Connect with us

KPT+

រឿង ៨ យ៉ាង គួរដឹង​ មុនពេលអ្នកចាប់ផ្តើមស្រលាញ់នរណាម្នាក់

បានផុស

នៅ

ស្នេហាគឺស្មុគស្មាញ ហើយមិនស្ថិតនៅក្រោមច្បាប់ណាមួយនៃពិភពលោកនេះទេ។ ម្នាក់ៗ​ចាំបាច់ត្រូវយល់គ្នាទៅវិញទៅមក ចែករំលែកភាពរីករាយ និងទុក្ខសោកជាមួយគ្នា រួម​ទាំង​ត្រូវ​ព្យាយាម​រក្សា​ស្នេហា​ឲ្យ​បាន​យូរ។

ថ្ងៃនេះយើងខ្ញុំ នឹងនាំអ្នកទៅមើលរឿង៨ យ៉ាង ដែលគួរដឹងមុនពេល​ចាប់ផ្ដើម​បង្កើត​ទំនាក់ទំនង​ជាមួយ​នរណា​ម្នាក់៖

១ មនុស្សក្នុងសុបិនមិនមានទេ កុំ​សង្ឃឹមថា​មនុស្ស​ក្នុង​សុបិន​នឹងលេច​ឡើង​ចំពោះមុខ ដូចកុនភាគ​ដែល​ធ្លាប់​ទស្សនា​ឲ្យសោះ។ តួឯកពិត​មាន​​តែ​ក្នុង​រឿងប្រលោមលោក ឬ​ភាពយន្ត​ប៉ុណ្ណោះ នៅខាង​ក្រៅ​នៃ​ជីវិតពិត​ មនុស្សមានច្រើន​ប្រភេទខុសៗគ្នា ដូច្នេះអ្វីដែលសំខាន់​បំផុតគឺ ស្វែងយល់​ពី​គ្នាទៅវិញ​ទៅមក ហើយ​ទទួល​បាន​គុណសម្បត្តិ និង​គុណវិបត្តិ នេះគឺ​ជាអត្ថន័យពិត​នៃពាក្យ “ស្នេហា” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ កុំ​រឹងរូស​មានៈ​ ចរិត​ស្ដេច​ឬ​ព្រះនាង កុំធ្វើខ្លួនដូចឆ្លាតពេកលើសដៃគូ​ ហើយ​ចង់គ្រប់គ្រងគេតាម​តែចរិតមានៈរបស់ខ្លួនឯង។ ម្នាក់ៗ​ត្រូវតែមកជាមួយគ្នា សម្រាប់ភាគីទាំងពីរ មិនមែន​តែ​ភាគី​ម្ខាង​ទេ។ អាស្រ័យហេតុនេះ ត្រូវគោរពគ្នាទៅវិញទៅមកជាមុនសិន មុនសម្រេចចិត្តថា​ សាងស្នេហ៍​ជាមួយគ្នា។

៣ មើលមនុស្សឲ្យបានយូរ កុំ​វិនិច្ឆ័យ​អ្នក​ណា​ម្នាក់​ ដោយ​សារ​តែ​គេ​បានធ្វើ​ឲ្យ​បេះដូង​អ្នក​លោត​ញាប់។ របស់​បែប​នេះ​ត្រូវ​មើល​ឲ្យ​យូរ​ទៅ ល្អ​ឬ​អាក្រក់​មិន​អាច​វិនិច្ឆ័យ​បានទេ ​របស់ខ្លះស្រោបដោយ​ក្រមា​​មាស ​តែខាងក្នុងគឺ​ក្រឡៃឲ្យសុទ្ធ។ រៀន​ចេះ​សង្កេត​ ចេះ​តាមដាន ​និង​មើល​ចរិត​មនុស្ស​នោះ​សិន​ សឹម​រាប់អាន​គ្នា​វា​មិនហួសពេលទេ។ មនុស្សខ្លះពេលចង់បានអ្វី​ពី​យើង​ គេ​នឹង​ធ្វើ​ទន់ ​ឲ្យ​ជឿ​សិន​ក៏​មាន!

