អូមីក្រុង ស៊េរីថ្មី BA.2.2 មកក្បែរ កម្ពុជា ហើយ (មានវីដេអូ)

ប្រទេស​ថៃ​ បាន​រក​ឃើញវីរុសកូវីដបំប្លែងខ្លួន អូមីក្រុង ប្រភេទថ្មី BA.2.2 ចំនួន៤ករណីហើយ។

អគ្គនាយកនៃនាយកដ្ឋានវិទ្យាសាស្ត្រវេជ្ជសាស្ត្រ លោកវេជ្ជបណ្ឌិត Supakit Sirilak បាននិយាយថា មេរោគនេះ ដែលគេរាយការណ៍ជាលើកដំបូងនៅទីក្រុងហុងកុង គឺត្រូវបានរកឃើញក្នុងខ្លួនជនបរទេសម្នាក់ និងជនជាតិថៃ ៣នាក់។

ទោះបីជាយ៉ាងណាក៏ដោយ លោក​បាន​ជំរុញ​ឲ្យ​សាធារណជនកុំភ័យស្លន់ស្លោ ព្រោះ​ជំងឺ​ប្រភេទ​ថ្មី​នេះ ​មិនទាន់​ត្រូវបាន​ចាត់ទុកថា​ជាវីរុសបំប្លែងខ្លួនគួរឲ្យព្រួយបារម្ភ​នៅឡើយទេ​។

នាពេលបច្ចុប្បន្ននេះ ក៏មានទាន់មានព័ត៌មានគ្រប់គ្រាន់ដើម្បីវាយតម្លៃពីភាពធ្ងន់ធ្ងរ ឬសមត្ថភាពឆ្លងរបស់វាដែរ។

លោកបញ្ជាក់ថា វាឆាប់ពេកក្នុងការសន្និដ្ឋានថា BA.2.2 អាចរីករាលដាលលឿន ឬធ្ងន់ធ្ងរជាងវីរុសបំប្លែងខ្លួនផ្សេងទៀត៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Bernama

ចុចអាន៖ អ្នកវិទ្យាសាស្រ្តបារម្ភខ្លាំង! អូមីក្រុង ស៊េរីថ្មី មានអត្រាមរណភាពខ្ពស់ កំពុងផ្ទុះរាលដាល