សុខភាព

ជនជាតិអាស៊ីចាត់ទុកទំពាំងឫស្សី ជា ” ស្ដេចបន្លែ ” ប្រឆាំងនឹងជំងឺមហារីកធំៗ រួមទាំងការរលាក

បានផុស

៣ years មុន

នៅ

ថ្ងៃអង្គារ ៦ កក្កដា ២០២១

ដោយ

ជនជាតិអាស៊ីចូលចិត្តហូបទំពាំង ហើយទទួលស្គាល់ថាគ្រប់ផ្នែកនៃបន្លែមួយនេះគឺមានប្រយោជន៍ជាច្រើនរាប់មិនអស់។ បណ្ដាប្រទេសនៅអាស៊ីដូចជា ហ្វីលីពីន ជប៉ុន ឥណ្ឌា កូរ៉េ និងប្រទេសជាច្រើនទៀត ទទួលទានទំពាំងជារៀងរាល់ថ្ងៃ។

ប្រជាជនចិនបានចាប់ផ្តើមទទួលទាននៅដើមរាជវង្សមិង នៅឆ្នាំ ១៣៦៨ និងបានចាត់ទុកវាជាស្ដេចបន្លែ ដោយសារតែរសជាតិនិងអត្ថប្រយោជន៍ចំពោះសុខភាពច្រើនអនេក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ ជាតិសរសៃខ្ពស់

អាហារនេះមានជាតិសរសៃខ្ពស់ ដែលដើរតួយ៉ាងសំខាន់ក្នុងការកាត់បន្ថយកូឡេស្តេរ៉ុលក្នុងឈាម។ ការស្រាវជ្រាវដោយ Park និង Jhón នៅឯសាកលវិទ្យាល័យរដ្ឋវ៉ាស៊ីនតោនបង្ហាញថា ការទទួលទានបន្លែនេះ មានឥទ្ធិពលល្អទៅលើកូលេស្តេរ៉ុលអាក្រក់ មុខងារចលនាពោះវៀននិងខ្លាញ់ក្នុងពោះវៀន។

២ ល្អសម្រាប់បេះដូង

Phytonutrients នៅក្នុងពន្លកទំពាំង ដើរតួយ៉ាងសំខាន់ក្នុងមុខងារសរសៃឈាមបេះដូង។ យោងតាមរបាយការណ៍សុខភាពមួយចំនួន phytosterols និង phytonutrients ក្នុងពន្លកទំពាំង គឺល្អប្រសើរសម្រាប់រំលាយកូលេស្តេរ៉ុលអាក្រក់។ អាហារមួយនេះបណ្តេញកូលេស្តេរ៉ុលអាក្រក់នៃសរសៃឈាម ដើម្បីផ្តល់ឲ្យរាងកាយទាំងមូលនូវការផ្គត់ផ្គង់ឈាមនិងចលនាឈាមរត់រលូន។

៣ ល្អសម្រាប់ការសម្រកទម្ងន់

បន្លែនេះមានបរិមាណកាឡូរីទាបនិងមានជាតិសរសៃខ្ពស់។ នេះគឺជាជម្រើសអាហារដ៏ល្អឥតខ្ចោះសម្រាប់មនុស្សដែលមានបំណងសម្រកទម្ងន់។ វាត្រូវបានគេបង្ហាញថាមានប្រសិទ្ធភាពក្នុងការបំបាត់ជាតិខ្លាញ់ ដែលមិនចង់បានចេញពីរាងកាយ។

៤ លក្ខណៈសម្បត្តិប្រឆាំងអុកស៊ីតកម្ម

ទំពាំងមានសារធាតុគីមីដែលអាចត្រូវបានប្រើជាអង់ទីអុកស៊ីដង់ដ៏ខ្លាំងក្លា។ លើសពីនេះទៀតវាជួយកាត់បន្ថយហានិភ័យនៃភាពតានតឹង អុកស៊ីតកម្មដែលបណ្ដាលមកពីរ៉ាឌីកាល់សេរី ដែលបង្កគ្រោះថ្នាក់។ ផ្អែកលើឯកសារដែលត្រូវបានចេញផ្សាយនៅក្នុងកាសែតស្រាវជ្រាវដោយ Vivek Sharma និង Nirmala Chongtham សារធាតុ phytosterol ត្រូវបានរកឃើញនៅក្នុងរុក្ខជាតិនេះ មានផ្ទុកនូវសារធាតុប្រឆាំងនឹងជំងឺមហារីកដ៏មានឥទ្ធិពល ប្រឆាំងនឹងជំងឺមហារីកធំ ៗ ដូចជាមហារីកសួត មហារីកក្រពះ មហារីកក្រពេញអូវែរ និងមហារីកសុដន់ ដែលមានមូលដ្ឋានលើអ័រម៉ូនអ៊ឹស្ត្រូសែន។

៥ លក្ខណៈសម្បត្តិប្រឆាំងនឹងការរលាក

បន្លែមួយនេះអាចកាត់បន្ថយការរលាកក្នុងខ្លួនភាគច្រើន ដែលបណ្ដាលមកពីវីរុសនិងបាក់តេរី ព្រោះវាមានលក្ខណៈប្រឆាំងនឹងការរលាក។ យោងតាមការស្រាវជ្រាវបានបង្ហាញថា អាហារនេះមានលក្ខណៈប្រឆាំងនឹងការរលាកនិងបំបាត់ការឈឺចាប់លើរាងកាយ។ ទាំងនេះក៏រួមចំណែកដល់ការស្តាដំបៅដែលមានប្រសិទ្ធភាពផងដែរ៕

ប្រែសម្រួល៖ សាង ស្រីល័ក្ខ

ប្រភព៖practicalheal

ចុចអាន៖ផ្សិតស ប្រើបានទាំងមុខម្ហូប និងជាមុខងារឱសថព្យាបាលជំងឺផ្សេងៗគ្នា តាំងពីបុរាណ

ចុចអាន៖អត្ថប្រយោជន៍នៃគ្រាប់ស្វាយចន្ទី មនុស្សគ្រប់គ្នាមិនគួរមើលរំលងរបស់ហូបលេងនេះ!