KPT+
អ្នកនឹងក្លាយជាសេដ្ឋីនាថ្ងៃខាងមុខ បើមានសញ្ញាទាំងនេះ
អ្នកខ្លះអាចនឹងឆ្ងល់ថា តើអនាគតពួកគេនឹងទៅជាយ៉ាងណា? មានឬក្រ? ហើយពួកគេនឹងទទួលបានជោគជ័យនៅថ្ងៃណាមួយឬអត់? ។ល។ ហេតុផលនេះ បណ្ដាលមនុស្សមួយចំនួនស្វះស្វែងរកគ្រូហោ ដើម្បីទស្សទាយជោគវាសនារបស់ខ្លួននាពេលខាងមុខ។
ពុំចាំបាច់ពឹងគ្រូអាគម ឬគ្រូទាយអ្វីទេ! ប្រសិនបើអ្នកមានសញ្ញាប៉ុន្មានដូចខាងក្រោម វាបញ្ជាក់ច្បាស់ៗហើយថា អ្នកនឹងជោគជ័យ រួមទាំងអាចក្លាយជាអ្នកមានទៀតផង។
១. មានចរិតជាសហគ្រិនតាំងពីនៅក្មេង
សញ្ញាដំបូងដែលអ្នកនឹងអាចក្លាយជាសេដ្ឋីនៅថ្ងៃមុខ ដោយសារតែអ្នកមានផ្នត់គំនិតជាសហគ្រិន និងមានទំនោរទៅការរកស៊ីតាំងពីវ័យក្មេងមកម្លេះ។
មិនខ្វល់អ្នកមានៗស្ទើរទាំងអស់ ចាប់ផ្តើមប្រមូលប្រាក់ចំណូលតាមរបៀបផ្សេងៗគ្នាយ៉ាងណាក្ដី ប៉ុន្តែប្រសិនបើអ្នកបម្រុងនឹងជោគជ័យនាពេលអនាគត នោះផ្នត់គំនិត និងសកម្មភាពរបស់អ្នករមែងទាញនាំទៅរកការបង្កើតលុយឥតឈប់ មិនថាវិធីអ្វីក៏ដោយ។
២. មិនទម្លាប់ខ្ជះខ្ជាយពេលវេលា
បន្ទាប់ពីការសិក្សាលើមហាសេដ្ឋីជាង ៥០០ នាក់ អ្នកសារព័ត៌មាននិងអ្នកនិពន្ធ Napoleon Hill បានរកឃើញថា មនុស្សជោគជ័យទាំងអស់សុទ្ធតែធ្វើសកម្មភាពភ្លាមៗ ក្រោមបង្កើតកម្រោងរបស់ខ្លួន។
នៅក្នុងសៀវភៅនិយាយពីហិរញ្ញវត្ថុដែលលោកបានបោះពុម្ពផ្សាយនាឆ្នាំ ១៩៣៧ ក្រោមចំណងជើងថា “Think and Grow Rich” បានសរសេរថា “ការវិភាគទៅលើមនុស្សរាប់រយនាក់ដែលមានទ្រព្យសម្បត្ដិខ្ទង់លានដុល្លារបានបង្ហាញពីការពិតដែលថា ពួកគេម្នាក់ៗមានទម្លាប់សម្រចចិត្តភ្លាមធ្វើភ្លែត មិនបង្អែរបង្អង់ រង់ចាំវេលាដើរទៅដោយឥតប្រយោជន៍ឡើយ” ។
៣. ចេះកំណត់គោលដៅ
សសរស្តម្ភទីបីនៃផ្នត់គំនិតរបស់អ្នកមាន គឺពួកគេផ្តោតលើគោលដៅខ្លាំងក្លាណាស់។
ពួកគេមានភាពច្បាស់លាស់លើចក្ខុវិស័យនិងផែនការលើការងារគ្រប់យ៉ាងដែលពួកគេនឹងធ្វើ។ មនុស្សជោគជ័យទាំងនោះ តែងតែផ្តោតអារម្មណ៍លើផែនការសកម្មភាពច្បាស់លាស់ ដោយមិនចេះតែធ្វើអ្វីតាមការនឹកឃើញមួយឆាវឡើយ។
៤. តែងតែចង់ស្វែងយល់បន្ថែម
សញ្ញាចុងក្រោយនិងសំខាន់មួយដែលនឹងនាំអ្នកឲ្យក្លាយជាសេដ្ឋី នោះជាការស្រេកឃ្លាននូវចំណេះដឹងគ្រប់យ៉ាង។ មនុស្សជោគជ័យតែងតែធ្វើការកែលម្អខ្លួនឯងជានិច្ច។ ពួកគេរមែងអានសៀវភៅ ក៏ដូចជារៀននិងអប់រំខ្លួនគ្រប់ពេល។
យោងតាមសៀវភៅចំណងជើង “Everyday Millionaires: How Ordinary People Built Extraordinary Wealth — and How You Can Too.” របស់អ្នកនិពន្ធលោក Chris Hogan បានសរសេរថា អ្នកមាននិងអ្នកជោគជ័យជាមនុស្សដែលមានការប្តេជ្ញាចិត្តខ្ពស់ ហើយតែងតែខ្នះខ្នែងសិក្សាបន្ថែមជាដរាប៕
ប្រែសម្រួល៖ សន្យា
ប្រភព៖ medium
ចុចអាន៖ អ្នកគ្រប់គ្រងដែលបុគ្គលិកភាគច្រើនស្រមៃចង់បានធ្វើការជាមួយ
ចុចអាន៖ អ្នកមានធំៗ តែងតែមានអាថ៌កំបាំងម្យ៉ាងនេះ ជុំវិញទម្លាប់រស់នៅរបស់ពួកគេ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង