សង្សារ​ក៏​ដោយ ​ប្ដីប្រពន្ធ​ក៏​ដោយ អាច​បែក​គ្នា ​បើ​ធ្វើ​រឿង​ ៨យ៉ាង​នេះ
Connect with us
Helistar Cambodia - Helicopter Charter Services

KPT+

សង្សារ​ក៏​ដោយ ​ប្ដីប្រពន្ធ​ក៏​ដោយ អាច​បែក​គ្នា ​បើ​ធ្វើ​រឿង​ ៨យ៉ាង​នេះ

បានផុស

នៅ

ទម្លាប់តូចៗប្រចាំថ្ងៃអាចបំផ្លាញជីវិតជាសង្សារ ឬ ប្ដីប្រពន្ធយើងបាន ដល់ថ្នាក់លែងនិយាយរកគ្នា ពាក់មុខយក្សដាក់គ្នា ឬលែងលះគ្នាក៏មាន បើអស់ទ្រាំ។ ដើម្បីចៀសវាងរឿងនេះ កុំធ្វើរឿង ៨ យ៉ាងខាងក្រោម៖

១- និយាយដើមដៃគូ

ពិសេសស្រីៗអាចមានទម្លាប់នេះ នៅពេលពួកគេនៅជាមួយមនុស្សដែលចូលចិត្តនិយាយដើមគេ។ ភាគច្រើនមិនសូវសម្បូររឿងល្អប៉ុន្មានទេ។ គ្នាយើងខ្លះ សេពគប់ ឬមានអ្នកស្គាល់គ្នា (ស៊េរីទំនេរមិនបាន ជុំគ្នាស៊ីត្រាវ) ចាត់ចូលជាចំណុចអត់ល្អ។

២- គិតតែចំណុចខ្សោយ

ការប្រៀបធៀបដៃគូរបស់ខ្លួនទៅបុគ្គលផ្សេង សង្សារ ឬប្ដី/ប្រពន្ធរបស់មិត្តភ័ក្ដិ រកតែចំណុចអាក្រក់ ជាការសន្សំរឿងល្អក់កករក្នុងចិត្ត ហើយថ្ងៃណាមួយនឹងផ្ទុះជាជម្លោះជាមិនខាន។ បើដឹងខ្លួន មានទម្លាប់បែបនេះ គួរប្ដូរវាចេញ ព្រោះវាមានជះឥទ្ធិពលប្រេះឆាដល់អនាគត (ឬគ្រួសារ) ដែលយើងមានផែនការរស់នៅជាមួយគ្នាយូរ។

៣- មិនដែលគិតពីអារម្មណ៍ដៃគូ

រឿងអាក្រក់នរណាក៏មាន ខុសត្រង់ថា តិច ឬច្រើនប៉ុណ្ណោះ។ ពេលសម្រេចចិត្តនៅជាមួយគ្នា គឺបែងចែកខ្លួនពាក់កណ្ដាលទៅឲ្យដៃគូ មិនថា ពេលវេលា ឬចំណូលចិត្ត។ ស្វែងយល់ពីគ្នា ព្យាយាមលះបង់ឲ្យច្រើនតាមដែលអាចធ្វើបាន ដើម្បីសុភមង្គលថ្ងៃក្រោយ។ កើតជំងឺតួឯក ឬគិតតែខ្លួនឯងពេក ជាសញ្ញាប្រាប់ថា ត្រៀមរស់នៅម្នាក់ឯងឲ្យហើយទៅ បើមិនកែ។

៤- ចាប់ផ្ដើមឈ្លោះវាយតប់

When You're Not Feeling Safe in a Relationship ⋆ Colorado Marriage Retreats

ស្រីៗទំនងជាសម្បូរបញ្ហាលើកឡើងជាងបុរស។ បុរសចង់ឲ្យស្ថានការណ៍ស្ងប់ស្ងាត់ ពេលស្រីៗធ្វើអ្វីតាមអារម្មណ៍នឹកឃើញ ដូចជាចង់ស្រែក ឬប្រើពាក្យសម្ដីធ្ងន់ៗដែលអាចបង្កជម្លោះ។ ការហ៊ានលើកដៃ លើកជើង យកឈ្នះចាញ់ ភាគច្រើនក៏មិនអាចទ្រាំទ្រនៅជាមួយគ្នាបានដែរ។

៥- ពាក្យសម្ដី

ឈ្លោះគ្នា ឬប៉ះទង្គិច ចាប់ផ្ដើមពីពាក្យសម្ដីទ្រគោះបោះបោក ជេរជាដើម មុនឈានដល់ហិង្សា។ អ្នកខ្លះគេប្រកាន់ណាស់ ព្រោះសម្ដីវាធ្ងន់ជាងវាយទៀត។ ត្រូវចេះគ្រប់គ្រងខ្លួនឯង កុំបណ្ដោយឲ្យសម្ពាធ ឬកំហឹងមួយឆាវ បំផ្លាញក្ដីស្រឡាញ់ដែលខំសាងជាយូរ។

៦- មុខក្រញូវមិនលស់

3,274 Asian Couple Arguing Stock Photos, Pictures & Royalty-Free Images -  iStock

ទោះបីព្យាយាមធ្វើចិត្តឲ្យត្រជាក់ តែរាងកាយមិនស្ដាប់យើង ហើយនៅតែបន្តទឹកមុខមិនល្អ លាក់បាំងអារម្មណ៍ពិត ហាក់ដូចជាទាត់ចោលនូវពេលវេលាយោគយល់គ្នារវាងដៃគូ។ ពេលខ្លះញញឹមមិនចេញ ក៏ត្រូវញញឹមដែរ។

៧- មិនឈ្លោះទាល់តែសោះ

បើមានបញ្ហាអ្វីមួយអាក់អន់ស្រពន់ចិត្ត ហើយមិនលើកឡើងទេ បញ្ហាទំនាក់ទំនងនឹងកាន់តែឆ្ងាយទៅៗ។ យកល្អ គួរលើកបញ្ហាមកដោះស្រាយជាជាងទុកវាឲ្យធ្ងន់ធ្ងរ។

៨- ទុកបញ្ហាចោលមិនដោះស្រាយ

992 Asian Cheating Wife Stock Photos, Pictures & Royalty-Free Images -  iStock

ទុកបញ្ហាចោលយូរពេកមិនដោះស្រាយ អាចជំរុញឲ្យធ្លាក់ក្នុងបញ្ហារឹតតែធ្ងន់ធ្ងរ ដូចនេះត្រូវចេះប្រឈមនឹងបញ្ហាជាបន្ទាន់។

គ្រាន់តែថា ករណីបញ្ហាខ្លះត្រូវការពេលដោះស្រាយប៉ុណ្ណោះ។ អ៊ីចឹង យើងត្រូវរង់ចាំយូរបន្តិច ដើម្បីឱ្យអ្វីៗវិលត្រលប់មកវិញ។ សំខាន់ជាងគេ ភាគីទាំងសងខាងត្រូវមានឆន្ទៈជួយសង្គ្រោះទំនាក់ទំនង ឬអាពាហ៍ពិពាហ៍របស់ខ្លួនឡើងវិញ ពោលគឺចង់នៅជាមួយគ្នា៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ “ស្នេហា” មានគុណប្រយោជន៍ស្ទើរមិនគួរឲ្យជឿ

ចុចអាន៖ គុណសម្បត្តិ ៣យ៉ាងនៃស្នេហាខុសជំនាន់ ឬរៀបការជាមួយដៃគូអាយុច្រើនជាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services