KPT+

ហាត់យូហ្គាត្រឹមត្រូវ អាចបញ្ចុះសម្ពាធឈាម និងបំបាត់ស្រ្តេស យ៉ាងមានប្រសិទ្ធភាព

បានផុស

៣ years មុន

នៅ

ថ្ងៃពុធ ២០ តុលា ២០២១

ដោយ

Sonya

គ្នាយើងប្រាកដជាដឹងខ្លះហើយ ហាត់យូហ្គា មានប្រយោជន៍ច្រើនចំពោះសុខភាព ហើយបើហាត់បានត្រឹមត្រូវ និងដឹងពីតិចនិកបន្ថែមទៀតនោះ កាន់តែប្រសើរសម្រាប់សុខភាព។

Healthy Asian Yoga Woman Sitting in Lotus Position and Smiling by Teraphim

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាម លោកស្រីវេជ្ជបណ្ឌិត Stacy Hunter ប្រធានផ្នែកសិក្សាបេះដូង និងសរសៃឈាម នៃសាកលវិទ្យាល័យរដ្ឋតិចសាស់ របស់អាមេរិក បានបង្ហាញលទ្ធផលសិក្សាថ្មី ឃើញថា គ្នាយើងហាត់យូហ្គា នៅសីតុណ្ហភាពក្តៅល្មម ពោលក្នុងបរិស្ថានមានកម្តៅ ៤០អង្សារសេ នឹងទទួលបានប្រយោជន៍សុខភាពច្រើន ពិសេសអាចជួយបញ្ចុះសម្ពាធឈាម បន្ថយហានិភ័យជំងឺបេះដូង កម្ចាត់ភាពស្រេ្តស និងស្រកទម្ងន់។

Healthy Asian Yoga Woman Doing Yoga in Tree Pose at Home by Teraphim

លទ្ធផលបានបង្ហាញបែបនេះ បន្ទាប់ពីក្រុមស្រាវជ្រាវ ដឹកនាំដោយ លោកស្រី Stacy Hunter បានតាមដានលើគ្នាយើងមួយចំនួន មានវ័យពី ២០–៦៥ ឆ្នាំ ដោយប្រើពេលហាត់ប្រមាណ ១២សប្តាហ៍ ទើបទទួលបានលទ្ធផលប្រសើរបែបនោះ។ តែទោះយ៉ាងណា លោកស្រីវេជ្ជបណ្ឌិត នៅតែអះអាងថា នេះគ្រាន់តែជាលទ្ធផលបឋមតែប៉ុណ្ណោះ ពោលត្រូវការ ការសិក្សាបន្ថែមទៀត ទើបហ៊ានអះអាងដោយទំនុកចិត្តទៅលើការហាត់យូហ្គាក្នុងសីតណ្ហភាពក្តៅល្មម អាចទទួលបានប្រយោជន៍ល្អទាំងនោះ។

healthy asian yoga woman practicing stretching pose at home Stock Video Footage - Storyblocks

ជាមួយគ្នានេះដែរ មានការលើកឡើងពីក្រុមអ្នកជំនាញពីសាកលវិទ្យាល័យWisconsin-La Crosse ចំពោះគ្នាយើងហាត់យូហ្គា ដូចខាងលើថា គប្បីផឹកទឹកឲ្យបានគ្រប់គ្រាន់ ទាំងមុន និងក្រោយពេលហាត់ ព្រោះវិធីហាត់ក្នុងសីតណ្ហភាពក្តៅ ប្រសិនបើយើងមិនធ្លាប់ហាត់ និងពិបាកប្រឈមជាមួយសីតណ្ហភាពក្តៅទាំងខាងក្រៅ និងក្នុងខ្លួន។ ដូចនេះផឹកទឹកឲ្យបានច្រើន រាងកាយទទួលសំណើមគ្រប់គ្រាន់ មុនពេលហាត់ប្រាណប្រភេទនេះ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ខ្លាចបាក់ទឹកចិត្ត គួរស្វែងរកសន្តិភាពផ្លូវចិត្តពីសមាធិ និងយូហ្គា

ចុចអាន៖ អាថ៌កំបាំងពិសេស អាចជួយយើងហាត់ប្រាណជោគជ័យ