KPT+

៥ វិធី ជួយដោះស្រាយកំហឹង ដោយមិនប៉ះពាល់ដល់អ្នកជុំវិញ

បានផុស

២ years មុន

នៅ

ថ្ងៃអង្គារ ១៥ មីនា ២០២២

ដោយ

ភាពតានតឹងក្នុងសង្គមបច្ចុប្បន្ន អាចកើតឡើងបានយ៉ាងងាយ មនុស្សជាច្រើនមានជំងឺ autisticពីក្នុងខ្លួន ឬចង់ឲ្យអ្នកដទៃគិតដូចខ្លួនឯងដែរ។

មនុស្សជាច្រើនបានបង្ហាញភាពអាត្មានិយម ដោយមិនអើពើថា អ្នកដទៃមានបញ្ហាឬអត់ ឲ្យតែខ្លួនឯងបានសុខ។ ទាំងអស់នេះ ជាអ្វីដែលយើងត្រូវប្រឈមមុខ តាំងពីព្រឹកដល់ល្ងាច។ ដូច្នេះតើអ្នកដោះស្រាយអារម្មណ៍ទាំងនេះ ដោយរបៀបណា ដើម្បីកុំឲ្យខ្លួនឯងភ័យខ្លាច ឬដាក់សំពាធទៅអ្នកដទៃ។

ខាងក្រោមនេះ ជាវិធី ៥ យ៉ាង ដើម្បីដោះស្រាយអារម្មណ៍តាមបែបវិទ្យាសាស្ត្រ ៖

១ ដកដង្ហើមវែងៗ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្សជាច្រើននិយាយថា ពេលមានរឿងអាក្រក់កើតឡើង ចំពោះយើង ឬយើងទទួលបានដំណឹងអាក្រក់ ចូរដកដង្ហើមវែងៗ។ វាមិនមែនជាបញ្ហានៃជំនឿទេ។ ប៉ុន្តែនេះគឺជាវិទ្យាសាស្ត្រ ដោយសារតែការដកដង្ហើមជ្រៅ វាប៉ះពាល់ដល់ប្រព័ន្ធសរសៃប្រសាទ ដែលគ្រប់គ្រងការងាររបស់សរីរាង្គខាងក្នុង ដូច្នេះ នេះគឺជាមធ្យោបាយដ៏ល្អបំផុត ដើម្បីដោះស្រាយជាមួយនឹងកំហឹង ឬភាពតានតឹងពីអ្នកជុំវិញខ្លួន។

២ បង្កើតអារម្មណ៍ល្អសម្រាប់ខ្លួនឯង

នេះគឺជាវិធីសាស្រ្តបន្ត។ បន្ទាប់ពីអ្នកអាចរំងាប់អារម្មណ៍ និងស្វែងរកដំណោះស្រាយ។ ជំហានបន្ទាប់គឺបង្កើតអារម្មណ៍ល្អសម្រាប់ខ្លួនឯង។ ដើម្បីកម្ចាត់អារម្មណ៍អវិជ្ជមានណាមួយ ដែលអាចនឹងនៅជាប់ក្នុងចិត្តរបស់អ្នក។

៣ ទទួលយកអ្វីដែលបានកើតឡើង

លើលោកនេះ គ្មានអ្វីដែលធ្វើឲ្យយើងទាំងអស់គ្នាពេញចិត្តនោះទេ។ រឿងខ្លះជារឿងដែលយើងគិតថា មិនគួរកើតឡើង។ ប៉ុន្តែវាបានកើតឡើងទៅហើយ ដំណោះស្រាយដ៏ល្អបំផុតដើម្បីចៀសវាងភាពតានតឹងក្នុងជីវិតនេះ គឺទទួលយក ដោយសារតែមានហេតុផល និងកត្តាជាច្រើន ដែលយើងមិនអាចគ្រប់គ្រងបាន។

៤ កុំប្រើកាហ្វេ ឬភេសជ្ជៈជាថ្នាំបំបាត់ភាពតានតឹង

ជាតិកាហ្វេអ៊ីនជាសារធាតុជំរុញថាមពល ប៉ុន្តែជាតិកាហ្វេអ៊ីន អាចធ្វើឲ្យយើងហត់នឿយ ប្រសិនបើអ្នកស្ថិតក្នុងស្ថានភាពស្ត្រេស។ កុំពិសាកាហ្វេ ឬភេសជ្ជៈដែលមានជាតិកាហ្វេអ៊ីន ព្រោះវានឹងធ្វើឲ្យអ្នកមានអារម្មណ៍កាន់តែមិនល្អ វិញទេ។

៥ បន្ធូរភាពតានតឹងដោយការលេងកីឡា

ប្រសិនបើអ្នកមានអារម្មណ៍ថា អ្នកមិនអាចរកវិធីចេញពីខ្លួនឯង ចូរទៅកន្លែងហាត់ប្រាណ ឬចេញទៅរត់ ទៅជិះកង់។ ព្រោះការហាត់ប្រាណ នឹងជួយឲ្យអ្នកសម្រួលអារម្មណ៍បានទាំងស្រុង និងមិនឲ្យអ្នកមានអារម្មណ៍ពិបាកឬសំពាធខ្លាំងពេក៕

ប្រែសម្រួល៖ សាង ស្រីល័ក្ខ

ចុចអាន៖ពិតឬអត់ មនុស្សនិយមសើចក្អាកក្អាយរាល់ថ្ងៃនេះ ច្រើនលាក់ទុក្ខនៅពីក្រោយ ?

ចុចអាន៖ការបៀតបៀនផ្លូវភេទ បន្សល់ទុកផលប៉ះពាល់ ធ្ងន់ធ្ងរដល់ជនរងគ្រោះ