៣ ចំណុចចាំបាច់ត្រូវធ្វើភ្លាមៗ ​បន្ទាប់ជិះឬដើរកាត់ទឹកភ្លៀង

រដូវភ្លៀង ជារដូវដែលមនុស្សងាយធ្លាក់ខ្លួនឈឺជាងគេ ជាពិសេសក្រោយពេលជិះឬដើរកាត់ទឹកភ្លៀងតែ​ម្ដង។

ទោះជាយ៉ាងនេះក្ដី គ្រប់គ្នាអាចការពាខ្លួន មិនឱ្យឈឺផ្ដេសផ្ដាសបាន ដោយត្រូវធ្វើរឿងទាំង ៣ ខាងក្រោម បន្ទាប់ទទឹកភ្លៀង!

១. ផ្លាស់សម្លៀកបំពាក់

ក្រោយត្រូវទឹកភ្លៀង បើមិនចង់ធ្លាក់ខ្លួនឈឺ ត្រូវប្រញាប់ផ្លាស់​សម្លៀកបំពាក់ដែលសើមចេញឲ្យបាន​លឿន។ ​រួចទៅងូតទឹកឱ្យបានឆាប់បំផុត ហើយបើបានងូតទឹក​ក្តៅ​ឧណ្ហៗ រឹតតែល្អ។ ងូតទឹករួចរាល់ សឹមប្តូរសម្លៀកបំពាក់ ដោយហាមដាច់ខាតឈរសម្ងួតខោអាវនៅមុខកង្ហារ។

២. កក់និងជូតសក់ឲ្យស្ងួត

សក់ក៏សំខាន់ចាំបាច់សម្ងួតដែរ។ យល់ល្អកុំទាន់ជូតសម្ងួតយកតែម្ដង តែត្រូវកក់សិន សឹមជូតនឹងកន្សែង ឬប្រើម៉ាស៊ីនផ្លុំសក់ជាក្រោយ។ ហេតុអ្វីត្រូវបែបនេះ? ព្រោះថានៅពេលសក់សើមដោយសារទឹកភ្លៀង ធាតុត្រជាក់នៅជាប់នឹងសរសៃសក់និងស្បែកក្បាល ​ងាយបណ្ដាលឱ្យផ្តាសាយ ឈឺក្បាល ឬហៀរសំបោរជាដើម។

៣. ទទួលទានអាហារក្ដៅៗ

ដើម្បីឱ្យកាន់តែស្រួលខ្លួនឡើងវិញ ក៏ដូចជាបង្ការឈឺថ្កាត់ គួរប្រញាប់ទៅ​រកអាហារ​ក្តៅ​ៗ ​មកទទួលទានភ្លាមៗ ដើម្បីជួយបង្កើនសីតុណ្ហភាព​ក្នុងរាងកាយ។ ប៉ុន្តែមិនឃ្លានទេ ត្រូវរកទឹកក្ដៅឧណ្ហៗមកផឹក ឬធ្វើតែទឹក​ឃ្មុំដាក់ក្រូច​ឆ្មារ​ ក៏ជំនួយសុខភាពបានល្អដែរ។ ផឹកភេសជ្ជៈទាំងនេះអាចជួយឲ្យរាងកាយកក់ក្តៅទ្វេរឡើង ព្រមទាំងជួយប្រឆាំងជំងឺផ្តាសាយទៀតផង៕

ប្រែសម្រួល៖ សន្យា

ប្រភព៖ Healthline

ចុចអាន៖ ភេសជ្ជៈ ៤ មុខជួយពង្រឹងប្រព័ន្ធភាពស៊ាំបានល្អ សក្តិសមបំផុតសម្រាប់រដូវភ្លៀង

ចុចអាន៖ វីតាមីនសំខាន់ៗ ៣ មុខ ជួយពង្រឹងសុខភាពផ្លូវដង្ហើមពីការឆ្លងមេរោគ