ពាក់ខ្សែពត់ធ្មេញក្លែងក្លាយ អាចបង្កផលប៉ះពាល់សុខភាពទាំងនេះ
Connect with us
Helistar Cambodia - Helicopter Charter Services

KPT+

ពាក់ខ្សែពត់ធ្មេញក្លែងក្លាយ អាចបង្កផលប៉ះពាល់សុខភាពទាំងនេះ

បានផុស

នៅ

ស្ទីលពាក់ខ្សែពត់ធ្មេញក្លែងក្លាយ​ បានក្លាយជាការពេញនិយមរបស់យុវ័យមួយចំនួន។ ការ​ពាក់​ខ្សែ​ពត់​ធ្មេញ​ក្លែង​​ក្លាយ​អាច​បង្ក​ផល​ប៉ះ​ពាល់​ ដល់​សុខ​ភាព​ធ្មេញ​។ តើស្ទីលពាក់ខ្សែពត់ធ្មេញក្លែងក្លាយផ្តល់​ផល​ប៉ះពាល់អ្វីខ្លះ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្សែពត់ធ្មេញក្លែងក្លាយធ្វើឡើងពីខ្សែដែលមានដង្កៀបដូចដែកពត់ធ្មេញពិត​ប្រាកដអ៊ីចឹង។ ខ្សែនេះ​នឹង​ត្រូវបានបិទពីលើធ្មេញ បន្ទាប់មកត្រូវរុំ​ព័ទ្ធ​ជុំវិញថ្គាមខាងក្រោយ​ដើម្បីភ្ជាប់​វាឱ្យនៅ​ជាប់​មួយ​កន្លែង។

យោងតាមអ្នកជំនាញនៅ ជុំវិញពិភពលោក ការពាក់ខ្សែពត់ធ្មេញក្លែង​ក្លាយ​​​​បណ្តាល​ឱ្យ​៖

១. ពុល

ខ្សែពត់ធ្មេញក្លែងក្លាយត្រូវបានផលិតចេញពីវត្ថុធាតុដើមក្នុង​តម្លៃ​ថោកដែលអាចធ្វើឱ្យពុលបាន​។ វត្ថុធាតុ​ដើម​ទាំងនោះមានដូចជា ជ័រកៅស៊ូចម្រុះពណ៌ និង​លោហធាតុដែលផ្ទុកសារធាតុសំណ។ ក្នុងករណី​ខ្លះពួកវាអាចបណ្តាលឱ្យមានគ្រោះថ្នាក់ដល់ជីវិតទៀតផង។

២. ធ្មេញពុក និងប្រែពណ៌

ខ្សែពត់ធ្មេញក្លែងក្លាយត្រូវបានភ្ជាប់នឹងធ្មេញដោយប្រើកាវបិទធ្មេញ​តម្លៃថោកៗ​ដែលបណ្តាលឱ្យខូចកាចាធ្មេញយ៉ាងធ្ងន់ធ្ងរ។ កាវនេះអាចជ្រាបជ្រៅចូលទៅក្នុងធ្មេញ និងបណ្តាលឱ្យធ្មេញប្រែពណ៌។

៣. ស្លាក់

នៅពេលដែលយុវ័យពាក់ខ្សែពត់ធ្មេញក្លែងក្លាយដោយខ្លួនឯង សម្ភារៈ​ដែលជាប់នឹង​ខ្សែពត់ធ្មេញ​ក្លែងក្លាយ​អាចរលុង និងធ្លាក់ចូលក្នុងបំពង់ខ្យល់ ជាពិសេសនៅពេលពួកគេកំពុងគេងដែលអាច​បណ្តាលឱ្យស្លាក់បាន​។

៤. រលាក និងឆ្លងមេរោគ

ការពាក់ខ្សែពត់ធ្មេញក្លែងក្លាយមានហានិភ័យខ្ពស់ក្នុងការធ្វើឱ្យរលាក និងឆ្លងមេរោគនៅក្នុងមាត់។ ក្នុងករណីខ្លះអាចបណ្តាលឱ្យឆ្លងមេរោគធ្ងន់ធ្ងរ ដែលអាចត្រូវការធ្វើការវះកាត់​ដើម្បីបញ្ឈប់​ការរីក​រាល​ដាលទៀតផង។

៥. ធ្មេញប្តូរទីតាំង

ការពាក់ខ្សែពត់ធ្មេញក្លែងក្លាយអាចធ្វើឱ្យធ្មេញប្តូរទីតាំង។ វាអាចធ្វើឱ្យធ្មេញ​​កោង​ ឬវៀចជាង​មុនទៅ​ទៀត​។

ការពាក់ខ្សែពត់ធ្មេញក្លែងក្លាយញឹកញាប់អាចបណ្តាលឱ្យមានគ្រោះថ្នាក់ និង​ប៉ះពាល់ដល់​សុខភាព​អ្នកពាក់។ នៅក្នុងប្រទេសថៃមានយុវ័យ ២ នាក់ស្លាប់ដោយសារការការពាក់ខ្សែពត់ធ្មេញ​ក្លែងក្លាយ​៕

អត្ថបទផ្ដល់ដោយ៖ Hello Krupet

ចុចអាន៖របៀបទប់ទល់ និងកម្ចាត់ជំងឺមាត់ធ្មេញ ឧស្សាហ៍ កើត ៥ ប្រភេទ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៣ ម៉ោង មុន

បន្ទាន់!! និស្សិត​ច្បាប់​ម្នាក់ យក​កាំភ្លើង​អង្គរក្ស​​ឧកញ៉ាហុង ពីវ​ ​សម្លាប់ខ្លួន​ផ្អើល​ទាំង​យប់

សន្តិសុខសង្គម៣ ម៉ោង មុន

រដ្ឋបាល​ស្រុក​បាណន់ បានដាក់​ឱសានវាទ​រយៈ​ពេល​៧​ថ្ងៃ ដល់​អ្នករំលោភ​ដី​បឹង វាយរបង​ថ្ម និង​កាយ​អាចម៍ដី​ចេញ​ឲ្យ​អស់

ព័ត៌មានជាតិ៣ ម៉ោង មុន

លោក ជិន ម៉ា​លីន ត្រូវ​បានចាត់តាំង​ជា​សមាជិក​យុវជន​ថ្នាក់កណ្ដាល និង​ជា​ប្រធាន​ក្រុមការងារ​យុវជន​បក្ស​ក្រសួងយុត្តិធម៌

ចរាចរណ៍៣ ម៉ោង មុន

រថយន្ត​បី​គ្រឿង​បុក​ត​កន្ទុយ​គ្នា​ បណ្តាល​ឱ្យ​រង​ការខូចខាត

ចរាចរណ៍៣ ម៉ោង មុន

រថយន្ត​ព្រលះ​ម៉ូតូ​ពេញទំហឹង ស្លាប់​២​នាក់ រួច​បើក​រត់គេច​បាត់ស្រមោល

Sokha Hotels

ព័ត៌មានពេញនិយម

Helistar Cambodia - Helicopter Charter Services