សុខភាព

អ្នកចូលចិត្តកាហ្វេ និងស្រា មិនមែនដោយសារ រសជាតិទេ តែមានហេតុផល ១ទៀត

បានផុស

៥ years មុន

នៅ

ថ្ងៃពុធ ៨ កញ្ញា ២០២១

ដោយ

ព្រឹកឡើងមិនទាន់គ្នាយើងខ្លះ ច្បាស់ជានឹកមុនគេ និងទៅរកកាហ្វេដាក់មួយភ្លាម ជួនកាលមុនបាយព្រឹកទៀតណោះ ហើយខ្លះទៀតល្ងាចឡើង ក៏ច្រើនតែហៅទៅជុំៗគ្នា រកស្រាបៀរ ១ ឬ ២យួរ កាត់ស្ដ្រេសការងារ ពេលថ្ងៃ។ តែមនុស្សចូលចិត្ត កាហ្វេ និងស្រាបៀរ មិនមែនដោយសាររសជាតិរបស់វានោះទេ។

អ្នកវិទ្យាសាស្រ្ត នៅសាកលវិទ្យាល័យ Northwestern របស់សហរដ្ឋអាមេរិក ធ្វើការសិក្សាមួយ និងរកឃើញថា មនុស្សចូលចិត្តកាហ្វេ និងស្រា មិនមែនដោយសាររសជាតិនោះទេ តែដោយសាររបៀបដែលកាហ្វេ និងស្រា ធ្វើឲ្យពួកគេមានអារម្មណ៍។

ការសិក្សានេះ អ្នកស្រាវជ្រាវ សិក្សាលើហ្សែនទាំងមូល ពាក់ព័ន្ធជាមួយការញ៉ាំភេសជ្ជៈល្វីង និងភេសជ្ជៈផ្អែម និងស្វែងរកបម្រែបម្រួលក្នុងហ្សែនរសជាតិ ដែលអាចបកស្រាយពីភេសជ្ជៈចំណូលចិត្តរបស់មនុស្ស។ លទ្ធផល បង្ហាញថា ចំណូលចិត្តភេសជ្ជៈរសជាតិល្វីង ឬផ្អែម មិនអាស្រ័យលើបម្រែបម្រួលហ្សែនរសជាតិទេ ប៉ុន្ដែពាក់ព័ន្ធទៅនឹងលក្ខណៈចិត្តសាស្ត្រ នៃភេសជ្ជៈ។

ការសិក្សានេះ ធ្វើឡើងលើមនុស្ស ៣៣៦.០០០នាក់ ដោយប្រមូលទិន្នន័យពីមជ្ឈមណ្ឌលស្រាវជ្រាវសុខាភិបាលចក្រភពអង់គ្លេស Biobank។

លោកស្រី Marilyn Cornelis សាស្ត្រាចារ្យ នៅសាលាឱសថ Feinberg នៃសាកលវិទ្យាល័យ Northwestern បញ្ជាក់ថា ហ្សែនកំណត់ចំណូលចិត្ត ពាក់ព័ន្ធជាមួយសារធាតុផ្សំជាលក្ខណៈចិត្តសាស្ត្រ នៅក្នុងភេសជ្ជៈ។ ដូច្នេះហើយ មនុស្ស ចូលចិត្តរបៀបដែលកាហ្វេ និងស្រា ធ្វើឲ្យពួកគេមានអារម្មណ៍។ នេះជាមូលហេតុ ដែលពួកគេផឹកវា មិនមែនដោយសាររសជាតិនោះទេ៕

អត្ថបទផ្ដល់ដោយ៖ Hello Krupet

ចុចអាន៖ប្រយ័ត្នទាំងអស់គ្នា ជំងឺ ៧ មុខនេះកើតញឹកញាប់នៅខែភ្លៀង

ចុចអាន៖ផឹកទឹកផ្លែឈើស្រស់លើសកម្រិតពេក មិនល្អ ហើយឆាប់ស្លាប់