KPT+

៣ វិធី កាត់បន្ថយហានិភ័យនៃជំងឺធ្លាក់ទឹកចិត្ត ចៀសវាងនាំធ្ងន់

បានផុស

៤ សប្តាហ៍ មុន

នៅ

ថ្ងៃសុក្រ ១៧ មិថុនា ២០២២

ដោយ

នាពេលបច្ចុប្បន្ននេះ មាននិន្នាការកើនឡើងនៃអ្នកជំងឺធ្លាក់ទឹកចិត្ត ដែលអាចបណ្ដាលមកពីការផ្លាស់ប្ដូរសារធាតុគីមីក្នុងខួរក្បាល និងមានព្រឹត្តិការណ៍មួយ ឬមានបញ្ហាផ្សេងៗកើតឡើងក្នុងជីវិត។

ប៉ុន្តែយើងក៏អាចមានវិធីដើម្បីទប់ស្កាត់ ឬកាត់បន្ថយហានិភ័យនៃជំងឺធ្លាក់ទឹកចិត្តបានដូចគ្នា។ ខាងក្រោមនេះ ជាវិធីងាយៗ អាចអនុវត្តបានដោយខ្លួនឯងផ្ទាល់ ប្រសិនបើអ្នកគិតថាកំពុងធ្លាក់ក្នុងសភាពនៃជំងឺធ្លាក់ទឹកចិត្តហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ ព្យាយាមរក្សាចិត្តឲ្យស្រស់ស្រាយ

យើងម្នាក់ៗតែងមានទំនួលខុសត្រូវមិនថាតូចឬធំ ហើយទាំងនោះ នឹងធ្វើឲ្យផ្នែកអារម្មណ៍ស្រងេះស្រងោច ឬ ស្រស់ស្រាយ ទៅតាមសាច់រឿងដែលយើងបានអនុវត្ត។ ប៉ុន្តែមិនថាជួបបញ្ហា រឿងមិនសប្បាយចិត្តយ៉ាងណា ចូរព្យាយាមរក្សាចិត្តឲ្យស្រស់ស្រាយ។ បើទោះបីជាពិបាកខ្លាំងក៏ដោយ តែអ្នកអាចធ្វើវាបាន។

២ មិនរំញោចអារម្មណ៍ហួសហេតុ

កុំដាក់ខ្លួនអ្នកនៅក្នុងស្ថានភាពដែលបង្កឲ្យមានជំងឺធ្លាក់ទឹកចិត្ត រួមទាំងការប្រើប្រាស់គ្រឿងញៀនផងដែរ។ ប្រសិនបើអ្នកអានកំពុងជួបបញ្ហា ដែលមិនអាចដោះស្រាយបាន សូមកុំឲ្យអារម្មណ៍អាក្រក់មកគាបសង្កត់អ្នកបានឲ្យសោះ។ កាលដែលបណ្ដាលឲ្យអារម្មណ៍មកគ្របសង្កត់យើងបាន ដូចបណ្ដាលឲ្យបញ្ហានានា មកតាំងលំនៅក្នុងរាងកាយយើងដូចគ្នា។

៣ ធ្វើសកម្មភាពដែលឲ្យរាងកាយបានធូរ

បើមានអារម្មណ៍ថាខ្លួនឯងមានសំពាធខ្លាំង ចូរជ្រើសរើសសកម្មភាពដែលជួយលើកកម្ពស់សុខភាពផ្លូវចិត្ត ដូចជាលំហាត់ប្រាណ សមាធិ ទៅជួបមិត្តភ័ក្ដិ ជួបមនុស្សខាងក្រៅសង្គមខ្លះ។ ក្នុងពេលដែលយើងមានអារម្មណ៍ថាណែនបេះដូង ឈឺចាប់ ធ្លាក់ទឹកចិត្តខ្លាំង សូមធ្វើរឿងដែលគួរធ្វើសម្រាប់ខ្លួនឯង ជាជាងទៅធ្វើបាបរាងកាយ។

ប្រសិនបើអ្នកឃើញថា ខ្លួនឯងមានជំងឺធ្លាក់ទឹកចិត្ត ធុញថប់ មិនចង់ធ្វើអ្វីទាំងអស់ ខ្វះថាមពល ខ្វះការផ្ដោតអារម្មណ៍ ញ៉ាំមិនបាន គេងមិនលក់ ឬគេងច្រើន ហើយមានគំនិតចង់ស្លាប់ មានអារម្មណ៍ថាគ្មានតម្លៃ ជាបន្ទុករបស់អ្នកផ្ទះ ជាមួយនឹងរោគសញ្ញាលើសពី ២ សប្ដាហ៍ជាប់គ្នា។ គួរតែពិគ្រោះជាមួយវេជ្ជបណ្ឌិត ដើម្បីធ្វើរោគវិនិច្ឆ័យ និងផ្ដល់ការថែទាំបន្ថែម៕

ប្រែសម្រួល៖ សាង ស្រីល័ក្ខ

ចុចអាន៖៥ យ៉ាងរៀនបណ្ដុះបណ្ដាលចិត្តឲ្យរឹងមាំ បើទោះបីជាឧបសគ្គធំដូចភ្នំ

ចុចអាន៖សកម្មភាព ៥ យ៉ាង អ្នកកំពុងតែបន្ទាបតម្លៃខ្លួនឯងហើយ