KPT+
រឿងរ៉ាវសំខាន់ៗ ពី Nadech Kugimiya រហស្សនាមស្ដេចពាណិជ្ជកម្ម នៅប្រទេស ថៃ
Nadech Kugimiya គឺជាតារាសម្ដែងនិងម៉ូដែលថៃកាត់អូទ្រីស លោកត្រូវបានគេស្គាល់ច្បាស់ថា ជាស្ដេចពាណិជ្ជកម្ម និងតាមរយៈរឿងល្បីៗជាច្រើន ដូចជា ៖ Duang Jai Akkanee, Game Rai Game Rak, Sunset at Chaophraya, The Rising Sun Series, Leh Lub Salub Rang និង The Crown Princess ។
ជីវិតដំបូង និងការអប់រំ
Nadech Kugimiya កើតនៅថ្ងៃទី ១៧ ខែធ្នូ ឆ្នាំ ១៩៩១ នៅខេត្ត Khon Kaen និងមានឈ្មោះដើមថា Chonlathit Yodprathum ។ ម្ដាយបង្កើតរបស់លោក ជាជនជាតិថៃ ចំណែកឪពុកបង្កើតជាជនជាតិអូទ្រីស។ បច្ចុប្បន្ន Nadech រស់នៅជាមួយឪពុកចិញ្ចឹមជនជាតិជប៉ុនឈ្មោះ Yoshio Kugimiya និងម្ដាយមីង Sudarat Kugimiya ។ លោកបានបញ្ចប់ការសិក្សា ពីសាកលវិទ្យាល័យ Rangsit ជាមួយបរិញ្ញាបត្រផ្នែកទំនាក់ទំនងសិល្បៈ ជំនាញផ្នែកភាពយន្ត និងវីដេអូ។ ទន្ទឹមនោះ លោកក៏បានទទួលសញ្ញាប័ត្រអនុបណ្ឌិត នៅខែ ឧសភា ឆ្នាំ ២០២០។
អាជីពដំបូង
Nadech បានចាប់ផ្ដើមអាជីពជាតារាបង្ហាញម៉ូតនៅអាយុ ១៧ ឆ្នាំ នៅពេលដែលអ្នកគ្រប់គ្រងរបស់គាត់ឈ្មោះ A Supachai បានជួបដោយចៃដន្យនៅខេត្ត Khon Kaen ពេលទៅលេងផ្ទះ Weir Sukollawat ។ ក្នុងឆ្នាំ ២០១០ គាត់បានបង្ហាញខ្លួនជាលើកដំបូង នៅក្នុងរឿងភាគ ដោយសម្តែងជាតួឯកក្នុងរឿង Ngao Rak Luang Jai ជា “Nawa Gamtornpuwanat” ។
ក្នុងឆ្នាំដដែលនោះ ប្រជាប្រិយភាពរបស់លោកក៏កើនឡើងភ្លាមៗ បន្ទាប់ពីបានសម្តែងជាគូស្នេហ៍ជាមួយ Yaya Urassaya ក្នុងរឿងភាគទូរទស្សន៍រឿង “4 Huajai Haeng Khon Khao: Duang Jai Akkanee” ។ លោកក៏ជាសមាជិកនៃក្រុម “4+1 Channel 3 Superstar” ដោយមានសមាជិកដូចជា Mario Maurer, Prin Suparat, Pakorn Chatborirak, និង Phupoom Pongpanu ។ លោកមានកិច្ចសន្យាផ្ដាច់មុខ ជាមួយប៉ុស្តិ៍លេខ ៣ ថៃដោយ Suphachai Srivijit គឺជាអ្នកគ្រប់គ្រងលោកផ្ទាល់តែម្ដង។
លោកត្រូវបានគេដឹងថា ជាតារាសម្ដែងដែលមានប្រាក់ខែខ្ពស់បំផុត ក្នុងប្រទេសថៃ និងត្រូវបានគេដាក់ឈ្មោះថា “ស្ដេចពាណិជ្ជកម្ម ” ផងដែរ ។ បន្ថែមពីនេះ លោក៏ជាទូតឆន្ទៈឲ្យម៉ាកល្បីៗជាច្រើន រួមមាន Shopee, OPPO, 7-Eleven, AIR ASIA, Daikin, និង TrueMove H. លោកក៏ជាតារាល្បីដែលមានវត្តមានច្រើនបំផុតនៅក្នុងទូរទស្សន៍ បោះពុម្ព និងការផ្សាយពាណិជ្ជកម្មផ្ទាំងប៉ាណូជាដើម។
Nadech ត្រូវបានគេចាត់ទុកថា ជាតារាសម្ដែងថៃម្នាក់ដែលមានការតុបតែងខ្លួនខ្លាំងបំផុត។ គាត់បានទទួលពានរង្វាន់ច្រើនជាង ១៣០ រួមទាំងពានរង្វាន់តារាសម្ដែងល្អបំផុត ពីពានរង្វាន់ភាពយន្តជាតិ Suphannahong ពានរង្វាន់ Mekhala Awards Nataraja Awards និងពានរង្វាន់ទូរទស្សន៍មាស។ លោកលេចឡើងជាញឹកញាប់នៅក្នុងបញ្ជីនៃមនុស្សដែលពេញនិយម និងមានឥទ្ធិពលបំផុតនៅក្នុងប្រទេសថៃ។
Nadech Kugimiya ក៏ត្រូវបានគេដឹងថា លោកកំពុងមានទំនាក់ទំនងស្នេហា ជាមួយតារាសម្ដែងស្រីល្បីល្បាញគឺនាង Yaya Urassaya ៕
ប្រែសម្រួល៖ សាង ស្រីល័ក្ខ
ចុចអាន៖ទម្លាយមុខមាត់ពិត តារាស្រី ថៃ ១០ រូប ពីមុននិងឥលូវ ខុសប្លែកខ្លាំង មើលសឹងមិនស្គាល់
ចុចអាន៖តារា ថៃ ៧ ដួង ជម្នះឧបសគ្គក្នុងវិស័យ K-Pop រហូតមានឈ្មោះល្បីល្បាញ ទូទាំងពិភពលោក
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»