សុខភាព

ឆ្ងល់អត់ ម៉េចបានកើតភ្លឺ? ធ្វើម៉េចឆាប់បាត់?

បានផុស

៥ years មុន

នៅ

ថ្ងៃសៅរ៍ ១៩ មិថុនា ២០២១

ដោយ

ភ្លឺជាជំងឺសើស្បែក បង្កឡើងដោយមេរោគផ្សិត ធ្វើឲ្យស្បែកប្រែពណ៌ខុសធម្មតា ទៅជាបំណះតូចៗពណ៌ស ដែលភាគច្រើនចេញនៅលើមុខ ខ្នង ទ្រូង ពោះ អវយវៈជាដើម។ លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ នឹងលម្អិតពីមូលហេតុនាំឲ្យកើតភ្លឺ វិធីការពារ និងព្យាបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. មូលហេតុនាំឲ្យកើតភ្លឺ

មានកត្តាប្រឈមជាច្រើន នាំឲ្យយើងកើតភ្លឺ ក្នុងនោះមានកត្តាបរិស្ថានរស់នៅជុំវិញខ្លួនមានសំណើម ឬក្តៅខ្លាំងពេក ការប្រើប្រាស់ផលិតផល ឬសារធាតុមានជាតិប្រេងលាបលើស្បែក ប្រព័ន្ធភាពស៊ាំចុះខ្សោយ ការផ្លាស់ប្តូរអ័រម៉ូន ស្បែកមានជាតិខ្លាញ់ច្រើន។

២. វិធីព្យាបាលភ្លឺ

ភ្លឺអាចជាវិញដោយខ្លួនឯងបើសិនជាយើងអនាម័យខ្លួនប្រាណបានទៀងទាត់ តែករណីខ្លះវានឹងរាលដាលកាន់តែធំឡើង បើសិនជាយើងមិនយកចិត្តទុកដាក់ព្យាបាលឲ្យត្រឹមត្រូវ។ យើងចាំបាច់ត្រូវទៅជួបគ្រូពេទ្យ បើសង្កេតឃើញមានបញ្ហាខាងក្រោម។
– ស្បែកមិនប្រសើរឡើង
– មេរោគផ្សិតត្រលប់មកវិញ
– បំណះភ្លឺកាន់តែរាលធំឡើង

គ្រូពេទ្យអាចឲ្យប្រើថ្នាំប្រឆាំងវីរុស ឬអាចជាក្រែមសម្រាប់លាប សាប៊ូដែលមានជាតិថ្នាំសម្រាប់ដុស ឬក៏ថ្នាំលេបទៅតាមស្ថានភាព។

៣. វិធីការពារមិនឲ្យកើតភ្លឺ

ត្បិតភ្លឺជាជំងឺសើស្បែក មិនបង្កផលប៉ះពាល់ធ្ងន់ធ្ងរដល់សុខភាពយើងក៏ពិតមែន តែវាធ្វើឲ្យបាត់បង់សោភ័ណភាពលើស្បែក។ ដូចនេះដើម្បីបង្ការមិនឲ្យកើតភ្លឺ យើងត្រូវធ្វើតាមការណែនាំខាងក្រោម។
– អនាម័យខ្លួនប្រាណជាប្រចាំ
– សម្លៀកបំពាក់ត្រូវហាលឲ្យស្ងួត និងត្រូវកម្តៅថ្ងៃ
– ចៀសវាងការស្លៀកពាក់ខោអាវដដែល ដែលមានញើស ឬធូលី៕

អត្ថបទផ្ដល់ដោយ៖ Hello Krupet