KPT+

រោគសញ្ញា ៥ លើរាងកាយ អាចមើលឃើញដោយភ្នែក និងបញ្ជាក់ថា អ្នកកំពុងមានជំងឺផ្លូវចិត្ត

បានផុស

៤ years មុន

នៅ

ថ្ងៃព្រហស្បតិ៍ ១៧ មីនា ២០២២

ដោយ

“ចិត្តជាចៅហ្វាយ រូបកាយជាទាសករ” ប្រយោគនេះ តែងប្រើចំពោះអ្នកដែលមានរោគសញ្ញាផ្លូវចិត្ត។ វាច្រើនប៉ះពាល់ដល់រាងកាយ និងជាកាតាលីករសម្រាប់ហានិភ័យដែលបង្កដោយជំងឺជាច្រើន។

ជំងឺធ្លាក់ទឹកចិត្ត ជាជំងឺមួយទៀតដែលក្រៅពីប៉ះពាល់ដល់ចិត្ត ធ្វើឲ្យមនុស្សជាច្រើនមានជីវភាពលំបាក ស្ថានភាពរាងកាយខាងក្រៅដែលអាចមើលឃើញដោយភ្នែក ក៏អាចមានបន្តិចម្តងៗដែរ។

ទន្ទឹមនោះ អង្គការសុខភាពពិភពលោក (WHO) បញ្ជាក់ថា ជាង៥០ភាគរយ នៃអ្នកដែលមានជំងឺធ្លាក់ទឹកចិត្ត ទំនងជាមានបញ្ហាជាមួយនឹងការថយចុះកម្លាំង ងាយអស់កម្លាំង ទោះបីជាមិនបានធ្វើសកម្មភាពណាក៏ដោយ។

១ ការឈឺចាប់ ដែលមិនអាចពន្យល់បានទូទាំងរាងកាយ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជារឿយៗ ជំងឺធ្លាក់ទឹកចិត្តធ្វើឲ្យអ្នកជំងឺមានរោគសញ្ញា ស្ពឹកស្រពន់ ឈឺត្រង់នេះ ហើយឈឺនៅទីនេះបន្តិច ដោយគ្មានហេតុផល ដូចជាឈឺក្បាល វិលមុខ ឈឺពោះ ឈឺក ឈឺខ្នង ឈឺខ្លួន។ ម្យ៉ាងវិញទៀត ការឈឺចាប់រ៉ាំរ៉ៃដែលត្រូវបានព្យាបាលជាយូរមកហើយ មិនបានធូរស្រាលឡើយ ឬកាត់បន្ថយគុណភាពជីវិត វាអាចជាមូលហេតុនៃជំងឺធ្លាក់ទឹកចិត្តផងដែរ។

២ បញ្ហាប្រព័ន្ធរំលាយអាហារ

អ្នកដែលមានជំងឺធ្លាក់ទឹកចិត្ត តែងតែមានបញ្ហាជាមួយនឹងប្រព័ន្ធរំលាយអាហាររបស់ពួកគេ។ ដែលអាចបណ្ដាលឲ្យចង្អោរ ឈឺពោះ ហើមពោះ ពិបាករំលាយអាហារ រាគ ឬទល់លាមក។ នេះអាចបណ្ដាលមកពី កង្វះការថែទាំអាហារត្រឹមត្រូវ និងអនាម័យ។

៣ គេងមិនលក់

រោគសញ្ញាដំបូងដែលអាចកើតមាន និងងាយសម្គាល់ឃើញបំផុត គឺជាជំងឺនៃគេងមិនលក់ ឬសូម្បីតែការគេងលក់ហើយ ប៉ុន្តែភ្ញាក់ឡើង នៅតែងងុយគេង។ល។

៤ ជំងឺលើសឈាម និងជំងឺបេះដូង

ជំងឺធ្លាក់ទឹកចិត្ត អាចបណ្តាលឲ្យមានភាពតានតឹងរ៉ាំរ៉ៃ អាចនាំឲ្យមានការកើនឡើងហានិភ័យនៃជំងឺលើសឈាម។ លើសពីនេះទៀត សំពាធឈាមខ្ពស់ បង្កើនហានិភ័យនៃជំងឺបេះដូង ischemic និងជំងឺសរសៃឈាមខួរក្បាល។

៥ ការឡើងទម្ងន់ ស្រក់ទម្ងន់ខុសពីធម្មតា

នៅពេលដែលអ្នកមានរោគសញ្ញានៃជំងឺធ្លាក់ទឹកចិត្ត របៀបរស់នៅរបស់អ្នកអាចផ្លាស់ប្ដូរ រួមទាំងការញ៉ាំច្រើន ញ៉ាំតិច ខ្វះការហាត់ប្រាណ ឬមិនទទួលទានអាហារទាំង ៥ក្រុម រហូតដល់ហានិភ័យនៃកង្វះអាហារូបត្ថម្ភ អាកប្បកិរិយាទាំងនេះបង្កើនហានិភ័យ នៃការឡើងទម្ងន់ឬចុះបានងាយ។

ប្រសិនបើរកឃើញខ្លួនឯង មានរោគសញ្ញាដូចដែលបានរៀបរាប់ខាងលើនេះ អ្នកប្រហែលជាប្រឈមនឹងជំងឺធ្លាក់ទឹកចិត្តក្នុងកម្រិតមួយ គួរឆាប់ព្យាបាលជាបន្ទាន់៕

ប្រែសម្រួល៖ សាង ស្រីល័ក្ខ

ចុចអាន៖៥ វិធី ជួយដោះស្រាយកំហឹង ដោយមិនប៉ះពាល់ដល់អ្នកជុំវិញ

ចុចអាន៖ពិតឬអត់ មនុស្សនិយមសើចក្អាកក្អាយរាល់ថ្ងៃនេះ ច្រើនលាក់ទុក្ខនៅពីក្រោយ ?