ការបញ្ជ្រាប ពីសុខភាពបន្ត​ពូជ យេនឌើរទាក់ទងទៅនិងការរំ​លូត ពន្យាកំណេីត យុវវ័យគួរយល់ដឹង

ទោះជានៅឆ្ងាយដែលជា តំបន់ដាច់ស្រយាលមួយ ពុំសូវទទួលបានព័ត៌មាន ឬទទួលបានការយល់ដឹងពីសុខភាពទើបអង្គការ (រ៉ាក់) ដែលដឹកនាំដោយលោក ស៊ូ សានីម ប្រធានក្រុមកម្មវិធីសុខភាពយុវវ័យ បានចុះទៅ ភូមិប្រមូល ឃុំ ត្រមែង ស្រុកឈូក ខេត្តកំពត ដើម្បីបញ្ជ្រាប យេនឌើរ សុខភាពយុវវ័យក្នុងការ បន្តពូជ និងទាក់ទងទៅលើ ការរំលូត និងការ ពន្យាកំណើត។

លេាក ស៊ូ សានីម បានឲ្យដឹងថា ពេលនះយើងបានលើកយកប្រធានបទការអប់រំពី សុខភាពបន្តពូជ និងសុខភាព ផ្លូវភេទ ដែលគេតែងនិយាយថាក្មេងៗមិនគួរយល់ដឹងពីរឿងនេះទេ។ តែយើងគួរតែដឹងថាអ្វីទៅជាសុខភាពផ្លូវភេទ ត្រូវថែរទាំដូចម្តេច?។បើនិយាយពីសមត្ថភាព យេនឌើរ វិញ គឺត្រូវតែទទួលបានភាពនូវភាពស្មើរគ្នាគឺត្រូវបានទទួលយកចំណេះដឹងទាំងអស់គ្នា។

ស្ថិតនៅតំបន់ដាច់ស្រយាលឆ្ងាយពីទីរួមខេត្ត ហើយពុំដែលទទួលបានព័ត៌មានពីអង្គការណាចុះមក ផ្សព្វផ្សាយ ពីសុខភាពយុវវ័យឡើយ។ ប្អូនស្រី សុិ ពិសី អាយុ ១៧ ឆ្នាំ រៀននៅវិទ្យាល័យហ៊ុនសែនឈូក ថ្នាក់ទី១១ បានស្ម័គ្រចិត្តចូលរួមសកម្មភាព អប់រំ ផ្សព្វផ្សាយ ជាមួយអង្គការ(រ៉ាក់) ដើម្បីពាំនាំយកជំនាញ ដែលបានចេះដឹងទាំងនោះមកអប់រំ ដល់​យុវវ័យ​និងអ្នកភូមិរបស់ខ្លួនជាបន្ត ដើម្បីឲ្យគាត់យល់ ដឹងមានចំណេះដឹង ចេះការពារសុខភាពឲ្យបានល្អទៀតផង។

ជាពិសេសយុវវ័យក្នុងពេលមានរដូវត្រូវចេះអនាម័យខ្លួនប្រាណឲ្យបានត្រឹមត្រូវ ត្រូវយល់ដឹង អំឡុងពេលមានកូវីដ១៩ កំពុងយារយី នៅឡើយ។ ប្អូនស្រីបន្តថាបន្ថែមពីលើនេះនាងខ្ញុំបាន ចូលរួមបញ្ជ្រាបពីសុខភាព ផ្លូវភេទ សុខភាព បន្តពូជ ទាំងការពន្យារកំណើត ឬ ពេលដែលយុវវ័យពេញវ័យ រៀប ការដេាយមិនចង់បានកូនញឹកញាប់ ត្រូវចេះរកវិធីសាស្ត្រការពាឬទៅពិគ្រោះនៅមណ្ឌលសុខភាព។
អ្នកស្រី សេន ប៊ុន មានអាយុ ៥០ឆ្នាំ បានឲ្យដឹងថា ខ្ញុំត្រេកអរទៅវិញ ទេដោយមានអង្គការ(រ៉ាក់)ចុះមកអប់រំផ្សព្វផ្សាយ ណែនាំ ដល់ប្រជាជននៅក្នុងភូមិខ្ញុំនេះ ជាពិសេសអប់រំដល់យុវវ័យពីព្រោះប្រជាជននៅទីនេះ ពុំសូវទទួលបានព័ត៌មាន ឬការ អបរំពីសុខភាពក្នុងកាពន្យារកំណើត រំលូតដើម្បីកុំឲ្យមានកូនញឹកញាប់។

