សុខភាព

តែ ៥ ប្រភេទ មិនត្រឹមជំនួយសុខភាព ថែមទាំងដុតរំលាយជាតិខ្លាញ់បានខ្ពស់មិនធម្មតា

បានផុស

៥ years មុន

នៅ

ថ្ងៃអង្គារ ១៨ ឧសភា ២០២១

ដោយ

តែត្រូវបានមនុស្សគ្រប់គ្នារីករាយនឹងការទទួលទាន រួមទាំងបានដឹងពីអត្ថប្រយោជន៍ដ៏គួរឲ្យចាប់អារម្មណ៍អស់រាប់ពាន់ឆ្នាំមកហើយ។ អ្នកស្រាវជ្រាវក្នុងឆ្នាំ ២០១៤ បានបង្ហាញថា តែអាចជួយជំងឺមហារីក ជំងឺមហារីកបេះដូង ទឹកនោមផ្អែម ជួយដុតរំលាយជាតិខ្លាញ់ ការសម្រកទម្ងន់ កូលេស្តេរ៉ុលទាប និងនាំមកនូវការធូរស្រាលផ្នែកផ្លូវចិត្ត។

១ តែបៃតង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងការសិក្សារយៈពេល ១២ សប្ដាហ៍ថ្មីៗនេះ ដោយមានអ្នកចូលរួមបញ្ចូលគ្នានូវទម្លាប់ប្រចាំថ្ងៃ ដោយការហូបតែបៃតង ៤ទៅ៥ ពែងក្នុងមួយថ្ងៃនិងបញ្ចេញញើសរាល់ ២៥ នាទីម្ដង បានស្រកទម្ងន់ជាមធ្យម ១គីឡូក្រាម ច្រើនជាងអ្នកហាត់ប្រាណដែលមិនផឹកតែ។

២ តែអូឡុង

អូឡុងជាឈ្មោះចិនសម្រាប់ “នាគខ្មៅ” គឺជាតែផ្កាដែលមានពន្លឺដូចជាតែបៃតង ហើយក៏មានផ្ទុកនូវសារជាតិ catechins ជួយលើកកម្ពស់ការសម្រកទម្ងន់ ដោយបង្កើនសមត្ថភាពរាងកាយក្នុងការបំប្លែងសារជាតិខ្លាញ់ ។ ការសិក្សានៅក្នុងទស្សនាវដ្ដីវេជ្ជសាស្ត្រចិនបានរកឃើញថា អ្នកដែលឧស្សាហ៍ឆុងតែអ៊ូឡុងផឹក បានស្រកគីឡូជិត ៣គីឡូក្រាមក្នុងរយៈពេល ៦ សប្ដាហ៍។

៣ តែក្រូចឆ្មា

អ្នកចូលចិត្តហូបស៊ុបរសជាតិប្រៃឬស្រាបៀ សុទ្ធតែអាចទទួលរងនៅការហើមពោះ ហើយតែក្រូចឆ្មាអាចជួយប្រឆាំងនឹងការហើមពោះ ដោយសារសារធាតុ D-limoneneរបស់វា។ សមាសធាតុប្រឆាំងអុកស៊ីតកម្មដែលត្រូវបានគេរកឃើញនៅក្នុងក្រូចឆ្មារ ត្រូវបានគេប្រើជាថ្នាំបញ្ចុះទឹកនោមតាំងពីបុរាណកាលមក ជាពិសេសការធាត់ដែលបណ្ដាលមកពីរបបអាហារមានជាតិខ្លាញ់ខ្ពស់។

៤ តែពណ៏ស

ការសិក្សាមួយដែលចុះផ្សាយនៅក្នុងទស្សនាវដ្ដីអាហារបំប៉ននិង Metabolism បានបង្ហាញថា តែពណ៌សអាចជួយបង្កើនការបញ្ចេញជាតិខ្លាញ់ក្នុងពេលដំណាលគ្នា និងការបំបែកខ្លាញ់ adipogenesis (ការបង្កើតកោសិកាខ្លាញ់) ដោយសារធាតុផ្សំខ្ពស់គិតថាសកម្មនៅលើកោសិកាខ្លាញ់របស់មនុស្ស។

៥ តែ Rooibos

តែ Rooibos ធ្វើពីស្លឹករបស់រុក្ខជាតិ “ព្រៃក្រហម” ដែលត្រូវបានដាំដុះទាំងស្រុងនៅក្នុងតំបន់តូចមួយនៃអាហ្វ្រិកខាងត្បូង ដែលនៅជិត Cape Town ។ អ្វីដែលធ្វើឲ្យតែ Rooibos ល្អជាពិសេសសម្រាប់ពោះរបស់អ្នក គឺសារជាតិ flavonoid ដែលមានតែមួយគត់និងមានឈ្មោះថា Aspalathin ។

ការស្រាវជ្រាវបង្ហាញថា សមាសធាតុនេះអាចកាត់បន្ថយអ័រម៉ូនស្ត្រេស ដែលបណ្ដាលឲ្យឃ្លាននិងផ្ទុកជាតិខ្លាញ់ ថែមទាំងមានទំនាក់ទំនងទៅនឹងជំងឺលើសឈាម រោគសញ្ញារំលាយអាហារ ជំងឺបេះដូង សរសៃឈាម ភាពធន់នឹងអាំងស៊ុយលីននិងជំងឺទឹកនោមផ្អែមប្រភេទទី ២ ៕

ប្រែសម្រួល៖ សាង ស្រីល័ក្ខ

ប្រភព៖eatthis

ចុចអាន៖តែខ្មៅមិនត្រឹមជាភេសជ្ជៈសុខភាព តែក៏ជារូបមន្តធ្វើឲ្យសក់ស្អាតមិនធម្មតា

ចុចអាន៖លេបថ្នាំ Gluta ឲ្យស្បែកស អាចប៉ះពាល់ដល់ក្រពះពោះវៀនអត់?

Related Topics:ការថែទាំសុខភាព