សុខភាព
អាថ៌កំបាំងពិសេស អាចជួយយើងហាត់ប្រាណជោគជ័យ
ហាត់បានបន្តិចធុញ ហាត់មិនប៉ុន្មានក៏បោះបង់ ញ៉ាំអីតិចតួចឡើងគីឡូស្រឺតៗ អារម្មណ៍នេះមានតែហាត់ឈប់ៗដូចគ្នាយើង ទើបយល់។ ប៉ុន្តែគ្នាយើងកុំទាន់តូចចិត្តតូចថ្លើមអី រឿងនេះ “Hello គ្រូពេទ្យ” ដឹងច្បាស់ កត្តាចម្បង ដោយសារយើងមិនដឹងអាថ៌កំបាំងពិសេសទាំងនេះ បើស្វែងយល់តែបន្តិច មហិច្ឆិតារាងស្អាតយើង ច្បាស់ជាបានជោគជ័យ។
១- កុំបោះបង់ចោល
បើមានទម្លាក់បោះបង់ចោល គ្នាយើងអាចចាប់ផ្តើមបាត់បង់ទឹកចិត្ត។ ក្នុងកាលៈទេសៈនេះ យើងភាគច្រើនយល់ឃើញ បើមានឧបករណ៍ហាត់ផ្ទះខ្លួនឯងផ្ទាល់ ជាការជម្រុញទឹកចិត្តឲ្យយើងព្យាយាម។ អ៊ីចឹង ពង្រាយឧបករណ៍ពាសពេញផ្ទះ ដើម្បីរំលឹកយើងហាត់ប្រាណ ដូចជា ដាក់ដុំដែក (Dumbbells) បាល់រក្សាលំនឹង ( balance ball) កម្រាលសម្រាប់ហាត់ យូហ្កា (Yoga mat) និងខ្សែលោត (Jump rope) គ្រប់កន្លែងយើងអាចមើលឃើញ។ បើធ្វើបែបនេះ នាំឲ្យផ្ទះរញ៉េរញ៉ៃពេក អាចរើសយកទីតាំងសំខាន់ៗ ១-២ យើងគិតថាអាចនឹកឃើញគ្រប់ពេល។
បើមិនអាចហាត់នៅផ្ទះបាន ដាក់ខោអាវហាត់ប្រាណនៅលើគ្រែមុនពេលគេង។ វិធីនេះនាំឲ្យយើងមើលឃើញស្បែកជើង និងសម្លៀកបំពាក់ហាត់ប្រាណពេលភ្ញាក់ឡើង។ បែបនេះរឿងភ្លេចហាត់ លែងជាបញ្ហាទៀតហើយ ព្រោះមើលឃើញជាការដាស់ខួរក្បាលយើង។ តាមការលើកឡើងរបស់លោកស្រី Kelly McGonigal បណ្ឌិតចិត្តសាស្ត្រសុខភាព និងកាយសម្ព័ន នៅអាមេរិក ការប្រជែងជាអទិភាព ដូចជា ការងារ គ្រួសារ កិច្ចការត្រូវបំពេញ ពេលខ្លះទាមទារអ្វីមួយនៅមុខដើម្បីរំឭក។
២- កំណត់គោលដៅ
យោងតាមអ្នកនាង Marie Choo ជាមនុស្សស្រលាញ់ការហាត់ប្រាណបំផុត លើកឡើងថា ដើម្បីឲ្យយើងទទួលជោគជ័យ សំខាន់ណាស់ត្រូវសម្រេចគោលដៅតូចៗជាមុន។ គន្លឹះចម្បង ត្រូវចាប់ផ្តើមពីតូច និងសាមញ្ញ បន្ទាប់មកទើបកែតម្រូវទៅតាមគោលដៅយើង។ បើគ្នាយើងចាប់ផ្តើមគម្រោងហាត់ប្រាណខ្លាំងហួសហេតុ ត្រូវបន្ថយសកម្មភាពខ្លះៗ ព្រោះកត្តាហាត់ប្រាណឆ្ពោះទៅរកជោគជ័យ គឺចាប់ផ្តើមពីបន្តិចម្តងៗ។