៤ ធ្វើជាខ្លួនឯងតាំងពីដំបូង នៅពេលលង់ស្រលាញ់នរណាម្នាក់ ម្នាក់ៗ​អាច​នឹងផ្លាស់ប្ដូរ​ដើម្បី​ឲ្យ​ម្ខាង​ទៀត​​ចូលចិត្ត​។ ប៉ុន្តែថ្ងៃណាមួយ អត្តចរិតពិត​​នឹង​លាតត្រដាង បើគាត់​ពិតជា​ស្រលាញ់​ គាត់​ត្រូវតែ​ស្រលាញ់​អ្វី​ដែល​យើង​មានក្នុងខ្លួន។ ស្នេហ៍​ពិត​គឺ​តស៊ូ​អោបក្រសោប អត់ឱន​លើកលែង​ទោស​ឲ្យគ្នា ទុកដាក់​ប្រយោជន៍គ្រួសារជាធំ មិនបោះបង់ចោលគ្នាគ្រប់​កាលៈទេសៈ ។ មិនមែនព្យាយាម​ផ្លាស់ប្តូរ​ទំលាប់របស់ដៃគូ ឲ្យមកតាមចំណង់ចំណូលចិត្តរបស់ខ្លួនឯង ចង់ឲ្យគេធ្វើអ្វីតម្រូវតាមតែចិត្តខ្លួនឯង ចង់ឲ្យគេបំរើយកចិត្តយកថ្លើមខ្លួនឯងតែម្នាក់ នឹងតាមចាប់កំហុសគ្នាជានិច្ចនោះទេ។

៥ កុំឆាប់​ស្រលាញ់ ​​បើទើប​តែ​របួស​បេះដូង អំឡុង​ពេលនេះ​ ជា​អារម្មណ៍​ដែល​ស្ថិត​ក្នុង​រយៈពេល​ដ៏​រសើប​ខ្លាំង​។ ដូច្នេះហើយ អ្នកគួរតែ​​សម្រាក​ចិត្ត ដើម្បីមានសុខភាពល្អជាមុនសិន។ បន្ទាប់​មក ​សឹម​ចាប់ផ្ដើម​ស្នេហ៍​ថ្មី​ជាមួយ​មនុស្ស​ដែល​អ្នក​គិត​ថា ​គេ​ជា​ចំណែក​មួយ​ឲ្យ​អ្នក​មាន​ដង្ហើម​បន្ត។​

៦ កុំ​ស្រលាញ់​ព្រោះ​តែ​តណ្ហា ការរួមភេទគឺមានន័យដូច​នឹងស្នេហា។ ប្រសិនបើ​មកលឿន វាអាច​នឹង​បញ្ចប់​ក្នុងពេលឆាប់ៗនេះផងដែរ។ ទុកពេល​ឲ្យខ្លួនឯងនិងដៃគូមានពេលវេលាល្អៗជាមួយគ្នា ច្រើនជាងបង្ខំគ្នា។ អ្វី​ក៏​ដោយ ​បាន​មក​ដោយ​រហ័ស​ ក៏​ងាយ​បាត់បង់​ដូចគ្នា។ ការ​រួមភេទ​មាន​អារម្មណ៍ថា ជាការ​ដាក់សំពាធ គ្រាន់​តែ​ជា​ការ​បំពេញ​បំណង​តែ​ប៉ុណ្ណោះ។

