សុខភាព

តែខ្មៅមិនត្រឹមជាភេសជ្ជៈសុខភាព តែក៏ជារូបមន្តធ្វើឲ្យសក់ស្អាតមិនធម្មតា

បានផុស

៥ years មុន

នៅ

ថ្ងៃចន្ទ ១៧ ឧសភា ២០២១

ដោយ

យើងបានដឹងរួចមកហើយថាការផឹកតែខ្មៅមានអត្ថប្រយោជន៍ដ៏អស្ចារ្យសម្រាប់សុខភាព ដូចជាការបញ្ចុះសំពាធឈាមជួយបង្កើនការរំលាយអាហារ និងធ្វើឲ្យមុខងារខួរក្បាលដំណើរការល្អ។

របាយការណ៍ថ្មីមួយបានបង្ហាញពីរបៀបជ្រលក់សក់នៅក្នុងតែខ្មៅ ដែលអាចធ្វើឲ្យសក់លូតលាស់បានលឿន ភ្លឺរលោងថែមទាំងអាចធ្វើឲ្យសក់បាត់ស្កូវ។

របាយការណ៍សុខភាពនិយាយថាការលាងសក់ជាមួយតែខ្មៅគឺជាវិធីសាស្ត្រគួរឲ្យចាប់អារម្មណ៍ ដែលត្រូវបានប្រើអស់ជាច្រើនសតវត្សរ៍ដើម្បីពង្រឹងសុខភាពសក់។ ដោយសារតែខ្មៅជារុក្ខជាតិមួយដែលមានសារធាតុ camellia sinensis នៅពេលវាបញ្ចេញ tannins ជាសារធាតុប្រឆាំងអុកស៊ីតកម្មនិងបន្សាបរ៉ាឌីកាល់សេរីដែលតែងតែបំផ្លាញកោសិកា។

ឥទ្ធិពលប្រឆាំងអុកស៊ីតកម្មដូចគ្នាត្រូវបានគេនិយាយថា មានសុខភាពល្អសម្រាប់ស្បែកក្បាល។ ការរួមបញ្ចូលគ្នាទាំងនេះអាចធ្វើឲ្យសក់មានសុខភាពល្អលូតលាស់លឿន ខណៈពេលដែលសារធាតុកាហ្វេអ៊ីនដែលមាននៅក្នុងតែខ្មៅត្រូវបានគេនិយាយថា មានសក្ដានុពលជំរុញកំណើនសក់និងរារាំងសកម្មភាពរបស់អ័រម៉ូនដែលអាចបណ្ដាលឲ្យជ្រុះសក់ហើយបានកើតមានទាំងបុរសនិងស្ត្រី ដោយសារតែការផ្លាស់ប្តូរកម្រិតអ័រម៉ូនដែលកើតឡើងទៅតាមអាយុ។

ប្រសិនបើអ្នកចង់សាកល្បងប្រើតែខ្មៅលាងសក់នៅផ្ទះ នេះជាជំហានងាយៗ ៖

ដំបូងដាំទឹកឲ្យពុះ រួចដាក់តែក្នុងកូនថង់មួយដែលចងមាត់កុំឲ្យតែរបូត រួចដាក់ចូលទៅក្នុងទឹកកំពុងពុះ។ បន្ទាប់ទុកវាឲ្យត្រជាក់ សឹមយកមកលាបលើសក់ក្បាល។ បន្ទាប់មកទៀតទុកវា២ឬ៣នាទី ប៉ុន្តែបើសិនទុកវាកាន់តែយូរនោះសក់នឹងកាន់តែមានប្រសិទ្ធិភាព។ ចុងក្រោយលាងជម្រះឲ្យបានល្អជាមួយទឹកស្អាត ហើយត្រូវរង់ចាំ១ឬ២ថ្ងៃ ដើម្បីកក់សក់ចៀសវាងប្រតិកម្មដែលអាចកើតមាន រវាងតែខ្មៅនិងផលិតផលសាប៊ូកក់សក់៕

ប្រែសម្រួល៖សាង ស្រីល័ក្ខ

ចុចអាន៖ហូបតៅហ៊ូរាល់ថ្ងៃដូចជួយយកជំងឺដំកាត់ផ្សេងៗចេញពីរាងកាយ

ចុចអាន៖ចង់ឲ្យសាច់ដុំកាន់តែល្អ មិនងាយឈឺ ញ៉ាំវីតាមីនប៉ុន្មានមុខនេះ ល្អបំផុត