KPT+

កំពូលអ្នកលក់អនឡាញពិភពលោក jenny shih ប្រាប់គន្លឹះទទួលជោគជ័យធំ

បានផុស

៦ years មុន

នៅ

ថ្ងៃចន្ទ ២១ ធ្នូ ២០២០

ដោយ

សហគ្រិនអ៊ិនធរណេតលោកស្រី Jenny Shih ជាបុគ្គលមួយរូបដែលមានឈ្មោះល្បីលើការប្រឹក្សាជំនួញអនឡាញ និងបានបង្រៀនស្ត្រីជាង ២៥០០០ នាក់ក្នុងអាជីវកម្មនេះឲ្យទទួលបានជោគជ័យ។

លោកស្រីបានចែករំលែកនូវបទពិសោធន៍ ៥ យ៉ាង ដោយធ្វើការតែត្រឹម ៣០ម៉ោងប៉ុណ្ណោះក្នុងមួយសប្ដាហ៍ ដើម្បីឈានទៅរកភាពជោគជ័យ៖

១. កំណត់អំពីគុណតម្លៃផ្ទាល់ខ្លួន

នៅក្នុងអាជីវកម្មមួយអាចមានគុណតម្លៃនៃភាពជោគជ័យផ្សេងគ្នាដូចជា លើផ្នែកហិរញ្ញវត្ថុ ពេលវេលាជាមួយគ្រួសារ សុខភាពល្អ ឬដំណើរកម្សាន្តជាដើម។ ដូច្នេះ ជំហានដំបូង គឺត្រូវកំណត់យកគុណតម្លៃឲ្យបាន ២ ដែលសំខាន់សម្រាប់អ្នកបំផុត។ វាជារឿងដែលមានន័យចំពោះអ្នក ជារឿងដែលធ្វើទៅបានសប្បាយចិត្ត មានសុភមង្គល មិនមែនជាអ្វីដែលរំពឹងទុកពីអាជីវកម្មនោះទេ។

២. រៀបចំផែនការពេលវេលា

រឿងបន្ទាប់ដែលត្រូវធ្វើក្រោយជ្រើសរើសគុណតម្លៃគឺ រៀបចំពេលវេលារស់នៅឲ្យសមស្របតាមគុណតម្លៃដែលខ្លួនបានកំណត់។ ប្រសិនបើជ្រើសរើសយកសុខភាព អ្នកត្រូវចំណាយពេលហាត់ប្រាណ។ បើជ្រើសរើសយកដំណើរកម្សាន្ត អ្នកត្រូវចំណាយពេលវេលាធ្វើដំណើរ។ ការបែងចែកពេលវេលាការងារកំពុងឆ្លុះបញ្ចាំងពីទម្លាប់ និងការផ្តល់តម្លៃទៅលើការសម្រេចចិត្តរបស់ខ្លួនផ្ទាល់ ហើយវាជាគន្លឹះមួយទៀតដែលនាំឆ្ពោះទៅរកភាពជោគជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៣. មានទំនួលខុសត្រូវចំពោះខ្លួនឯង

ទោះបីអ្នកជាម្ចាស់អាជីវកម្មក្ដី ប៉ុន្តែអ្នកត្រូវមានវិន័យ និងការទទួលខុសត្រូវចំពោះខ្លួនឯង ហើយរឿងចាំបាច់បំផុតគឺការបែងចែកពេលវេលាការងារឲ្យបានច្បាស់លាស់ ព្រោះវានឹងជួយដល់អ្នកងាយស្រួលក្នុងការផ្តោតអារម្មណ៍ទៅលើការងារ និងកាត់បន្ថយការខ្ជះខ្ជាយពេលវេលា ព្រមទាំងបំបាត់នូវទម្លាប់ពន្យាពេលការងារទុកចោល។

៤. បង្កើតប្រព័ន្ធការងារ

ចំណុចទី៤ គឺរៀបចំប្រព័ន្ធការងារ និងផ្ទេរការងារឱ្យបុគ្គលិករបស់អ្នក ដូចនេះអ្នកនឹងមានឱកាសបន្ថែមដើម្បីស្រាវជ្រាវ ច្នៃប្រឌិត និងអភិវឌ្ឍន៍ក្រុមហ៊ុនឱ្យរីកចម្រើន។

៥. ត្រៀមខ្លួនចំពោះហានិភ័យ

គ្រប់ការរីកចម្រើនរបស់ជំនួញ តម្រូវឱ្យម្ចាស់អាជីវកម្ម ត្រួតពិនិត្យឡើងវិញពីតម្លៃ កាលវិភាគ ប្រព័ន្ធការងារ និងក្រុមការងារជាទៀងទាត់។ តាមដានឱ្យបានគ្រប់ជ្រុងជ្រោយនៃដំណើរការអាជីវកម្ម ដើម្បីអភិវឌ្ឍតាមទីផ្សារឲ្យទាន់ពេល ចៀសវាងការប្រថុយប្រថាននានាដោយងងឹតងងុល៕

ប្រែសម្រួល៖ សន្យា

ប្រភព៖ Business Insider

ចុចអាន៖តារា ៧ រូបវះកាត់កែភេទបានជោគជ័យ សឹងមិនគួរឲ្យជឿ

ចុចអាន៖លក្ខខណ្ឌមូលដ្ឋាន ៤ត្រូវពិចារណា មុនចង់ខ្ចីលុយធនាគារ

Related Topics:អនឡាញ