Connect with us

KPT+

តើអ្នកដឹងទេមនុស្សដែលមិនសូវនិយាយច្រើន និងមនុស្សពូកែវោហារសព្ទមានគុណសម្បត្តិ និងគុណវិបត្តិអ្វីខ្លះ?

បានផុស

នៅ

មនុស្សដែលមានអត្តចរិត Introvert និង Extrovert ឬមានន័យថា ជាមនុស្សដែលមិននិយាយលេងសើចច្រើន និងជាមនុស្សរួសរាយរាក់ទាក់ច្រើននេះ ពួកគេជាមនុស្សដែលមានចរិតពីរខុសគ្នាស្រឡះ។ ក៏ប៉ុន្តែ ប្រភេទចរិតលក្ខណៈទាំងពីរនេះ សុទ្ធតែមានគុណសម្បត្តិ និងគុណវិបត្តិរៀងៗខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១.មនុស្សចរិត  Introvert

មនុស្សប្រភេទនេះ ជាមនុស្សដែលមានការអៀនប្រៀនច្រើន មិនចូលចិត្តនិយាយលេងសើចជាមួយមនុស្សជុំវិញខ្លួនច្រើនឡើយ អាចនិយាយបានថា ចំណាយពេលជាមួយមនុស្ស តែ២ ឬ៣នាក់ប៉ុណ្ណោះ។ គេ ក៏ជាមនុស្សដែលចូលចិត្តនៅស្ងៀមស្ងាត់ម្នាក់ឯង មិនចូលចិត្តហ្វូងមនុស្សអ៊ូអរទេ។

+គុណវិបត្តិ

-មនុស្សប្រភេទ Introvert ពិបាកក្នុងការចាប់ផ្តើមធ្វើទំនាក់ទំនងជាមួយមិត្តភក្តិ គេជ្រើសរើសមិត្តតែម្នាក់ប៉ុណ្ណោះក្នុងជីវិត ដើម្បីនិយាយរឿងកង្វល់ក្នុងចិត្តប្រាប់។ 

-គ្មានបណ្តាញនៅក្នុងសង្គមច្រើន ព្រោះគេជាមនុស្សមិនចូលចិត្តចូលរួមកម្មវិធី ឬ​ហ្វូងមនុស្ស ច្រើនឡើយ។

-ពួកគេត្រូវបានចោទប្រកាន់ពីសង្គមថា ជាមនុស្សដែលមានអត្តចរិតឈ្លើយ មិននិយាយស្តីជាមួយមនុស្សជុំវិញខ្លួន ប៉ុន្តែ ធាតុពិតមនុស្ស Introvert គឺពិបាកខ្លាំងក្នុងការប្រាស្រ័យទាក់ទងតាមពាក្យសំដី គឺពួកគេចូលចិត្តសរសេរជាងនិយាយ។

+គុណសម្បត្តិ

-ទោះបីជាមនុស្ស Introvert ពិបាកក្នុងការចុះសម្រុងជាមួយនឹងមនុស្សខាងក្រៅក៏ពិតមែន ប៉ុន្តែ ពួកគេជាប្រភេទមនុស្សដែលមានការគិតបានដិតដល់ និងម៉ត់ចត់ចំពោះការងារ ភាគរយតិចណាស់ដែលពួកគេបានបង្កើតកំហុសឆ្គង។

-មនុស្ស Introvert តែងតែមានការប្រុងប្រយ័ត្នខ្ពស់ចំពោះពាក្យសម្តីរបស់គេជានិច្ច រាល់ពាក្យដែលគេបាននិយាយចេញមក សុទ្ធតែជាពាក្យដែលមានការគិតជាមុន។

-គេជាមនុស្សដែលមានការផ្តោតអារម្មណ៍ខ្ពស់ រាល់ពេលដែលរៀន ឬស្តាប់អ្វីមួយ គេស្តាប់ដោយការយកចិត្តទុកដាក់បំផុត ហើយមានគំនិតច្នៃប្រឌិតខ្ពស់។

-Introvert ជាអ្នកសម្រេចចិត្តដ៏ឈ្លាសវៃ និងជាអ្នកដោះស្រាយបញ្ហា ព្រោះគេមិនត្រឹមតែពូកែស្តាប់ប៉ុណ្ណោះទេ គេក៏ជាមនុស្សពូកែគិត និងដោះស្រាយនូវបញ្ហាទាំងឡាយ មិនថាការងារ ឬបញ្ហាដែលមនុស្សជុំវញខ្លួនពឹងពាក់។

