KPT+

ជំហានទំាង៥ ដែលនាំគ្រប់ក្តីប្រាថ្នាក្លាយមកជាការពិត

បានផុស

៦ years មុន

នៅ

ថ្ងៃសៅរ៍ ២៦ ធ្នូ ២០២០

ដោយ

Sonya

គេងមើលទូរសព្ទលើសាឡុង រង់ចាំលុយមួយលានដុល្លារធ្លាក់មកលើភ្លៅ? ប្រហែលត្រូវរង់ចាំយូររហូតដល់ជាតិមុខ។

ចង់ធ្វើឱ្យក្តីសុបិន្តក្លាយមកជាការពិតទេ?

គ្មានអ្នកណាកើតមកជាមួយនឹងចម្លើយដែលយកទៅប្រើដើម្បីសម្រេចបាននូវគ្រប់អ្វីៗក្នុងជីវិតឡើយ។ វាជាវិញ្ញាសា។

មនុស្សភាគច្រើន មិនទំាងដឹងផងថាពួកគេចង់បានអ្វីឱ្យប្រាកដ។

នេះជាជំហ៊ានទាំង ៦ ដែលKPT plus រៀបជូន៖

១ សំរេចចិត្តសិនថា ចង់បានអ្វីក្នុងជីវិត

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កុំនិយាយពាក្យស្រមើស្រមៃដូចជា «ល្អដែរ ប្រសិនបើខ្ញុំអាចនឹងមាន….។

បើមិនទាន់ដឹងគោលដៅ ចេញទូកធ្វើអី? ប្រសិនបើ គ្រប់គ្នា ចង់រស់នៅដោយមានមានសេរីភាពហិរញ្ញវត្ថុមុនអាយុ ៤៥ ឆ្នាំ (មិនបាច់ធ្វើការក៏មានលុយបម្រុងទុកចាយ) ឬ ខ្ញុំចង់បានវិស្សមកាលទៅអ៊ីតាលីរយៈពេលមួយសប្តាហ៍ឬខ្ញុំចង់បានដៃគូដ៏ល្អម្នាក់មករួមអាជីវកម្មឬមករួមជីវិត?

ចាប់ផ្តើមជំហានដំបូងគឺ គិតសិន ថា អ្នកចង់បានអ្វី។

២ វិភាគច្បាស់ៗអំពីលទ្ធផលដែលយើងចង់ឃើញ

កំណត់លទ្ធផលហើយ ត្រូវបន្តជំហានទីពីរ ដោយលំអិតច្បាស់ៗអំពីព័ត៌មាននៃលទ្ធផលដែលយើងចង់ឃើញ។ ពិចារណាពីអ្វីដែលអ្នកចង់ពិតប្រាកដ មិនមែនបាចហាចគ្រប់រឿង និងមានជម្រើសគ្រប់យ៉ាងរាប់សិបចំណុចនោះទេ។

ឧទាហរណ៍ បើអ្នកចង់បានផ្ទះមួយ ផ្ទះបែបណា តំបន់ណា ហេតុអ្វីជិតកន្លែងធ្វើការ? តម្លៃប៉ុណ្ណា ទិញនៅឬទុកលក់យកចំណេញ អ្នកណានឹងនៅខ្លះ?

៣ ផ្តាច់បំណងនានាផ្តោតតែលើមួយនេះសិន

អ្នកខ្លះចង់បានគ្រប់យ៉ាង តែមិនបានតំាងចិត្តមួយណាច្បាស់លាស់ទំាងអស់។ ពេលដែលយើងច្បាស់អំពីអ្វីដែលយើងចង់បានហើយយើងធ្វើអ្វីៗដែលយើងអាចឈានទៅសម្រេចវាបាន។ ដោយរំពឹងថា វានឹងកើតឡើងតាម ការរំពឹងទុកថា នៅពេលវេលាណាមួយដែលកំណត់ទុក ជាមួយសកម្មភាព ច្បាស់លាស់។ ការគិត មិនធ្វើសកម្មភាពស្មើសូន្យ។

៤ បើកចំហរគម្រោងថ្មី នៅពេលដែលគម្រោងចាស់មិនដំណើរការ

ផ្លូវឆ្ពោះទៅរកលទ្ធផលអាចនឹងបានសម្រេច អាចនឹងបរាជ័យដែរ ។ ពេលមិនបានដូចចិត្ត អាចផ្អាកការប្រព្រឹត្តិសិន ឧទាហរណ៍តើសន្សំលុយម៉េចបានបើអ្នកកំពុងបាត់បង់ការងារ? ចូរវិនិច្ឆ័យពីរបៀបដែលអ្វីៗគួរតែត្រូវបានធ្វើដោយផ្លាស់ប្តូរថ្មី ផ្អែកលើបទពិសោធន៍ទំាងល្អនិងអាក្រក់នាពេលកន្លងមករបស់យើង ។

ជាញឹកញយ មនុស្សយើង មានបំណងរេរាច្រើន តែចិត្តរារែកក៏មានរហូតដែរ។ ចូរផ្តោតលើគោលដៅ នេះជារបៀបដែលពួកបុគ្គលជោគជ័យមានអស្មិមានៈលើសមនុស្សធម្មតា។

៥ ដឹងគុណបទពិសោធន៍

តើអ្នកតែងចាត់ទុកបញ្ហាប្រឈមនានាថា ឱកាសរីកចម្រើនឬជាបន្ទុក? របៀបដែលយើងគិតហ្នឹងហើយ ដែលនាំឱ្យយើងតស៊ូទៅមុខបានឬមិនបាន។ មនុស្សជោគជ័យតែងតែរំលឹកអរគុណចំពោះការបង្រៀននៃព្រឹត្តិការណ៍នានា ជីវិត ទំាងល្អទំាងអាក្រក់។ ពួកគេមិនព្រមរស់នៅក្នុងរបៀបទោមនស្សឡើយ។

ការទទួលបានអ្វីដែលគ្រប់គ្នាចង់បាន វាតែងតែមិនងាយស្រួលនោះទេ ហើយបើវាងាយមែន អ្នកលែងចង់បានវាហើយ។

ជ្រើសរើសយកការតតំាង ជ្រើសរើសយកការជឿលើសមត្ថភាពរបស់អ្នក អ្នកនឹងមានជីវិតមួយដ៏ក្លៀវក្លា។ ធានា!

អត្ថបទ៖ សាយ ពេជ្រ

ចុចអាន៖ ទំនោរសង្គមដែលចង់ជោគជ័យហួសហេតុពេក មនុស្សក្លាយជាបរាជ័យជាមួយបីយ៉ាងនេះ

ចុចអាន៖ បង្កើតទម្លាប់ល្អ គឺពិបាកតែនេះជាចំណុចសំខាន់បំផុតមួយទៅរកភាពជោគជ័យ