ញ៉ាំ​អាហារ​ក្តៅៗ​ដាក់​​ថង់ប្លាស្ទិក ចាន ឬ​ប្រអប់​ស្នោ គ្រោះថ្នាក់​ខ្លាំង​ណាស់

បច្ចេកវិទ្យា​ទំនើប បច្ចុប្បន្ន​ការ​វេច​ខ្ចប់​ចំណី​អាហារ​កាន់​តែ​ទាន់​សម័យ មិន​ប្រើ​ស្លឹក​ចេក ស្លឹក​ឈូក ដូច​ជំនាន់​មុន​នោះ​ទេ ដោយ​ជំនួស​មក​វិញ​នូវ​ការ​ច្រក​ថង់​ប្លាស្ទិក ប្រអប់ ឬ​ចាន​ស្នោ ដែល​ស្រួល​ប្រើ ស្រាល មិន​ព្រួយ​រឿង​ជ្រាប​ទឹក។

ការ​វេច​ខ្ចប់​បែប​ទំនើប​ត្បិត​ជួយ​សម្រួល​ដល់​ការ​រស់នៅ​ប្រចាំ​ថ្ងៃ​ក៏​ពិត​មែន ប៉ុន្តែ​បើ​និយាយ​ពី​ផល​ប៉ះពាល់​វិញ​ធ្ងន់ធ្ងរ​បំផុត ទាំង​ផ្នែក​បរិស្ថាន និង​សុខភាព​។ នេះ​បើ​តាម​ការ​បញ្ជាក់​របស់​លោកវេជ្ជបណ្ឌិត ចាន់ ស៊ីណេត ឯកទេស​ជំងឺ​ទូទៅ។

ជាទូទៅ​ថង់​ប្លាស្ទិក ចាន ឬ​ប្រអប់​ស្នោ ត្រូវ​បាន​គេ​យក​ទៅ​ដាក់​ចំណី​អាហារ មាន​ទាំង​ត្រជាក់ និង​ក្តៅៗ​ទើប​តែ​ចម្អិន​រួច។ កាលណា​ចំណី​អាហារក្តៅៗ​ដែល​ចម្អិន រួច​មក​ដាក់​ក្នុង​ថង់ ឬ​ប្រអប់​ស្នោ​នោះ វា​នឹង​បញ្ចេញ​សារធាតុគី​មី ម្យ៉ាង​ឈ្មោះ Polyvinyl chloride polyethylene, Polystyrene Biphenol A Polybrominated Diphenyl ether និង​ Tetrabromobisphenol A ច្រើន​រហូត​ទៅ​ដល់ ៥៥ ដង នៅ​ពេល​យើង​ដាក់​វា​ក្នុង​របស់​ក្តៅ​នឹង​ចេញ​​ទៅ​​ចំណី​អាហារ ដែល​​ជាតិ​​ពុល​​ទាំង​នោះ​​ប៉ះពាល់​ដល់​សុខភាព​ខ្លាំង​ណាស់ អាច​ឲ្យ​យើង​ប្រឈម​នឹង​ជំងឺ​ច្រើន​មុខ ដូចជា មហារីកបំពង់ក ជំងឺ​លើស​ឈាម មហារីក បេះដូង តម្រង​នោម និង​អត់​មាន​កូន ជាដើម។

ចូលរួម​​ថែរក្សា​​បរិស្ថាន បញ្ចៀស​មិន​ឲ្យ​ខូច​សុខភាព ដូច្នេះ​​យើង​កុំ​ដាក់​របស់​ញ៉ាំ​នៅ​ថង់ ឬ​ស្នោឲ្យ​សោះ អាចជំនួសមកវិញនូវចាន ឬស្រាក់ ធ្វើអំពីដែក ឬថ្ម ហើយ​ប្រសិន​បើ​ចំណី​អាហារ​ដែល​គោកៗ​អាច​ខ្ចប់​ស្លឹក​ចេក ឬ​ស្លឹក​ឈូក។ លោក​វេជ្ជបណ្ឌិត ចាន់ ស៊ីណេត បញ្ជាក់៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ពិត​អត់ ប្រើទុយោ​បឺត​ភេសជ្ជៈ ប៉ះពាល់​សុខភាព​យើង?

ចុចអាន៖ មួយ​សប្តាហ៍​ មនុស្ស​ស្រូប​​​ធាតុ​ប្លាស្ទិក​ទាំង​មិន​ដឹង​ខ្លួន ស្មើ​កាត​ ATM មួយ​សន្លឹក