KPT+

ខែសម្បូរភ្លៀង មកដឹងពីចំណុចគួរចៀសវាង និង គួរធ្វើពេលមានផ្លេកបន្ទោរ ផ្គរ រន្ទះ

បានផុស

៥ years មុន

នៅ

ថ្ងៃសុក្រ ២៧ សីហា ២០២១

ដោយ

មុនឬពេលកំពុងភ្លៀងធ្លាក់ច្បាស់ជាមានផ្លេកបន្ទោរ ផ្គរ រន្ទះ អមមកជាមួយ ដែលនេះជាបាតុភូតធម្មជាតិ។ យើងត្រូវតែប្រុងប្រយ័ត្នចំពោះបាតុភូតធម្មជាតិទាំងនោះ ព្រោះវាអាចបង្កគ្រោះថ្នាក់ដល់យើង ធ្វើឲ្យរបួស ឬស្លាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីបង្ការគ្រោះថ្នាក់ដែលបង្កឡើងដោយផ្លេកបន្ទោរ ផ្គរ រន្ទះ យើងចាំបាច់ត្រូវដឹងតិចនិកបង្ការជាមុន។ ខាងក្រោមនេះជាប្រការគួរធ្វើ និងប្រការគួរចៀសវាងនៅពេលមានផ្លេកបន្ទោរ ផ្គរ ឬរន្ទះ ដែលរៀបរៀងដោយ នាយកដ្ឋានឧតុនិយម នៃក្រសួងធនធានទឹក និងឧតុនិយម។

១- ប្រការគួរធ្វើ

– ត្រូវបន្ទន់ខ្លួន៖ បើសិនជាពេលភ្លៀងធ្លាក់ មានផ្លេកបន្ទោរ ផ្គរ ឬរន្ទះ តែចៃដន្យយើងនៅខាងក្រៅ ឬនៅក្រោមបង្គោលភ្លើងនោះ ត្រូវប្រញាប់បន្ទន់ខ្លួន ដោយបញ្ឈរជង្គង់ទាំង២ជិតគ្នា និងយកដៃខ្ទប់ត្រចៀកទាំងសងខាង។

– ត្រូវរត់ចេញពីទឹក ឬស្រែ៖ នៅទីវាលដែលគ្មានដើមឈើ ពិសេសវាលស្រែងាយនឹងមានរន្ទះបាញ់ណាស់ ដូច្នេះបើយើងកំពុងស្ថិតនៅទីនោះ ត្រូវរត់ចេញពីទឹក ឬស្រែជាបន្ទាន់ ទើបមិនគ្រោះថ្នាក់ដល់ជីវិត។

– ត្រូវនៅក្នុងផ្ទះ ឬរត់ចូលផ្ទះជាប្រញាប់៖ នៅក្នុងផ្ទះមានសុវត្ថិភាពបំផុត ដូច្នេះត្រូវប្រញាប់រត់ចូលក្នុងផ្ទះដើម្បីបង្ការរន្ទះ។

– មិនត្រូវប៉ះចង្កូត ឬទ្វារឡាន៖ នៅក្នុងឡានពេលមានភ្លៀងមានរន្ទះក៏សុវត្ថិភាពដែរ តែយកល្អយើងគួរឈប់ឡាន និងមិនត្រូវប៉ះចង្កូត ឬទ្វារឡាននោះទេ។