សុខភាព

គោលការណ៍១០យ៉ាង អ្នកលេងកីឡា ឬហាត់ប្រាណ ត្រូវតែគោរព

បានផុស

៦ years មុន

នៅ

ថ្ងៃព្រហស្បតិ៍ ២៩ តុលា ២០២០

ដោយ

មុនសម្រេចលេងកីឡាប្រភេទណាមួយ ត្រូវគួរពិនិត្យសុខភាពជាមុនសិន។ ជាពិសេស សុខភាពបេះដូង( Cardiologie du sport ) និងសួត។ ស្ថានភាពពសុខភាពខ្លះ អាចបង្កនូវហានិភ័យភ្លាមៗបាន នៅពេលលេង ឬពេលហាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខាងក្រោមនេះ ជាគោលការណ៍១០យ៉ាង ត្រូវតែគោរព ដើម្បីកាត់បន្ថយនូវហានិភ័យអំឡុងពេលលេងកីឡា ឬហាត់ប្រាណ ៖
១) សូមពិគ្រោះជាមួយវេជ្ជបណ្ឌិតជាបន្ទាន់ អំឡុងពេល ឬក្រោយពេលហាត់ ឬលេងកីឡា បើសិនជាមានអាការៈឈឺដើមទ្រូង (Douleur thoracique) ឫក៏ហត់ខុសពីធម្មតា (essoufflement anormal)
២) សូមពិគ្រោះជាមួយវេជ្ជបណ្ឌិតជាបន្ទាន់ករណីមានញ័រដើមទ្រូង
៣) និងពិគ្រោះជាមួយវេជ្ជបណ្ឌិតជាបន្ទាន់ ករណីមានអាការៈងងឹតមុខ ឬខ្យល់គរ
៤) ត្រូវកម្ដៅសាច់ដុំមុនរាល់ពេលហាត់ប្រាណ ឬលេងកីឡា
៥) ត្រូវពិសាទឹកឲ្យបានសមរម្យ រាល់ពេលហាត់ប្រាណ ឬលេងកីឡា៣០នាទី
៦) កន្លែងហាត់ប្រាណ ឬលេងកីឡា មិនត្រូវត្រជាក់ពេក (-5 អង្សា) ឬជាមួយក្ដៅពេក លើសពី (35 អង្សា)
៧) មិនត្រូវពិសាបារី ២ម៉ោងមុន ឬក្រោយ ហាត់ប្រាណ ឬលេងកីឡា
៨) ចៀសវាងប្រើថ្នាំជំនួយកម្លាំង (Substance dopante)
៩) ពេលមានគ្រុនក្ដៅ ឬជំងឺផ្ដាសាយ ត្រូវផ្អាកជាបណ្ដោះអាសន្នក្នុងការលេងកីឡា ឬហាត់ប្រាណ
១០) ត្រូវពិនិត្យសុខភាពជាមុនសិន មុន និងទៅលេងកីឡាកម្រិតធ្ងន់ប្រភេទណាមួយ។

ប្រសិនបើមានរោគសញ្ញា ឬអាការៈដូចបានជម្រាបជូនខាងលើ ឬមានបំណងទទួលបានព័ត៌មានលំអិតបន្ថែម និងដើម្បីបន្ថយហានិភ័យដល់អាយុជីវិត សូមលោកអ្នកមកជួបពិគ្រោះជាមួយគ្រូពេទ្យជំនាញឯកទេស នៃមន្ទីរពេទ្យកាល់ម៉ែត ដើម្បីទទួលបានការប្រឹក្សាប្រកបដោយប្រសិទ្ធភាពខ្ពស់៕

អត្ថបទ ៖ រស្មី

ចុចអាន៖សារៈប្រយោជន៍នៃការឈប់ពិសាបារី!

ចុចអាន៖ដឹងទេ! ក្រោយឆ្កែឆ្កួតខាំប៉ុន្មានថ្ងៃទើបអាចស្លាប់?

Related Topics:លំហាត់ប្រាណ