ការមានកូនញឹកញប់នាំឲ្យ ខាតបង់ ពេលវេលាគ្រប់គ្រាន់ ក្នុងការចិញ្ចឹម បុត្រ ធីតា ឲ្យរៀនសូត្រ ហើយពិបាករកថវិកាឲ្យរៀនសូត្រទៀត។ អ្នកស្រីបព្ជាក់ថា ខ្ញុំទទួលបានព័ត៌មានជាក់លាក់នេះដេាយសារអ្នកនៅក្នុងភូមិនេះ ខ្លះមានកូន ៦. ៧ នាក់ ឯជីវភាពវិញ ក្រីក្រ កូនពុំបានរៀនសូត្រ ជ្រៅជ្រះ ជីវភាពខ្សត់ខ្សោយទៀតផង។

អ្នកស្រីបង្ហាញឱ្យដឹងទៀតថា ទាក់ទងពេលមានរដូវ ឪពុកម្ដាយខ្លះ គាត់ពុំសូវយល់ដឹង បែរឲ្យកូនស្រីកំពុងមានរដូវ ចុះ ទឹក បឹងបួរ គ្មានអនាម័យល្អបានបង្កទៅជាជម្ងឺប្រចាំកាយផ្សេងៗទៅវិញ។
ប្អូនស្រី ព្រិល ស្រីនាង អាយុ ១៦ឆ្នាំ រៀននៅវិទ្យាល័យ ក្រាំងថ្ម ថ្នាក់ទី១០ បាននិយាយថា ខ្ញុំទើបតែយល់ច្បាស់នៅការចុះមកអប់រំថ្ងៃនេះ និយាយពី សុខភាព យុវវ័យ ខ្ញុំវិញទទួលបានការអប់រំជាច្រើនទៅលើសុខភាព ហើយបានដឹង​ពីផល​ប៉ះពាល់និងគ្រោះថ្នាក់ដល់សុខភាពទៀតផង។ដូច្នេះនាងខ្ញុំមានតែការជួយអប់រំ មិត្តជួយ មិត្ត បន្តទៅមិត្តភក្កិទាំងឡាយ ជាពិសេសក្នុងអំឡុង កូវីដ១៩ នេះ ផងដែរ។

ជុំវិញសុខភាពយុវវ័យបានធ្វើឲ្យ លោក ផាន់ ចាន់ណាអាយុ២៤ឆ្នាំ ជាបុគ្គលិក ផ្នែកតស៊ូមតិ របស់ អង្គការ(រ៉ាក់) បានបង្ហាញថា ខ្ញុំជាអ្នកស្ម័គ្រចិត្តធ្វើការឲ្យអង្គកានេះ សំខាន់ គឺ ខ្ញុំចង់ជួយចែករំលែកបទពិសោធន៍ទាក់ទៅនិង ស្ត្រ្រីនិង កុមារ ដែលងាយរងគ្រោះ ជាពិសេស សុខភាពបន្តពូជ សុខភាព ផ្លូវភេទ ឲ្យគាត់យល់ដឹង អំពីផលប៉ះពាល់ដល់សុខភាពដូចម្ដេចខ្លះ ?

បើសិនជាគាត់ មិនបានការពារ រក្សា អនាម័យ សុខភាពរបស់ គាត់ឲ្យបានល្អប្រសើរទេនោះ។ គាត់និង ជួបផលប៉ះពាល់សុខភាព ជាពិសេសជម្ងឺ ផ្សេងៗ សតិស្មារតីក៏ពុំបានវៀងវៃដែរ។ហើយយើងគួរតែលុបបំបាត់ចោលនូវផ្នត់គំនិតអវិជ្ជមាននៃការរើសអើងដល់ស្ត្រីនិងកុមារ។

ជុំវិញទៅលើការរើសអើងដែរយុវវ័យខ្លះមានកូនដោយចៃដន្យវិញ ។លេាកបន្ពថាទាក់ទងរឿងនេះអាចទាក់ទងទៅលើកត្តាជីវភាព ថវិកា ជារឿងមួយដែលយុវវ័យជួបបព្ហានៃការរំលេាភ។ គឺបច្ចុប្បន្ននេះវាជាផ្នត់គំនិតមួយដែលតែងតែមានការមាក់ងាយនិងរើសអើង។

ដូច្នេះក្នុងនាមយើងទាំងអស់គ្នា គួរតែព្យាយាមកុំឲ្យមានការម៉ាក់ងាយ ទៅលើ បុគ្គលដែលមាន ការរំលូត ឬមានកូនដោយ​ចៃដន្យ យើងមិនគួរម៉ាក់ងាយឡើយគួរតែឲ្យតម្លៃគ្នាទៅវិញទៅមកដែលជា អំពើល្អផង៕ អត្ថបទ៖ រុងរឿង