សុខភាព
ចម្អិនអាហារឱ្យកូន ម៉ាក់ៗត្រូវគិតលើ ៣ចំណុចនេះជាសំខាន់
កូនដល់អាយុត្រូវញ៉ាំអាហារ ម៉ាក់ៗច្បាស់ជាខ្វាយខ្វល់អំពីការរៀបចំចំណីអាហារសម្រាប់កូន តើគួរផ្តល់អាហារប្រភេទណាខ្លះទើបកូនញ៉ាំទៅមានសុខភាព? ដើម្បីជាគន្លឹះខ្លះៗ អត្ថបទនេះយនឹងប្រាប់ចំណុចសំខាន់ ៣ ដែលម៉ាក់ៗចាំបាច់ត្រូវអនុវត្តក្នុងការចម្អិនអាហារឲ្យកូនរាល់ថ្ងៃ។
១- ចម្រុះមុខ
ចម្រុះមុខមានន័យថា មុខម្ហូបសម្រាប់កូន១ពេលៗ ត្រូវតែមាន ត្រី/សាច់ ស៊ុត និងបន្លែលាយគ្នា មានទាំងបន្លែបៃតង មានទាំងបន្លែពណ៌លឿង ចៀសវាងឲ្យកូនញ៉ាំតែសាច់សុទ្ធ ឬបន្លែសុទ្ធ។ កាលណាម៉ាក់ប៉ាឲ្យកូនញ៉ាំអាហារចម្រុះមុខ ពួកគេនឹងទទួលបានជីវជាតិគ្រប់គ្រាន់ ពោះវៀនដំណើរបានល្អ មិនទល់លាមក។
២- កំណត់បរិមាណស្ករ
កូនក្មេងត្រូវការបរិមាណស្ករតិចតួចបំផុត ព្រោះតម្រងនោមទារកនៅតូច ហើយខ្ចី កំពុងស្ថិតក្នុងដំណាក់កាលលូតលាស់ ការញ៉ាំអាហារផ្អែមខ្លាំង ឬញ៉ាំភេសជ្ជៈផ្អែមៗ កូននឹងលើសគីឡូទៅជាធាត់ទាំងវ័យក្មេង ហើយងាយនឹងរងផលវិបាកទៅថ្ងៃក្រោយ កើតជំងឺទឹកនោមផ្អែម លើសឈាម និងខូចតម្រងនោម។
៣- កាត់បន្ថយអំបិល
កូនក្មេងមិនត្រូវញ៉ាំប្រៃនោះ ព្រោះតម្រងនោមនៅក្នុងដំណាក់កាលលូតលាស់នៅឡើយ បើសិនជាកូនបៅដោះម្តាយនោះគេទទួលបានបរិមាណសូដ្យូមគ្រប់គ្រាន់ពីទឹកដោះម្ដាយហើយ។
បើសិនម៉ាក់ៗឲ្យកូនញ៉ាំប្រៃពេក កូនអាចមានបញ្ហាតម្រងនោម ខ្សោះជាតិទឹកក្នុងខ្លួន ហើមខ្លួន ឆាប់ពុកឆ្អឹង និងធ្មេញ។
– ក្មេងអាយុក្រោម ១ឆ្នាំ ត្រូវការអំបិល តិចជាង ១ ក្រាម/ថ្ងៃ
– ក្មេងអាយុ ១-៣ ឆ្នាំ ត្រូវការអំបិល ២ ក្រាម/ថ្ងៃ
– ក្មេងអាយុ ៤-៦ ឆ្នាំ ត្រូវការអំបិល ៣ ក្រាម/ថ្ងៃ
– ក្មេងអាយុ ៧-១០ ឆ្នាំ ត្រូវការអំបិល ៥ ក្រាម/ថ្ងៃ
– ក្មេងអាយុ ១១ ឆ្នាំឡើង ត្រូវការអំបិល ៦ ក្រាម/ថ្ងៃ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ឱ្យកូនក្មេងញ៉ាំបួស ប៉ះពាល់សុខភាពដែរអត់?
ចុចអាន៖ ចំណុច ៤ យ៉ាង ម៉ាក់ប៉ាគួរពិនិត្យមើលឡើងវិញ បើកូនងាកឈឺៗ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)