KPT+
ព្រហ្មលិខិតចង់ឱ្យខ្ញុំដួល មានវិធីដើម្បីក្រោកឡើងវិញអត់?
ខ្ញុំមិនជឿព្រហ្មលិខិត មិនជឿភ័ព្វព្រងវាសនានោះទេ ។ នេះជាសម្តី របស់ពិធីការិនីមានទ្រព្យស្តុកស្តម្ភអូប្រាវីនហ្វ្រេ។
នៅក្នុងពេលថ្លែងសុន្ទរកថានៅសាកលវិទ្យាល័យ Harvard ស្ត្រីដ៏ជោគជ័យរូបនេះនិយាយថា ៖
«យើងម្នាក់ៗជួបប្រទះនឹងការជំពប់ដួលខ្លះៗនៅក្នុងជីវិតរបស់យើង ស្លាកស្នាមផ្លូវចិត្តខ្លះស្រាលខ្លះធ្ងន់សឹងអាចសម្លាប់យើងបាន ជួនកាលយើងទើបតែត្រូវបានគេបញ្ឈប់ពីការងារ ឬត្រូវគេមួយបង្កាច់ ឬត្រូវរងគ្រោះដោយគ្រោះធម្មជាតិ ឬរឿងចៃដន្យណាមួយ។ ពេលខ្លះយើងត្រូវបង្ខំចិត្ត ខំប្រឹងធ្វើការងារមួយ ដែលមិនត្រូវសោះទៅតាមផែនការរបស់យើង។ ក្នុងគ្រាទាំងនេះ ពេលខ្លះយើងហាក់ចង់លែងតស៊ូ ហើយអស់កម្លាំងកាយចិត្ត លង់ជ្រៅទៅក្នុងអារម្មណ៍ឈឺចាប់និងការសង្ស័យប៉ុន្តែទាំងនេះគឺជារឿងធម្មតាប៉ុណ្ណោះ វាជាជីវិត ។ »
លោកស្រីបានបង្ហើបពី អាថ៌កំបាំងនៃការយកឈ្នះជីវិតដែលមានបន្តបន្ទាប់នៅខាងក្រោមនេះ៖
១. ទទួលយកការពិតចំពោះរឿងណាមួយដែលយើងមិនអាចផ្លាស់ប្តូរវាបាន
វាដូចជាការសោកសៅពេលនិយាយដលើត្រង់ណេះ ប៉ុន្តែនៅក្នុងជីវិតពិតជាមានរឿងខ្លះដែលលើសពីការគ្រប់គ្រងរបស់យើង។ ប្រសិនបើអាជីវកម្មរបស់យើងបរាជ័យ ហើយជំពាក់គេច្រើន យើងមិនអាចទៅផឹកស្រាដើម្បីផ្លាស់ប្តូរការពិតនេះចេញវិញបានទេ។ ប្រសិនបើមនុស្សជាទីស្រលាញ់ណាម្នាក់បានចាកចេញទៅហើយ ការឈឺចាប់នោះទោះយូរប៉ុណ្ណាក៏គង់មិនអាចផ្លាស់ប្តូរវាបានវិញដូចគ្នា។ ដូច្នេះព្យាយាមទទួលយកវាហើយចាប់ផ្តើមគិតពីអ្វីដែលជាដំណោះស្រាយ។
២. កំណត់គោលដៅជីវិតឡើងវិញ
ការរៀនពីឥរិយាបទរបស់យើងអាចនាំទៅដល់ការផ្លាស់ប្តូរ ហើយរៀនពីទិដ្ឋភាពនៃបទពិសោធន៍ដើម្បីជាទុនយកមកកំណត់គោលដៅសារជាថ្មី។ មនុស្សជាច្រើនលើលោកនេះ រៀនពីបរាជ័យច្រើនជាងជោគជ័យ។ ពួកគេបរាជ័យច្រើនដង មុនពេលជោគជ័យដល់កំពូល។ ប៉ុន្តែអ្វីដែលសំខាន់បំផុតនោះគឺត្រូវចងចាំថា កុំបោះបង់ចោលខ្លួនឯងទោះក្នុងកាលៈទេសៈណាក៏ដោយ។ ពិភពលោកនេះអាចស្អប់យើងបោះបង់ចោលយើង តែយើងខ្លួនឯងត្រូវតែភ្លឺស្វាងហើយដឹងថាត្រូវបន្តទៅតាមផ្លូវណា។
៣. ចូររៀនអភ័យទោសឱ្យខ្លួនឯងនិងអ្នកដទៃ
នៅពេលដែលជីវិតលំបាកលំបិន ជាធម្មតាទេដែលមានយើងអារម្មណ៍ថាមានកំហុស។ ការបន្ទោសខ្លួននិងការស្អប់ខ្លួនឯងមិនអាចជួយអ្វីបានទាំងអស់។ ទោះយ៉ាងណាក៏ដោយគ្រប់គ្នាត្រូវតែរៀនអភ័យទោសឱ្យខ្លួនឯងនិងអ្នកផ្សេង ដើម្បីបំភ្លេចចោលហើយឆ្ពោះទៅមុខ។ កុំបង្ខាំងខ្លួនយើងក្នុងភាពងងឹត។
ចូរសិក្សាមនុស្សទាំងឡាយណាដែលធ្លាប់ឆ្លងកាត់ស្ថានភាពលំបាកដូចយើង ហើយពេលនេះពួកគេអាចរស់នៅដោយជោគជ័យ។ តើពួកគេបានធ្វើអ្វីដើម្បីសង្គ្រោះខ្លួនគេមកវិញ ? ការអានសំខាន់ណាស់ វាអាចជួយបានច្រើន។៕
អត្ថបទ៖ ស្រស់
ចុចអាន៖ ទម្លាប់ល្អ ៤ យ៉ាងដែលធ្វើឱ្យឱកាសល្អកើតឡើងម្តងហើយម្តងទៀតក្នុងជីវិត
ចុចអាន៖ ដឹងគន្លឹះនេះ អាចឲ្យយុវវ័យចូលចិត្តដើរកម្សាន្តជាមួយអ្នកផ្ទះជាងមិត្តភក្ដិ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