KPT+

គន្លឹះញ៉ាំទុរេនមិនឲ្យឡើងទម្ងន់ ទោះហូបច្រើនកម្រិតណាក៏ដោយ

បានផុស

៩ ខែ មុន

នៅ

ថ្ងៃសុក្រ ២៤ មិថុនា ២០២២

ដោយ

ទុរេនត្រូវបានគេចាត់ទុកថាជាស្ដេចផ្លែឈើ ញ៉ាំកាន់តែច្រើនកាន់តែឆ្ងាញ់ ប៉ុន្តែដឹងទេថា ការញ៉ាំទុរេនងាយនឹងឡើងទម្ងន់? ជាពិសេសក៏ប្រឈមនឹងការបង្កឲ្យមានការប្រមូលផ្តុំជាតិខ្លាញ់ ក្នុងខ្លួនផងដែរ។

ថ្ងៃនេះយើងខ្ញុំសូមលើកយកគន្លឹះ ៥ យ៉ាង ក្នុងការទទួលទានទុរេនដោយមិនឲ្យឡើងទម្ងន់ ក៏ដូចជាជួយកាត់បន្ថយការប្រឈមមុខនឹងការប្រមូលផ្ដុំជាតិខ្លាញ់ ក្នុងរាងកាយដូចគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ ញ៉ាំក្នុងកម្រិតមធ្យម

ទោះបីជាអាហារមានប្រយោជន៍ដល់រាងកាយប៉ុណ្ណាក៏ដោយ។ តែក៏ត្រូវតែញ៉ាំក្នុងបរិមាណគ្រប់គ្រាន់សម្រាប់តម្រូវការរបស់រាងកាយ។ បើអ្នកចូលចិត្តញ៉ាំទុរេន ហើយមិនចង់ឡើងទម្ងន់ គួរតែបរិភោគក្នុងកម្រិតមធ្យម។ ដើម្បីការពាររាងកាយពីការទទួលបានកាឡូរីច្រើនពេកនៅទីនោះ។

២ បដិសេធមិនបរិភោគអាហារដែលមានជាតិម្សៅ

បើញ៉ាំទុរេន មិនត្រូវបរិភោគអាហារដែលមានជាតិម្សៅ ដោយសារទុរេនសម្បូរជាតិកាបូអ៊ីដ្រាតខ្ពស់។ បើអ្នកញ៉ាំទុរេន ត្រូវបន្តអាហារម្សៅ មិនថាជាគុយទាវ ឬបាយវានឹងធ្វើឲ្យ រាងកាយទទួលបានកាបូអ៊ីដ្រាតខ្ពស់ពេក។ វាក៏ប្រឈមនឹងការធ្វើឲ្យរាងកាយប្រមូលផ្តុំជាតិខ្លាញ់ផងដែរ ។

៣ ទទួលទានទុរេនស្រស់

ដោយសារទុរេនមានកាឡូរីខ្ពស់រួចទៅហើយ។ ដូច្នេះ តាមការណែនាំ គឺមិនត្រូវញ៉ាំបាយដំណើបជាមួយទុរេន ឬបរិភោគទុរេនកែច្នៃ ដោយសារតែរាងកាយអាចទទួលបានបរិមាណកាឡូរីខ្ពស់ពេក ដូច្នេះប្រសិនបើនរណាម្នាក់មិនចង់ឡើងទម្ងន់ ហើយចង់ចៀសវាងការប្រមូលផ្ដុំជាតិខ្លាញ់នៅក្នុងខ្លួន ត្រូវតែញ៉ាំទុរេនស្រស់។

៤ ចៀសវាងការញ៉ាំទុរេនមុនចូលគេង

ព្រោះពេលចូលគេង រាងកាយកម្រប្រើថាមពលច្រើន។ ដូច្នេះហើយមិនត្រូវញ៉ាំទុរេនមុនចូលគេងឡើយ។ ព្រោះញ៉ាំទុរេនមុនចូលគេង នឹងធ្វើឲ្យរាងកាយទទួលបានកាឡូរីខ្ពស់។ ជាពិសេសអាចបង្កើនឱកាសនៃការប្រមូលផ្ដុំជាតិខ្លាញ់នៅក្នុងខ្លួនដោយជៀសមិនរួច រហូតប្រឈមនឹងការធាត់យ៉ាងងាយផងដែរ។

៥ ធ្វើលំហាត់ប្រាណឲ្យបានទៀងទាត់

ការទទួលទានទុរេនជួយឲ្យរាងកាយឡើងទម្ងន់បានយ៉ាងងាយ។ ដូច្នេះបន្ទាប់ពីញ៉ាំទុរេន គួររកពេលហាត់ប្រាណខ្លះ ដើម្បីឲ្យរាងកាយអាចដុតថាមពល ហើយនៅពេលដែលថាមពលត្រូវបានដុត នោះជាតិខ្លាញ់មិនត្រូវបានរក្សាទុកក្នុងរាងកាយទៀតនោះទេ៕

ប្រែសម្រួល៖ សាង ស្រីល័ក្ខ

ចុចអាន៖ការទទួលទានអាហារពេលល្ងាច រៀងរាល់ម៉ោង ៧ យប់ ជួយឲ្យរស់បានយូរជាងមុន?