កំណត់ចំនួនជាក់លាក់ក្នុងគោលដៅ ចែកទៅតាមគោលដៅតូចៗ ពេលគោលដៅតូចៗទាំងនោះបានសម្រច ក៏ជាកត្តាជំរុញយើងបន្តប្រឹងប្រែងទៅមុខទៀត។ ឧទាហរណ៍ បើចាប់ផ្តើមរត់ និងត្រៀមចូលរួមរត់ប្រណាំងចម្ងាយ ៣-៥ គីឡូម៉ែត្រ គួរចាប់ផ្តើមពីយុទ្ធសាស្ត្ររត់ផងដើរផង ធ្វើយ៉ាងណាឲ្យដល់គោលដៅសិន សឹមផ្តើមពង្រឹងល្បឿនតាមអាចធ្វើទៅបាន។ បន្តិចម្តងៗ យើងអាចបង្កើនគោលដៅ និងល្បឿនរហូតឈានទៅដល់គោលដៅ ៥ គីឡូម៉ែត្រតាមពេលវេលាកំណត់។
៣- ថែទាំសុខភាព
រៀបចំកាលវិភាគ សម្រាប់សកម្មភាពសំខាន់ៗផ្សេងទៀត ល្អបំផុត ត្រូវហាត់ប្រាណនៅពេលវេលាដូចគ្នាជារៀងរាល់ថ្ងៃ និយាយឲ្យចំ គឺរៀងរាល់ព្រឹក។ វិធីនេះ យើងអាចសម្របរសនិយមឆ្ពោះទៅរកគោលដៅហាត់ប្រាណ តែត្រូវព្យាយាមបញ្ចូលកាយវិការពេញមួយថ្ងៃ ដើម្បីជួយខ្លួនប្រាណមានចលនាជាងមុន ដូចជាប្រើជណ្តើរជើង ជំនួសជណ្តើរយន្ត ពេលណាហាត់ប្រាណក្លាយទៅជារសនិយមហើយ ប្រាកដលែងខ្ជិលហាត់ប្រាណទៀតដែរ។
៤- បង្កើតទំនាក់ទំនងជាមួយគ្នាយើងចូលចិត្តហាត់ប្រាណ
រាប់អានមិត្តភក្តិជាមួយគ្នាយើងហាត់ប្រាណដូចគ្នា កាន់តែងាយស្រួលសម្រាប់ការហាត់ប្រាណប្រកបដោយភាពរីករាយ។ ត្រូវគិតថាយើងកំពុងហាត់ប្រាណដើម្បីសុខភាព។
៥- កត់ត្រាភាពរីកចម្រើន
គ្នាយើងត្រូវកត់ត្រាភាពរីកចម្រើន ដើម្បីឲ្យដឹងថា អ្វីយើងប្រឹងប្រែងទទួលផល ឬអត់? បែបនេះ នឹងជួយឲ្យព្យាយាមបានកាត់តែយូរអង្វែង។ កត់ត្រាទម្ងន់ប្រចាំសប្តាហ៍ ឬប្រចាំថ្ងៃ និងធ្វើមធ្យមភាគប្រចាំសប្តាហ៍។ មិនមែនគ្រាន់តែចង់បំបែកកំណត់ត្រាចាស់នោះទេ គួរតែអាចជួយកំណត់អត្តសញ្ញាណ ថាយើងអាចធ្វើលើសបានដល់កម្រិតណា៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ប្រយោជន៍នៃការពត់តម្រង់ខ្លួន មិនគួរមើលរំលង
ចុចអាន៖ វិធីហាត់ប្រាណងាយៗចំនួន ៤ ស័ក្ដិសមចំពោះអ្នកចង់ស្រកគីឡូ
-
ព័ត៌មានជាតិ២ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
សេដ្ឋកិច្ច១ សប្តាហ៍ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៥ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ១ សប្តាហ៍ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៦ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៦ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ១ សប្តាហ៍ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ១ សប្តាហ៍ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី