​លាក់​បាំង​ដើម្បី​ធ្វើ​ប្រតិបត្តិការ និងឃាត់ខ្លួនជនសង្ស័យជាស្រ្តីជនជាតិអ៊ូហ្គង់ដាចំនួន២នាក់ អាយុ៣១ឆ្នាំ និងម្នាក់ទៀតអាយុ ៤០ឆ្នាំ ដើម្បីចាត់ការបន្តតាមនិតិវិធីច្បាប់៕

អត្ថបទ៖ សាង ស្រីល័ក្ខ

ចុចអាន៖ដឹង​មូលហេតុ​បាក់​ស្រុត​ផ្លូវ​ដ៏​ធំ​​​ក្នុង​ទីក្រុង​បាងកក​ហើយ!