២.មនុស្សដែលមានអត្តចរិត Extrovert 

មនុស្សដែលមានចរិត  Extrovert គឺផ្ទុយជាមួយនឹងមនុស្ស Introvert ដាច់ស្រឡះ។  Extrovert គឺជាប្រភេទមនុស្សដែលចូលចិត្តរាប់អានមិត្តភក្តិច្រើន សម្បូរមិត្ត ចូលចិត្តអ្វីដែលសប្បាយៗ ហើយជាពិសេស គេអាចរាប់អានមិត្តភក្តិបានយ៉ាងឆាប់រហ័ស។ ម្យ៉ាងទៀត ប្រភេទមនុស្ស Extrovert នេះ គេមិនចេះនៅតែម្នាក់ឯងឡើយ ទៅណាមកណាម្តងៗតែងតែត្រូវការមានគ្នាកំដរគេជានិច្ច។ 

ជាមួយគ្នានេះ មិនមែនមានតែមនុស្ស Introvert ប៉ុណ្ណោះទេដែលមានគុណវិបត្តិ សូម្បីតែមនុស្ស Extrovert ក៏មាននូវគុណវិបត្តិ និងគុណសម្បត្តិរបស់គេដូចគ្នា។ តើគុណវិបត្តិ និងគុណសម្បត្តិទាំងនោះ មានអ្វីខ្លះ?

+គុណវិបត្តិ

-ការនិយាយច្រើន ឬលេងសើចច្រើនពេករបស់​ក្រុមមនុស្ស Extrovert អាចធ្វើឱ្យក្លាយជាការរំខានទៅលើអ្នកដទៃទាំងគេមិនបានដឹងខ្លួន

-ធ្វើឱ្យមានការប៉ះពាល់អារម្មណ៍ដល់អ្នកដទៃ នៅពេលដែល Extrovert និយាយដោយមិនបានគិតជាមុន

-Extrovert មានមិត្តច្រើន ប៉ុន្តែ មិត្តភាពរបស់ពួកគេបានត្រឹមជាអ្នកស្គាល់គ្នាប៉ុណ្ណោះ

-ពួកគេអាចប្រឈមនឹងការប្រព្រឹត្តនូវកំហុសច្រើន ព្រោះ Extrovert ជាមនុស្សរហ័ស មិនសូវមានការគិតបានដិតដល់ ខុសពីមនុស្ស Introvert ដែលធ្វើឱ្យកំហុសរបស់គេងាយនឹងកើតមាន

-Extrovert អាចនឹងមិនមានការទុកចិត្តពីនរណាម្នាក់ភ្លាមៗ ព្រោះគេជាមនុស្សលេងសើចច្រើន 

+គុណសម្បត្តិ

-ក្រុមមនុស្ស Extrovert ជាមនុស្សដែលងាយស្រួលក្នុងការបង្កើតមិត្ត ផ្តល់ឱកាសឱ្យពួកគេស្គាល់នូវអ្វីដែលថ្មីៗ និងមានបណ្តាញច្រើនសម្រាប់ទំនាក់ទំនង

-Extrovert មិនងាយនឹងចាញ់បោកមនុស្ស ព្រោះគេបានជួបនិងនិយាយជាមួយមនុស្សច្រើនប្រភេទ​ ដូច្នេះ Extrovert ងាយនឹងមើលប្រភេទមនុស្សទាំងនោះដឹងណាស់

-ពួកគេតែងប្រកាន់នូវផ្លូវវិជ្ជមានជានិច្ច

-Extrovert ប៉ិនប្រសព្វខាងនិយាយនិងបញ្ចុះបញ្ចូលអ្នកដទៃ អាចនិយាយបានថា គេជាពពួកមនុស្សពូកែបបត់បែន មានភាពឈ្លាសវៃ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៣ វិនាទី មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

ជីវិតកម្សាន្ដ២៦ នាទី មុន

កាបូប ៦ម៉ូដែល លក់ដាច់អស់គ្មានសល់ ក្រោយ Lisa ថតបង្ហោះមិនប៉ុន្មានម៉ោង

ព័ត៌មានជាតិ៤២ នាទី មុន

អង្គការ​សម្រេច​សុ​បិ​ន្ត​កុមារ​កម្ពុជា​ ចំណាយថវិកា​ជាង៦ម៉ឺនដុល្លារ ចូលរួម​អភិវឌ្ឍន៍​លើ​វិស័យ​ធនធាន​មនុស្ស​ក្នុងស្រុក​ថ្មគោល

ជីវិតកម្សាន្ដ២ ម៉ោង មុន

តួឯកប្រុសរឿង “Squid Game” ឈ្នះពានរង្វាន់ Emmy ដំបូងគេ ក្នុងប្រវត្តិសាស្ត្រកូរ៉េខាងត្បូង

កីឡា២ ម៉ោង មុន

ជម្រើសជាតិ​អេ​ក្វា​ឌ័​រ ប្រឈម​នឹង​ការ​ដក​ចេញពី​ការប្រកួត World Cup 2022

Sokha Hotels

ព័ត៌មានពេញនិយម