KPT+

វិធី ៦ យ៉ាង ញ៉ាំតិចតែឆ្អែតយូរ ហើយមិនធ្វើឲ្យធាត់

បានផុស

១ year មុន

នៅ

ថ្ងៃសុក្រ ១១ វិច្ឆិកា ២០២២

ដោយ

មនុស្សភាគច្រើនពិបាកក្នុងការញ៉ាំអាហារជាខ្លាំង ព្រោះបើញ៉ាំច្រើន នឹងធ្វើឲ្យធាត់ពិបាកសម្រក។ យ៉ាងណាមិញ បើយើងញ៉ាំតិច នឹងធ្វើឲ្យឆាប់ឃ្លាន ឬនាំឲ្យឈឺឬអស់កម្លាំងមិនខាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វេជ្ជបណ្ឌិត Thidakan Rujipatanakul គឺជាអ្នកឯកទេសផ្នែកថែរក្សាស្បែក និងថ្នាំប្រឆាំងភាពចាស់បានប្រាប់ពីអាថ៌កំបាំងមួយចំនួន ដើម្បីជួយយើងឲ្យញ៉ាំតិចឆាប់ឆ្អែត ហើយថែមទាំងមិនធ្វើឲ្យធាត់ទៀតផង។

១ គួរតែមានប្រូតេអ៊ីនល្អនៅក្នុងអាហារ

ការទទួលទានប្រូតេអ៊ីន ជួយឲ្យអ្នកមានអារម្មណ៍ឆ្អែតបានយូរ ហើយក៏មិនងាយឃ្លាន។ ដូច្នេះអ្នកគួរមានតែប្រូតេអ៊ីននៅក្នុងអាហារនីមួយៗ។ ប៉ុន្តែជ្រើសរើសប្រូតេអ៊ីនដែលមានសុខភាពល្អ មានសាច់មានជាតិខ្លាញ់ទាប ដូចជា ត្រី សាច់មាន់ តៅហ៊ូ។ល

២ ញ៉ាំខ្លាញ់ដែលមានសុខភាពល្អដូចជាផ្លែបឺរ ប្រេងអូលីវ គ្រាប់

ខ្លាញ់ល្អនឹងធ្វើឲ្យអ្នកងាយស្រួលញ៉ាំ និងបំពេញក្រពះបានយ៉ាងល្អ ហើយវាល្អសម្រាប់រាងកាយផងដែរ។ ខ្លាញ់ល្អមាននៅក្នុងអាហារជាច្រើនដូចជា ផ្លែបឺរ ប្រេងអូលីវ គ្រាប់ជាដើម។

៣ ផ្តោតលើជាតិសរសៃអាហារ ធញ្ញជាតិទាំងមូល និងបន្លែ

អាហារដែលមានជាតិសរសៃខ្ពស់ ញ៉ាំហើយធ្វើឲ្យអ្នកមានអារម្មណ៍ឆ្អែតក្នុងក្រពះ ហើយក៏ល្អសម្រាប់ប្រព័ន្ធរំលាយអាហារផងដែរ រួមទាំងជួយកាត់បន្ថយហានិភ័យនៃជំងឺមហារីកពោះវៀនធំផងដែរ។ អាហារសម្បូរជាតិសរសៃរួមមានបន្លែ ជាពិសេសស្លឹកបៃតង និងគ្រាប់ធញ្ញជាតិដែលមិនទាន់ចម្រាញ់។ល។

៤ ទំពារយឺតៗ ផ្តល់ពេលវេលាឲ្យខួរក្បាលមានអារម្មណ៍ឆ្អែត

អ្នកដែលចំណាយពេលញ៉ាំអាហារមួយមុខ យ៉ាងឆាប់រហ័សច្រើនតែមានអារម្មណ៍ថា “ឆ្អែត” ជាងអ្នកដែលញ៉ាំយឺតៗ ហើយទំពារយឺតៗ។ ខួរក្បាលមិនទាន់ដឹងថា អាហារចូលដល់ក្រពះទេ។ អ្នកដែលញ៉ាំលឿន មានហានិភ័យនៃការញ៉ាំច្រើន រហូតដល់ពួកគេមានអារម្មណ៍ថាឆ្អែត ហើយអ្នកដែលញ៉ាំយឺត ទំនងជាមានអារម្មណ៍ឆ្អែតលឿនវិញ។

៥កុំចាំទាល់តែឃ្លានខ្លាំងពេក

នៅពេលដែលជាតិស្ករធ្លាក់ចុះ ឬឃ្លានខ្លាំង វាធ្វើឲ្យយើងញ៉ាំច្រើនដោយមិនដឹងខ្លួន។ ដូច្នេះគួរញ៉ាំឲ្យទាន់ពេល ហើយកុំឲ្យខ្លួនឯងឃ្លានខ្លាំងទើបហូប។

៦ គេងឲ្យបានគ្រប់គ្រាន់ ប្រសិនបើអ្នកគេងមិនលក់ អ្នកនឹងឃ្លានកាន់តែច្រើន

ការគេងមិនលក់ នឹងបន្ថែមលើការធ្វើពេលវេលាដើម្បីធ្វើសកម្មភាពផ្សេងៗ យូរជាងនេះ។ ហើយអាចនឹងធ្វើឲ្យយើងចង់ញ៉ាំអាហារ ឬបង្អែមបន្ថែមទៀត។ វាក៏នាំឲ្យយើងមានអារម្មណ៍ឃ្លានខ្លាំងជាងមុនដែរ។ ដូច្នេះហើយត្រូវចូលគេងហើយក្រោកឲ្យយទាន់ពេលវេលា។ វានឹងជួយដល់បញ្ហានៃការញ៉ាំអាហារបានត្រឹមត្រូវ មិនឲ្យញ៉ាំច្រើនដោយចៃដន្យ។ ហើយច្បាស់ជាមិនធាត់ជាងមុន៕

ប្រែសម្រួល៖ សាង ស្រីល័ក្ខ

ចុចអាន៖អាហារ ៥ មុខ ជនជាតិជប៉ុនជឿថា ធ្វើឲ្យការចងចាំកាន់តែប្រសើរឡើង

ចុចអាន៖អត្ថប្រយោជន៍ ១០ យ៉ាងពីផ្លែល្ពៅ ជួយសម្រកទម្ងន់ និងមហារីក