KPT+

គុណសម្បត្តិនិងគុណវិបត្តិដែលមិនគួរប្រើគណនីបណ្ដាញសង្គមរួមគ្នាជាមួយដៃគូ

Published

2 weeks ago

February 18, 2021

វាជារឿងធម្មតាដែលយើងមានមនុស្សដែលខ្លួនស្រលាញ់ តែងចង់ឲ្យពិភពលោកស្គាល់ពួកគេតាមរយៈរឿងដែលយើងចង់បង្ហាញ។ ដោយជ្រើសរើសការបង្ហោះរូប selfies នៅលើគណនីហ្វេសប៊ុក អ៊ីស្តាក្រាម ធ្វីតធឺ ផ្ទាល់ខ្លួន ឬក៏បោះជំហានទៅមុខមួយជំហានទៀត ដោយប្រើគណនីបណ្ដាញសង្គមរួមគ្នាតែម្ដង។

ប៉ុន្តែមានអ្វីដែលចង់ឱ្យអ្នកពិចារណាគិតឱ្យវែងឆ្ងាយ មុនពេលសម្រេចចិត្តប្រើគណនីរួមគ្នា ដោយសារតែបណ្ដាញសង្គមរួមគ្នា អាចជាសញ្ញាមួយនៃភាពមិនត្រឹមត្រូវខ្លះមកកាន់យើង។

ទោះយ៉ាងណា ខាងក្រោមនេះជាគុណសម្បត្តិនិងគុណវិបត្តិ នៃការប្រគណនីបណ្ដេញសង្គមរួមគ្នា គួរពិចារណាថ្លឹងថ្លែង ៖

មានគណនីរួមបង្ហាញពីការខ្វះទំនុកចិត្ត

ក្រុមអ្នកជំនាញយល់ឃើញថា គណនីបណ្ដាញរួមគ្នា គឺជាវិធីមួយនៃការប្រកាសថាស្ថានភាពទំនាក់ទំនងមានមានភាពស្មុគស្មាញ។

អ្នកជំនាញទំនាក់ទំនងលោកស្រី Shannon Smith បានប្រាប់ទូរទស្សន៍ Bravo ថា “ ហេតុផលមួយដែលពួកគេធ្វើបែបនេះ គឺដោយសារតែពួកគេមិនទុកចិត្តគ្នា ” ។ ប្រហែលជាមាននរណាម្នាក់បោកប្រាស់ ហើយពួកគេមានអារម្មណ៍ថាត្រូវការរក្សាទំនាក់ទំនងរបស់គ្នាទៅវិញទៅមកក្នុងបណ្ដេញសង្គម។

វិធីសាស្ត្រនេះក៏ត្រូវបានគេលើកឡើង ដើម្បីបង្ហាញពីភាពរួបរួមគ្នា និងបង្ហាញពីចំណងស្នេហារបស់ពួកគេ ប៉ុន្តែវាក៏អាចបង្ហាញពីការផ្លាស់ប្ដូរដ៏អស់សង្ឃឹមក្នុងជីវិតគូផងដែរ។

មានករណីខ្លះអាចជាករណីលើកលែង

ប៉ុន្តែមានច្បាប់ខ្លះ អាចជាការករណីលើកលែង ហើយទាំងនេះត្រូវបានអនុវត្តនៅពេលដែលប្ដីប្រពន្ធកំពុងធ្វើជំនួញជាមួយគ្នា ឬពួកគេចង់ចែករំលែកចំណាប់អារម្មណ៍ជាមួយគ្នា។ ជាពិសេសអាចមកពីពួកគេ ចង់រក្សាមិត្តភាពនិងក្រុមគ្រួសារឱ្យកាន់តែមានសុភមង្គលបន្ថែមទៀត។

ឧទាហរណ៍សម្រាប់គូស្នេហ៍ដែលរស់នៅក្រៅប្រទេស ឬអ្នកដែលបែកពីមិត្តភក្ដិនិងក្រុមគ្រួសារ នេះនឹងធ្វើឱ្យជីវិតពួកគេមានភាពជិតស្និទ្ធ។ ប្រសិនបើពួកគេសម្រេចចិត្តថា នឹងបង្កើតគណនីបណ្ដេញសង្គមរួមគ្នា។

ពីព្រោះនៅពេលដែលមនុស្សបែកពីមិត្តភក្ដិនិងក្រុមគ្រួសារជិតស្និទ្ធរបស់ពួកគេ ដោយរយៈចម្ងាយផ្លូវ វាអាចសមហេតុផលសម្រាប់អ្នកខ្លះ ក្នុងការផ្ដល់ព័ត៌មានរួមគ្នា ដល់មនុស្សជាទីស្រឡាញ់ពួកគេ៕

ប្រែសម្រួល៖ សាង ស្រីល័ក្ខ

ចុចអាន៖ កុំសូវទុកចិត្ត Telegram ពេក ព្រោះវាមិនអាចរក្សាការរសម្ងាត់ប៉ុន្មាននោះទេ

ចុចអាន៖ សង្សារខ្ចីលុយ គួរឱ្យដែរ?