កុំ​ស្រលាញ់​គ្នា​ ដើម្បី​ផ្លាស់ប្ដូរ​ចរិត​ពីកំណើត ស្រលាញ់អ្នកណាម្នាក់ត្រូវស្រលាញ់ធម្មជាតិ។ ស្រឡាញ់អ្វីដែលគាត់មាន ជាការមិនអើពើ​នឹង​ធម្មជាតិ​គឺ​ល្អបំផុត។ ដោយសារតែព្យាយាមផ្លាស់ប្តូរ ថ្ងៃណាមួយធម្មជាតិ​នឹងត្រលប់មក​ធ្វើបាប​យើងវិញ​។

៨ ស្រឡាញ់ខ្លួនឯងជាមុន បើ​អ្នក​មិន​ដឹង​ថា​ ស្រលាញ់​ខ្លួន​ឯង​យ៉ាង​ម៉េច​ តើសម្អាងអី្វដែលគិតថា ខ្លួនឯងមានសិទ្ធអាច​ស្រលាញ់​អ្នក​ផ្សេងបាន? នេះ​ជា​ការ​ពិត! មនុស្សដែលចេះស្រលាញ់​ខ្លួនឯង នឹងមានថាមពលវិជ្ជមានខ្លះ។ បើចេះស្រលាញ់ខ្លួនឯង មិនយូរប៉ុន្មាន អ្នក​ផ្សេងទៀតនឹងងាកមកស្រលាញ់អ្នកវិញ។

ស្នេហា​គឺ​និយាយ​អំពីមនុស្សពីរនាក់ ដូចជារង្វង់ពីរ​ដែលមានចន្លោះ​នៅកណ្តាលដើម្បី​រស់នៅជាមួយ​គ្នា។ យ៉ាងណាមិញ មិនថាស្នេហាកើតឡើងយ៉ាងណានោះទេ តែ​សុទ្ធតែ​មាន​របៀប​ដែលវាធ្វើដំណើរ និងរបៀបដែលវា​បញ្ចប់។ ស្នេហាមួយអាចទៅមុខ​បាន ​គឺ​ទាំងពីរនាក់​បានអភិវឌ្ឍទៅរកសេចក្តីសុខរួមគ្នា មិនមែន​អភិវឌ្ឍទៅរកសេចក្តីសុខរៀងៗខ្លួនឡើយ។ ជាពិសេស​ ម្នាក់ៗ​​មិនច្រណែនផលប្រយោជន៍គ្នា គោរពទំនាក់ទំនងរបស់ដៃគូ ជឿចិត្ត​ស្មោះត្រង់ ​ដោយ​គ្មាន​ការ​ភ័យ​ខ្លាច មិនចាំបាច់​សុំ​ការ​អនុញ្ញាត​គ្រប់​ពេល​គ្រប់​វេលា​ពេក​ឡើយ។

ស្នេហ៍ពិតពេលមានបញ្ហា គេជជែកគ្នាដើម្បីស្វែងរកវិធីដោះស្រាយ រកវិធីស្ថាបនាឲ្យរីកចម្រើន​ ជួយឲ្យដៃគូរបានធូរស្រាលតាមផ្លូវចិត្ត ស្នេហ៍បំពុលការសន្ទនាគឺជាការគំរាមកំហែង តឹងតែងយកឈ្នះចាញ់ ដើម្បីការពារកំហុសរៀងខ្លួន ហើយរករឿងរិះគន់កំហុសដៃគូ ដោយការលើកហេតុផលចោទប្រកាន់គាបសង្កត់គ្នាជាដើម៕

ប្រែសម្រួល៖ សាង ស្រីល័ក្ខ

ចុចអាន៖៣ វិធី ឈប់ត្រាំត្រែងនឹងស្នេហាដែលស្រលាញ់គេតែម្ខាង

ចុចអាន៖៥ វិធី ដើរចេញពីស្នេហាតែម្ខាង ដែលយើងគិតថា មិនអាចទៅរួច

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៦ នាទី មុន

ស្ត្រីវៀតណាមដែលបានលក់ផ្លែពុតទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអជ្ញាធរ

ព័ត៌មានជាតិ១១ នាទី មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៥៣ នាទី មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ១ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៣ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម